ໂຮງງານປຸງແຕ່ງໄມ້ອະນຸໄຊ ມອບເຄື່ອງໄຫ້ເມືອງອາດສະພອນ

  ໃນຕອນບ່າຍຂອງວັນທີ 30 ມີນາ 2020 ທ່ານ ສຸລິສັກ ຈັນໂທ ຜູ້ອຳນວຍການໂຮງງານປຸງແຕ່ງໄມ້ອະນຸໄຊພ້ອມຄະນະໄດ້ນຳໜ້າກາກອະນາໄມຈຳນວນ 20 ກ່ອງ ແລະນໍ້າດື່ມຈຳນວນ 128 ແພັກ, ລວມມູນຄ່າທັງໝົດ 5,24 ລ້ານກີບ ມອບໃຫ້ເມືອງອາດສະພອນເພື່ອນຳໃຊ້ເຂົ້າໃນວຽກງານຕ້ານແລະສະກັດກັ້ນການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼື Covid-19 ກ່າວມອບໂດຍ ທ່ານ ສຸລິສັກ ຈັນໂທ ແລະ ໃຫ້ກຽດ ຮັບໂດຍທ່ານ ຄຳແພງ ເພັດທຸມພອນ ເຈົ້າເມືອງອາດສະພອນ.

  ໂອກາດນີ້, ທ່ານເຈົ້າເມືອງອາດສະພອນ ຍັງໄດ້ມອບໃບສັນລະເສີນໃຫ້ກັບໂຮງງານປຸງແຕ່ງໄມ້ອະນຸໄຊເພື່ອເປັນການຕອບແທນຄຸນງາມຄວາມດີນໍ້າໃຈຊ່ວຍເຫຼືອສັງຄົມໃນຍາມວິກິດພ້ອມນີ້ທ່ານຍັງໄດ້ກ່າວຂອບໃຈ ແລະສະແດງຄວາມຍ້ອງຍໍຊົມເຊີຍຕໍ່ນໍ້າໃຈຂອງບັນດາທ່ານທີ່ປະກອບສ່ວນຊ່ວຍເຫຼືອໃນຄັ້ງນີ້ຊຶ່ງມັນເປັນທ່າແຮງອັນສຳຄັນໃນການຕ້ານ ແລະສະກັດກັ້ນການລະບາດຂອງພະຍາດລະບາດດັ່ງກ່າວພາຍໃນເມືອງອາດສະພອນຂອງພວກເຮົາ.

___________

ໜັງສືພິມເສດຖະກິດ-ສັງຄົມ

แชร์