ລາວ-ເກົາຫຼີ ເພີ່ມມິດຕະພາບການຮ່ວມມື

  ວັນທີ 25 ມີນາ 2020 ທີ່ກະຊວງການຕ່າງປະເທດໄດ້ມີພິທີເຊັນສັນຍາວ່າດ້ວຍການຮ່ວມມືລະຫວ່າງສອງກະຊວງການຕ່າງປະເທດແຫ່ງ ສປປ ລາວ ແລະ ສປປ ເກົາຫຼີ ໂດຍແມ່ນທ່ານ ທອງ ສະຫວັນ ພົມວິຫານ ຮອງລັດຖະມົນ ຕີກະຊວງການຕ່າງປະເທດ, ຕາງ ໜ້າໃຫ້ກະຊວງການຕ່າງປະເທດແຫ່ງ ສປປ ລາວ ແລະທ່ານ ລີ ຢົງຊົນ ເອກອັກຄະລັດຖະທູດແຫ່ງ ສປປ ເກົາຫຼີ ປະຈໍາ ສປປ ລາວ, ຕາງໜ້າໃຫ້ກະຊວງການຕ່າງປະເທດແຫ່ງ ສປປ ເກົາຫຼີ ຮ່ວມກັນລົງນາມໃນສັນຍາດັ່ງກ່າວ

   ການເຊັນສັນຍາຮ່ວມມືສະບັບ ນີ້, ຈະປ່ຽນແທນສັນຍາສະບັບກ່ອນທີ່ທັງສອງຝ່າຍໄດ້ລົງນາມ ຮ່ວມກັນໃນປີ 1990 ທີ່ໝົດອາຍຸ ແລ້ວ ຊຶ່ງສັນຍາສະບັບດັ່ງກ່າວ ແມ່ນເອກະສານທີ່ສໍາຄັນສໍາລັບ ການສືບຕໍ່ເສີມຂະຫຍາຍສາຍພົວພັນມິດຕະພາບ ແລະການຮ່ວມມືແບບສະຫາຍອ້າຍນ້ອງລະຫວ່າງ ສອງປະເທດ ສປປ ລາວ ແລະ ສປປ ເກົາຫຼີ ໂດຍສະເພາະການຮ່ວມມື ລະຫວ່າງສອງກະຊວງການຕ່າງ ປະເທດໃນຕໍ່ໜ້າບົນພື້ນຖານຕ່າງຝ່າຍຕ່າງມີຜົນປະໂຫຍດ ແລະເພື່ອ ນໍາຜົນປະໂຫຍດອັນແທ້ຈິງມາສູ່ ປະຊາຊົນຂອງສອງປະເທດໃຫ້ ນັບມື້ນັບຫຼາຍຂຶ້ນກວ່າເກົ່າ.

ສະໜັບສະໜູນໂດຍ: HONDA

  ໃນໂອກາດນີ້, ສອງຝ່າຍໄດ້ສະ ແດງຄວາມຊົມເຊີຍ ແລະຕີລາຄາ ສູງຕໍ່ສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອທີ່ດີງາມຂອງສອງປະເທດ ສປປ ລາວ ແລະ ສປປ ເກົາຫຼີ ໂດຍສະເພາະການເປັນປະເທດ ເພື່ອນມິດຮ່ວມອຸດົມການສັງຄົມນິຍົມອັນດຽວກັນ ພ້ອມນີ້, ສອງຝ່າຍຕ່າງກໍໄດ້ອວຍ ພອນໃຫ້ສາຍພົວພັນຮ່ວມມືດັ່ງກ່າວຂອງສອງປະເທດຈົ່ງໝັ້ນຄົງທະນົງແກ່ນ ແລະແຕກດອກອອກຜົນຢ່າງບໍ່ຢຸດຢັ້ງ.

 

แชร์