ຄັງເງິນແຫ່ງຊາດປະຈຳແຂວງອັດຕະປື ຖືເອົາການເບີກຈ່າຍເງິນເດືອນເປັນບຸລິມະສິດສຳຄັນ

  ຄັງເງິນແຫ່ງຊາດປະຈຳ ແຂວງອັດຕະປື ຖືເອົາການເບີກຈ່າຍເງິນເດືອນເປັນບຸລິມະສິດສາຄັນໃນວັນທີ 19 ມີນາ ປີ 2020 ແລ້ວນີ້ ທ່ານ ນາງ ວັດຖາວອນ ວົງໄຊ ຫົວໜ້າຄັງເງິນແຫ່ງຊາດປະຈຳແຂວງອັດຕະປື ໄດ້ໃຫ້ສຳພາດວ່າ: ຄັງເງິນແຫ່ງຊາດປະຈໍາແຂວງອັດຕະປື ໄດ້ຖືເອົາການ ເບີກຈ່າຍເງິນເດືອນ-ເງິນນະໂຍບາຍຕ່າງໆເປັນບູລິມະສິດສຳຄັນຊຶ່ງສະແດງອອກໃນການຈັດຕັ້ງປະຕິບັດໄລຍະ 2 ເດືອນກວ່າມານີ້ດ້ານລາຍຈ່າຍງົບປະມານປະຕິບັດໄດ້ທັງໝົດ 39 ຕື້ກວ່າກີບ ຫຼືເທົ່າກັບ 11% ຂອງແຜນການປີໃນນີ້ລາຍຈ່າຍງົບປະມານປົກກະຕິ ປີ 2020 ເທົ່າກັບ 28 ຕື້ກວ່າກີບ, ທຽບໃສ່ແຜນການປີປະຕິບັດໄດ້ 8% ແລະລາຍຈ່າຍເຄື່ອນຍ້າຍໃຫ້ສູນກາງ ເທົ່າກັບ 10 ຕື້ກວ່າກີບ, ໃນນັ້ນລາຍຈ່າຍເງິນເດືອນແມ່ນສູງກວ່າລາຍຈ່າຍດ້ານອື່ນໆ, ມີເຖິງ 26 ຕື້ກວ່າກີບ, ທຽບໃສ່ ແຜນການປີປະຕິບັດໄດ້ 12%, ລາຍຈ່າຍເງິນນະໂຍບາຍມີ 1 ຕື້ກວ່າກີບ, ທຽບໃສ່ແຜນການປີປະຕິບັດໄດ້ 4% ແລະຈ່າຍເງິນບໍລິຫານ,ຈ່າຍເງິນດັດສົມ-ສົ່ງເສີມ, ຈ່າຍເງິນແຮ, ເງິນຊື້ໃໝ່ອີກຈໍານວນໜຶ່ງ, ສ່ວນພາກລາຍຈ່າຍເງິນລົງທຶນແມ່ນຍັງບໍ່ທັນໄດ້ຈັດຕັ້ງປະຕິບັດ.

ສະໜັບສະໜູນໂດຍ: HONDA

  ທ່ານນາງ ວັດຖາວອນ ວົງໄຊ ຫົວໜ້າຄັງເງິນແຫ່ງຊາດປະຈໍາ ແຂວງອັດຕະປື ຍັງໄດ້ກ່າວຕື່ມວ່າ: ເພື່ອເຮັດໃຫ້ການເບີກຈ່າຍເງິນ ຕ່າງໆຂອງຄັ້ງເງິນແຫ່ງຊາດປະຈໍາແຂວງອັດຕະປື ໄດ້ຮັບການຈັດຕັ້ງປະຕິບັດຈະໄດ້ຕາມແຜນງວດນັ້ນຄັງເງິນແຫ່ງຊາດປະຈໍາແຂວງຈະຖືເອົາລະບຽບກົດໝາຍເປັນບ່ອນອີງໂດຍສະເພາະແມ່ນປະຕິ ບັດຄຳສັ່ງຂອງທ່ານນາຍຍົກ ວ່າດ້ວຍການປະຢັດລາຍຈ່າຍງົບ ປະມານຂອງລັດ ແລະຂໍ້ຕົກລົງ ຂອງກະຊວງການ ວ່າດ້ວຍການ ກຳນົດການໃຊ້ຈ່າຍງົບປະມານບໍລິຫານຂອງລັດ ແລະຂໍ້ຫ້າມ ແລະ ວິໄນຂອງພະນັກງານ-ລັດຖະກອນຂະແໜງການເງິນ ສືບຕໍ່ ເພີ່ມທະວີການປະສານງານກັບບັນດາຂະແໜງການທີ່ກ່ຽວຂ້ອງ ໂດຍຖືເອົາຂໍ້ກຳນົດ, ກົດໝາຍ ຕ່າງໆ ເປັນບ່ອນອີງໃນການເຄື່ອນ ໄຫວຈັດຕັ້ງປະຕິບັດໃນໜ້າທີ່ວຽກ ງານວິຊາສະເພາະຂອງຕົນໃຫ້ມີ ປະສິດທິຜົນ, ສືບຕໍ່ຊຸກຍູ້, ຕິດຕາມ, ກວດກາວຽກງານວິຊາສະເພາະພາຍໃນຂະແໜງຄັງເງິນທັງຂັ້ນແຂວງ ແລະຄັງເງິນປະຈຳເມືອງຢ່າງເຂັ້ມງວດ, ສືບຕໍ່ປະຕິບັດລາຍຈ່າຍງົບປະມານປົກກະຕິແຕ່ລະພາກອື່ນໆໃຫ້ທັນກັບກຳນົດເວລາ,ສືບຕໍ່ເລັ່ງທວງໜີ້ສິນເງິນຢືມລ່ວງໜ້າໃນລະບົບຄັງເງິນຂອງບັນດາບໍລິສັດ, ບັນດາພະແນກການອ້ອມຂ້າງແຂວງທີ່ຍັງຄ້າງຊຳລະເພື່ອສະສາງ.

 

แชร์