ຮ້ານຄຳສີດາ ທຸລະກິດໄປໄດ້ດີກຽມເປີດສາຂາໃໝ່

  ຮ້ານຄຳສີດາ ລາດຊະວົງ ປະຈຸບັນໄດ້ກາຍເປັນທີ່ຍອມຮັບຂອງສັງຄົມຢ່າງກວ້າງຂວາງເນື່ອງຈາກທາງຮ້ານໄດ້ເນັ້ນເລື່ອງຜະລິດຕະພັນທີ່ມຄຸນນະພາບ, ມີ ລວດລາຍທີ່ສວຍງາມ ແລະມີຫຼາຍຮູບແບບໃຫ້ລູກຄ້າໄດ້ເລືອກຊື້, ບວກກັບການບໍລິການຂອງຮ້ານທີ່ເນັ້ນບໍລິການວ່ອງໄວສ້າງຄວາມເຊື່ອໝັ້ນແກ່ລູກຄ້າສິ່ງດັ່ງກ່າວໄດ້ເຮັດໃຫ້ທຸລະກິດ ຮ້ານ ຄຳສີດາ ລາດຊະວົງ ເຕີບໃຫຍ່ຂະຫຍາຍຕົວຕໍ່ເນື່ອງທັງນີ້ຍັງມີແຜນກຽມຂະຫຍາຍສາຂາຕື່ມເພື່ອຮອງຮັບ ແລະ ສ້າງຄວາ ມສະດວກໃຫ້ລູກຄ້າເຂົ້າເຖິງການບໍລິການຂອງຮ້ານຫຼາຍຂຶ້ນ.

  ທ່ານ ນາງ ວຽງສອນ ທິບຸນມາ ເຈົ້າຂອງຮ້ານຄຳສີດາລາດຊະວົງໃຫ້ສຳພາດວ່າ: ໃນໄລຍະຜ່ານມາຮ້ານຄຳສີດາ ລາດຊະວົງ ໄດ້ມີການໂຄສະນາ, ການຕະຫຼາ ດ, ການແຈກຂອງລາງວັນເປັນລົດຈັກເວບ 100 ຈຳນວນ 6 ຄັນ ແລະລາງວັນອື່ນໆ ເພື່ອເປັນການຄືນກຳໄລໃຫ້ແກ່ລູກຄ້າຈາກສິ່ງດັ່ງກ່າວຈະເຮັດໃຫ້ລູກ ຄ້າເຊື່ອໝັ້ນຫຼາຍຂຶ້ນ ພ້ອມທັງນຳສະເໜີຮູບ ແບບຂອງສິນຄ້າອອກສູ່ສາຍລູກ ຄ້າ ແລະຍັງເປັນຜູ້ສະໜັບສະໜູນ ຫຼັກຂອງມິສແກຣນ 2018 ນອກນັ້ນ ທາງຮ້ານຍັງເນັ້ນການບໍລິການ, ຄຸນນະພາບຂອງຜະລິດຕະພັນ ແລະການບໍລິການຫຼັງການຂາຍເປັນຫຼັກ.

 ທ່ານ ນາງ ວຽງສອນ ທິບຸນມາ ໃຫ້ຮູ້ຕື່ມວ່າ: ຜ່ານການດຳເນີນທຸລະກິດຮ້ານຄຳໃນໄລຍະຜ່ານມາເຫັນວ່າທຸລະກິດມີການເຕີບໃຫຍ່ຂະຫຍາຍຕົວຢ່າງຕໍ່ ເນື່ອງ ແລະ ກາຍເປັນທີ່ຮູ້ຈັກຂອງສັງຄົມນັບມື້ນັບຫຼາຍຂຶ້ນເນື່ອງຈາກທາງ ຮ້ານຄຳສີດາ ລາດຊະວົງ ເນັ້ນຄຸນນະພາບຂອງສິນຄ້າ, ການບໍລິການທີ່ວ່ອງໄວ ແລະອື່ນໆເພື່ອສ້າງຄວາມເຊື່ອໝັ້ນໃຫ້ກັບລູກຄ້າທັງນີ້ເພື່ອຮອງຮັບການເຕີບໃຫຍ່ຂອງທຸລະກິດ ແລະຮອງຮັບລູກຄ້າທາງຮ້ານຄຳສີດາລາດຊະວົງມີແຜນກຽມເປີດສາຂາໃໝ່ຄືສາຂາທີ 2 ໃນທ້າຍປີ 2019 ທີ່ຕະຫຼາດຊັ່ງຈຽງເພື່ອສ້າງຄວາມສະດວກໃຫ້ລູກຄ້າເຂົ້າເຖິງການບໍລິການຂອງຮ້ານຫຼາຍຂຶ້ນ, ສຳລັບຮ້ານຄຳສີດາລາດຊະວົງ ແມ່ນຕັ້ງຢູ່ຕະຫຼາດເຊົ້າຊ໋ອບປິງມໍ1 ຊັ້ນ 2 ທ່ານໃດທີ່ສົນໃຈຢາກຊື້ຄຳທຸກຮູບແບບລວດລາຍງາມໆກໍ່ສາມາດເຂົ້າໄປເບິ່ງ ແລະເລືອກຊື້ໄດ້.

แชร์