13 ບໍລິສັດເອກະຊົນລົງທຶນ ປູກພືດກະສິກໍາເປັນສິນຄ້າຢູ່ເມືອງພຽງ

  ເມືອງພຽງເປັນເມືອງໜຶ່ງ ໃນ 11 ເມືອງຂອງແຂວງໄຊຍະບູລີ ມີ 8 ເຜົ່າ, ມີພົນລະເມືອງທັງໝົດ 60 ພັນກວ່າຄົນ ເປັນເມືອງທີ່ອຸດົມສົມບູນໄປດ້ວຍທໍາມະຊາດ, ປະຊາຊົນມີມູນເຊື້ອດຸໝັ່ນຂະຫຍັນພຽນໃນການຜະລິດ ແລະມີຮີດຄອງປະເພນີອັນດີງາມທີ່ເປັນເອກະລັກຕັ້ງແຕ່ໃດໆມາ; ຊາວເມືອງພຽງແມ່ນໄດ້ຢຶດຖືອາຊີບປູກເຂົ້າ ແລະປູກພືດກະສິກໍາເປັນຕົ້ນຕໍໂດຍໃຫ້ຕິດພັນກັບຍຸດທະສາດຂອງເມືອງວາງອອກ “ສ້າງເມືອງພຽງເປັນເມືອງຜະລິດສະບຽງອາຫານຕິດພັນກັບການປຸງແຕ່ງສົ່ງອອກ ພັດທະນາການບໍລິການທາງຜ່ານ, ທ່ອງທ່ຽວທີ່ເປັນມິດກັບສິ່ງແວດລ້ອມ”.

 ທ່ານ ຄໍາພັນ ຄໍາພູບົວ ຮອງເຈົ້າ ເມືອງເມືອງພຽງໄດ້ເປີດເຜີຍຕໍ່ທີມ ງານຂ່າວແຂວງໄຊຍະບູລີ ໃນທ້າຍອາທິດຜ່ານມານີ້ວ່າ: ປະຈຸບັນ ເມືອງພຽງຂອງພວກເຮົາແມ່ນ ໄດ້ສຸມໃສ່ຊຸກຍູ້ຂະບວນການຜະລິດກະສິກໍາເປັນສິນຄ້າໂດຍການ ສົ່ງເສີມຮ່ວມມືລົງທຶນກັບເອກະຊົນ ທັງພາຍໃນ ແລະຕ່າງປະເທດໃນ ຮູບແບບປະຊາຊົນມີສ່ວນຮ່ວມໃນຮູບແບບ (2+3)ປະຊາຊົນມີທີ່ດິນ,ມີແຮງງານ,ນັກທຸລະກິດມີທຶນ,ເຕັກນິກ-ຝຸ່ນ-ປຸ໋ຍ ແລະການຕະຫຼາດ. ນອກນີ້ຍັງຮັບປະກັນໄດ້ທັງ 3 ປະໂຫຍດຄື: ຜົນປະໂຫຍດຂອງ ປະຊາຊົນ, ຜົນປະໂຫຍດຂອງຜູ້ ລົງທຶນ ແລະຜົນປະໂຫຍດຂອງລັດຊຶ່ງສະແດງອອກໃນປະຈຸບັນມີນັກລົງທຶນຂອງເອກະຊົນທັງພາຍໃນ ແລະຕ່າງປະເທດເຂົ້າມາລົງທຶນປູກພືດກະສິກໍາເປັນສິນຄ້າ; ຢູ່ເມືອງພຽງມີ 13 ບໍລິສັດ ໃນເນື້ອທີ່ທັງໝົດ2.248 ເຮັກຕາ ໃນນີ້ ລົງທຶນປູກກ້ວຍຫອມມີ 5 ບໍລິສັດ ເນື້ອທີ່ 1.127 ເຮັກຕາ, ປູກໝາກພຸກ 1 ບໍລິສັດ ເນື້ອທີ່ 227 ເຮັກຕາ, ປູກໝາກໂມ 4 ບໍລິສັດ ເນື້ອທີ່ 352 ເຮັກຕາກວ່າ, ປູກຖົ່ວເຫຼືອງມີ 2 ບໍລິສັດ ເນື້ອທີ່ 489 ເຮັກຕາກວ່າ, ປູກເຂົ້ານາແຊງ 1 ບໍລິສັດ ເນື້ອທີ່ 51 ເຮັກຕາກວ່າ.

ສະໜັບສະໜູນໂດຍ: HONDA

  ຈາກໂຄງການດັ່ງກ່າວໄດ້ເຮັດໃຫ້ແຕ່ລະພາກສ່ວນໄດ້ຮັບຜົນປະໂຫຍດຫຼາຍດ້ານເຊັ່ນ: ປະຊາຊົນມີລາຍຮັບຈາກຄ່າເຊົ່າດິນສະເລ່ຍ 3 ລ້ານ 5 ແສນກີບ ຕໍ່ເຮັກຕາ, ຄ່າແຮງງານຂັ້ນຕໍ່າວັນລະ 50 ພັນກີບຕໍ່ວັນຕໍ່ຄົນຍັງເຮັດໃຫ້ປະຊາຊົນມີວຽກເຮັດງານທໍາຫຼາຍຂຶ້ນ, ລັດໄດ້ຮັບອາກອນຄ່າເຊົ່າ, ອາກອນຂອດຂົນສົ່ງສິນຄ້າ, ອາກອນ ແຮງງານ, ຄ່າຊັບພະຍາກອນນໍ້າ ແລະພັນທະອາກອນຕ່າງໆຕາມລະບຽບກົດໝາຍຄຽງຄູ່ກັນນີ້ທາງໂຄງການຍັງໄດ້ປະກອບສ່ວນທຶນຮອນເຂົ້າໃນການພັດທະນາພື້ນ ຖານໂຄງລ່າງຂອງບ້ານ, ເມືອງ ແລະແຂວງຕາມເງື່ອນໄຂຄວາມອາດສາມາດຕົວຈິງຕື່ມອີກ.

 

แชร์