ອັດຕະປື ໂຈະຊົ່ວຄາວການຈັດງານບຸນປະເພນີ ແລະບໍລິການຕ່າງໆ

  ເພື່ອເປັນເອກະພາບ ແລະ ເພີ່ມມາດຕະການໃໝ່ໃນການປ້ອງກັນ, ຄວບຄຸມ ແລະແກ້ໄຂການແຜ່ລະບາດຂອງເຊື້ອພະຍາດອັກເສບປອດທີ່ເກີດຈາກເຊື້ອຈຸລະໂລກ ສາຍພັນໃໝ່ ຫຼື ໂຄວິດ-19 ດັ່ງນັ້ນແຂວງອັດຕະປືກໍຄືພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງໄດ້ອອກແຈ້ງການສັ່ງໂຈະ ແລະຢຸດຕິຊົ່ວຄາວການຈັດງານບຸນປະເພນີລວມທັງ ການບໍລິການດ້ານຕ່າງໆພາຍໃນ ແຂວງເພື່່່ອປ້ອງກັນໂຄວິດ-19 .

 ຊຶ່ງເນື້ອໃນສໍາຄັນຂອງແຈ້ງການໄດ້ລະບຸໄວ້ວ່າ: ໃຫ້ໂຈະການຈັດກິດຈະກໍາງານບຸນ, ງານປະເພນີຕ່າງໆ, ທີ່ເປັນຮູບແບບມີຄົນເຂົ້າຮ່ວມຈໍານວນຫຼາຍ,ຈົນກວ່າ ສະພາບ ການລະບາດຂອງພະຍາດ ສາມາດຄວບຄຸມໄດ້, ຊຶ່ງກິດຈະກໍາສໍາຄັນທີ່ຖືກໂຈະປະກອບມີກິດຈະກໍາງານບຸນປີໃໝ່ລາວເປັນຕົ້ນ:ງານຕະຫຼາດນັດມວນຊົນ, ການຫົດນໍ້າຕາມທະໜົນຫົນທາງ, ການ ຕົບພະຊາຍ, ການແຫ່ຫົນສົງພະກາງເມືອງ, ງານບາສີສູ້ຂວັນແບບ ມວນຊົນ, ການຈັດງານຊຸມນຸມ ການສະແດງສີລະປະ, ງານຄອນ ເສີດ, ງານລາຕີ, ງານປະກວດ, ງານບຸນບັ້ງໄຟບ້ານວັດຫຼວງ ແລະ ອື່ນໆ.

  ສໍາລັບການປ່ຽນຜ່າບ່ຽງພະອົງແສນທີ່ວັດສະແຄະ, ການບາສີ ສູ້ຂວັນໃນຄອບຄົວ, ການຫົດສົງ ພະຢູ່ວັດໃນແຕ່ລະວັນນັ້ນຕ້ອງຈໍາ ກັດບໍ່ໃຫ້ຄົນແອອັດ, ໂດຍໃຫ້ເຂົ້າ ຫົດສົງເປັນຈຸດບໍ່ໃຫ້ເກີນ 20 ຄົນ, ໂດຍມອບໃຫ້ອໍານາດການປົກຄອງ ແຕ່ລະບ້ານສາລະວັດເຖົ່າແກ້ແນວໂຮມ ແລະເຈົ້າໜ້າທີ່ຄວບຄຸມດູແລດ້ານການບໍລິການປະເພດຕ່າງໆ ຮ້ານອົບນວດແຜນບູຮານ, ຮ້ານບັນເທິງ, ຮ້ານຄາຣາໂອເກະພັດຕະຄານ ແລະຮ້ານກິນດື່ມໃນທົ່ວແຂວງແມ່ນໃຫ້ຢຸດຕິຊົ່ວຄາວຈົນກວ່າສະຖານະການຂອງພະ ຍາດ ສາມາດຄວມຄຸມໄດ້ສ່ວນຮ້ານອາ ຫານ, ໂຮງແຮມເຮືອນພັກໃຫ້ປະຕິບັດຕາມຫຼັກການປ້ອງກັນ ແລະ ຕອບໂຕ້ຂອງຂະແໜງສາທາລະນະສຸກວາງອອກ.

   ນອກນັ້ນຍັງໂຈະ ຫຼືເລື່ອນການບໍລິການຈັດທົວໄປທ່ອງທ່ຽວປະເທດຕ່າງໆ ຫຼື ການຮັບເອົານັກທ່ອງທ່ຽວເຂົ້າມາແຂວງອັດຕະປືໃຫ້ຢຸດການຫຼິ້ນທ່ຽວຕາມຫາດຊາຍ-ດອນຕ່າງໆທີ່ມີຜູ້ຄົນເຂົ້າຮ່ວມຢ່າງໜາແໜ້ນເປັນຕົ້ນ: ຫານດອນແກງໄຊ, ເມືອງສາມັກຄີໄຊ, ຕາດຈໍເມືອງຊານໄຊ,ຕາດແຊພະ-ແຊປອງໄລເມືອງສະໜາມໄຊ, ວັດພູສະພອງລວມເຖິງສະຖານທີ່ອື່ນໆ.

ຊຶ່ງປະຈຸບັນທາງຄະນະນໍາພ້ອມດ້ວຍວິຊາການຂອງພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງອັດຕະປື ແລະ ຫ້ອງການ ຖວທ 5 ຕົວເມືອງ ໄດ້ລົງເຜີຍແຜ່ແຈ້ງການດັ່ງກ່າວຕາມຈຸດຕ່າງໆເພື່ອໃຫ້ຜູ້ປະກອບການ ໄດ້ເຂົ້າໃຈ ແລະປະຕິບັດຕາມແຈ້ງການຢ່າງເຂັ້ມງວດ.

-----

ໂດຍ: ສາຍນໍ້າ

แชร์