ໂຮງແຮມ ລາວເທວ ວຽງຈັນ ເນັ້ນໃສ່ໃຈປ້ອງກັນໂຄວິດ-19

  ໂຮງແຮມ ລາວເທວໂຣເທວແອນ ຣີສອດ ໜຶ່ງໂຮງແຮມກິດຈະການຂອງຄົນລາວທີ່ເພິ່ນມີອຸດົມການຮັກສາເອກະລັກແບບລາວໆ ຊຶ່ງກຽມປັບປຸງລະບົບທຸກຢ່າງເພື່ອໃຫ້ລູກຄ້າເປັນຄົນລາວເຂົ້າໃຊ້ບໍລິການປະຈຸບັນຫຼັງມີວິກິດໂຄວິດ-19 ທາງໂຮມແຮມກໍ່ບໍ່ນິ້ງນອນໃຈໂດຍຈັດທຸກວິທີ່ຂ້າເຊື້ອ ແລະອຸປະກອນທຸກຢ່າງເພື່ອໃຫ້ຄວາມປອດໄພແຂກມາພັກເຊົາ ແລະພະນັກງານມີຄວາມປອດໄພ 100%.

  ເມື່ອບໍດົນມານີ້ ທ່ານ ນາງ ວົງຈັນ ບົວແພງ ຜູ້ອຳນວຍການໂຮງແຮມລາວເທວວຽງຈັນ ໃຫ້ສຳພາດນັກຂ່າວພວກເຮົາວ່າ: ໂຮງແຮມແຫ່ງນີ້ໃນເມື່ອກ່ອນແມ່ນຊື່ວ່າ: ໂຮງແຮມສົມບູນ ໂດຍຕັ້ງຕາມຊື່ຍາພໍ່ ສົມບູນ ອິນທະວົງ ຜູ້ເປັນບິດາຂອງຂ້າພະເຈົ້າທີ່ເປັນເຈົ້າຂອງ ແລະ ເປັນຜູ້ສ້າງຕັ້ງ, ໂດຍສ້າງຂຶ້ນໃນປີ 1957, ມາຮອດວັນທີ່ 19 ຕຸລາ 1991 ບໍລິສັດ GTS DETICO CO.,LTD ໄດ້ມາເຊົ່າກິດຈະການນຳພວກຂ້າພະເຈົ້າເປັນໄລຍະເວລາ 30 ປີ ແລະມາຮອດວັນທີ່ 24 ເມສາ 2019 ນີ້ບໍລິສັດດັ່ງກ່າວໄດ້ຕົກລົງເຫັນດີເປັນເອກະພາບມອບການບໍລິຫານກິດຈະການ ໂຮງແຮມດັ່ງກ່າວນີ້ຄືນ.

  ປະຈຸບັນທາງໂຮງແຮມແມ່ນມີການປັບປຸງລະບົບການໃຊ້ບໍລິການໃຫ້ເໝາະສົມໂດຍສະເພາະເລື່ອງລາທີ່ສາມາດຄົນລາວເຂົ້າມາໃຊ້ບໍລິການໄດ້ໂດຍເນັ້ນສ້າງລະບົບແບບລາວໆແຕ່ຢູ່ໃນລະດັບສາກົນທີ່ສຳຄັນທາງໂຮງແຮມສ້າງວຽກເຮັດງານທຳພະນັກງານຫຼາຍກວ່າ 95 ໜ່ວຍງານ.

  ແນວໃດກໍຕາມປະຈຸບັນດັ່ງຮູ້ກັນແລ້ວວ່າພະຍາດໂຄວິດ-19 ທົ່ວໂລກກຳລັງປະເຊີນບັນຫາໃຫຍ່ຫຼວງເຮັດມີຄົນຕິດ ແລະເສຍຊິວິດຈຳນວນຫຼາຍຊຶ່ງປະເທດລາວເຮົາກໍ່ເລີ່ມມີຜູ້ຕິດເຊື້ອ ແລະໜ້າເປັນຫ່ວງເຊັ່ນດຽວກັນ ຊຶ່ງປະຈຸບັນທາງໂຮງແຮມກໍ່ບໍ່ນິ້ງນອນໃຈໂດຍເຊີນເອົາທາງພາກສ່ວນກ່ຽວຂ້ອງກະຊວງລົງຕິດຕາມກວດ ແລະສີດຢາຂ້າເຊື່ອນອກນີ້ຍັງນຳເອົາອຸປະກ່ອນທຸກຢ່າງມາໄວ້ຄ່ອຍບໍລິການໃຫ້ພະນັກງານ ແລະແຂກມາພັກເຊົ່າໃຫ້ມີຄວາມປອດໄພ.

___________

ຂຽນໂດຍ: ບຸນນິກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์