ເລັ່ງລົບລ້າງໄພຂົ່ມຂູ່ຈາກມະເຮັງປາກມົດລູກ

  ວັນທີ 4 ກຸມພານີ້ແມ່ນວັນມະເຮັງໂລກ ອົງການອະນາໄມໂລກປະກາດວ່າ, ພວມສຸມທຸກ ຄວາມພະຍາຍາມຮ່ວມກັບຄູ່ຮ່ວມມືໃນການປະ ຕິບັດແຜນການການເຄື່ອນໄຫວທົ່ວໂລກເພື່ອ ເລັ່ງລັດລົບລ້າງໄພຂົ່ມຂູ່ຈາກມະເຮັງປາກມົດລູກ, ໂດຍສະເພາະຈະຊ່ວຍເຫຼືອແມ່ຍິງຂອງປະເທດພວມພັດທະນາໄດ້ຮັບການບໍລິການໃນການ ປ້ອງກັນ, ກວດກາແລະປິ່ນປົວ.

ຕາມຂ່າວຕ່າງປະເທດລາຍງານວ່າ ຂໍ້ມູນ ຂອງອົງການອະນາໄມໂລກສະແດງໃຫ້ເຫັນວ່າ, ມະເຮັງປາກມົດລູກແມ່ນມະເຮັງປະເພດທີ 4 ທີ່ແມ່ຍິງທົ່ວໂລກປະສົບ. ເຖິງແມ່ນວ່າມະ ເຮັງປາກມົດລູກແມ່ນສາມາດປ້ອງກັນໄດ້ ແລະ ປິ່ນປົວໄດ້ກໍຕາມ, ແຕ່ມາຮອດປະຈຸບັນແມ່ຍິງຈຳນວນຫຼາຍໃນປະເທດພວມພັດທະນາພັດບໍ່ສາມາດໄດ້ຮັບການບໍລິການໃນການປ້ອງກັນ, ກວດກາ ແລະ ປິ່ນປົວ. ສະນັ້ນ, ອົງການອະນາ ໄມໂລກພ້ອມຄູ່ຮ່ວມມືພວມສຸມທຸກຄວາມພະຍາຍາມເລັ່ງລັດລົບລ້າງໄພຂົ່ມຂູ່ຈາກມະເຮັງ ປາກມົດລູກ.  ຜູ້ອຳນວຍການໃຫຍ່ອົງການອະ ນາໄມໂລກເນັ້ນວ່າ, ມີຄວາມຈຳເປັນຈັດເອົາ ການບໍລິການປ້ອງກັນ ແລະ ປິ່ນປົວມະເຮັງປາກມົດລູກເຂົ້າໃນລະບົບສາທາລະນະສຸກຂອງບັນ ດາປະເທດ, ເຮັດໃຫ້ກາຍເປັນພາກສ່ວນໜຶ່ງໃນການປະຕິບັດກົນໄກຮັບປະກັນສຸຂະພາບຂອງທົ່ວປວງຊົນ.

ອົງການອະນາໄມໂລກຍັງສະເໜີໃຫ້ຮູ້ວ່າ:ບັນດາປະເທດຕ້ອງເພີ່ມທະວີ ແລະນຳໃຊ້ພື້ນຖານໂຄງລ່າງສາທາລະນະສຸກທີ່ມີຢູ່ປະຈຸບັນຢ່າງ ເຕັມທີ່ ແລະປັບປຸງການບໍລິການໃຫ້ເປັນເອກະ ພາບກັນ, ຈັດຕັ້ງປະຕິບັດນະໂຍບາຍ ແລະມາດຕະການແຫ່ງຊາດໃຫ້ດີກວ່າເກົ່າຕາມທີ່ໄດ້ກຳ ນົດໄວ້, ພ້ອມທັງສະໜັບສະໜູນງົບປະມານ ແລະ ກອງທຶນຈາກລະບົບທະນາຄານທີ່ກ່ຽວຂ້ອງ.

• 06/02/2019