ນັກທ່ອງທ່ຽວສາກົນມາທ່ຽວຫວຽດນາມ 1,5 ລ້ານຄົນ

  ຈໍານວນແຂກທ່ອງທ່ຽວພາຍໃນປະເທດ ສສ ຫວຽດນາມ ໃນ ເດືອນມັງກອນ 2019 ຈະບັນລຸ 6,6 ລ້ານເທື່ອຄົນໃນນັ້ນມີນັກທ່ອງ ທ່ຽວສາກົນ 1,5 ລ້ານຄົນສ້າງລາຍຮັບທັງໝົດຈາກການບໍລິການທ່ອງທ່ຽວບັນລຸ 56,5 ພັນຕື້ດົງ.

ຕາມຂ່າວຕ່າງປະເທດລາຍງານວ່າ ແຂກທ່ອງທ່ຽວສາກົນມາທ່ຽວ ຫວຽດນາມໃນເດືອນມັງກອນ 2019 ຄາດວ່າ ບັນລຸເກືອບ 1,5 ລ້ານເທື່ອຄົນ, ເພີ່ມຂຶ້ນ 5% ເມື່ອທຽບໃສ່ໄລຍະດຽວກັນຂອງປີກາຍ. ເມື່ອທຽບໃສ່ ເດືອນທັນວາ 2018, ຈໍານວນແຂກ ທ່ອງທ່ຽວສາກົນມາ ທ່ຽວ ຫວຽດນາມ ເພີ່ມຂຶ້ນ 9,3%, ໃນນັ້ນ ແຂກທ່ອງທ່ຽວທີ່ມາຈາກເອີ ຣົບ, ອາເມລິກາ, ໂອເຊອານີ  ລ້ວນແຕ່ເພີ່ມຂຶ້ນຢ່າງແຮງ ຍ້ອນຊາວຫວຽດ ນາມ ອາໄສຢູ່ຕ່າງປະເທດກັບມາຕ້ອນຮັບບຸນປີໃໝ່ຢູ່ບ້ານເກີດເມືອງ ນອນ. ພ້ອມກັນນັ້ນ, ບັນດາປະເທດ ເອີຣົບ ແລະທະວີບອາເມລິກາພວມ ຢູ່ໃນໄລຍະພັກລະດູໜາວ ສະນັ້ນ ຄວາມຕ້ອງການໄປທ່ອງທ່ຽວຢູ່ຕ່າງ ປະເທດຂອງປະຊາຊົນຢູ່ທີ່ນີ້ ແມ່ນຫຼາຍພໍສົມຄວນ. ຄາດວ່າຈໍານວນ ແຂກທ່ອງທ່ຽວພາຍໃນປະເທດ ໃນເດືອນ ມັງກອນ 2019 ຈະບັນລຸ 6,6 ລ້ານເທື່ອຄົນ. ລາຍຮັບທັງໝົດຈາກການບໍລິການທ່ອງທ່ຽວບັນລຸ 56,5 ພັນຕື້ດົງ.

 ປີ 2019 ນີ້ ຂະແໜງທ່ອງທ່່ຽວຫວຽດນາມ ສູ້ຊົນຕ້ອນຮັບແຂກ ທ່ອງທ່ຽວສາກົນໃຫ້ໄດ້ປະມານ 18 ລ້ານເທື່ອຄົນ, ຮັບໃຊ້ແຂກທ່ອງທ່ຽວ ພາຍໃນປະເທດໃຫ້ໄດ້ 85 ລ້ານເທື່ອຄົນ, ສ້າງລາຍຮັບຈາກການບໍລິ ການທ່ອງທ່ຽວໃຫ້ໄດ້ຫຼາຍກວ່າ 700 ພັນຕື້ດົງ.

แชร์