ມາຮູ້ຈັກກັບ ວາດສະໜາ ເວທີນາງສາວນະຄອນຫຼວງ

  ຈາກຄວາມຝັນທີ່ຈະເຂົ້າຮ່ວມປະກວດໃນເວທີນາງສາວ ນະຄອນຫຼວງວຽງຈັນ ຊຶ່ງໄດ້ສ້າງຝັນສໍາເລັດອີກຂັ້ນໜຶ່ງຄືເຂົ້າຮອບ 20 ຄົນສຸດທ້າຍໃນເວທີປະກວດນາງສາວນະຄອນຫຼວງວຽງຈັນ 2020 ແລະເປັນການສ້າງໂອກາດໃຫ້ກັບຕົນເອງໃນການສະແດງຄວາມສາມາດ.

  ວາດສະໜາ ສິມມະກອນ ຫຼືວາດ MVT 14 ປະຈຸບັນຢູ່ບ້ານທົ່ງຂັນຄຳ ເມືອງຈັນທະບູລີ ນະຄອນຫຼວງວຽງຈັນ, ກໍາລັງສຶກສາທີ່ຄະນະນິຕິສາດ ແລະ ລັດຖະສາດ ພາກວິຊາພົວພັນສາກົນປີ 1 ຊຶ່ງ ເວທີນີ້ເປັນເວທີອັນຊົງກຽດຂອງແມ່ຍິງລາວ ແລະ ຕົນເອງກໍຢາກເຮັດໃຫ້ຄົນອື່ນໆໄດ້ເຫັນວ່າແມ່ຍິງທຳມະດາຄົນໜຶ່ງກໍສາມາດເປັນ ໃນສິ່ງທີ່ຕົນເອງຢາກເປັນໄດ້, ພຽງແຕ່ມີຄວາມກ້າ ແລະຄວາມພະຍາຍາມພຽງພໍທີ່ຈະເຮັດມັນລວມທັງເປັນການເກັບກ່ຽວປະສົບການ ແລະສ້າງມິດໄມຕີກັບທຸກໆຄົນໃຫ້ຫຼາຍຂຶ້ນ.

  ເວທີນີ້ຈະເຮັດໃຫ້ຕົນເອງສະ ແດງຄວາມສາມາດອອກມາໄດ້ດີທີ່ສຸດເພາະເປັນການນຳສະເໜີຮີດຄອງປະເພນີ, ການນົບໄຫວ້, ຮອຍຍິ້ມ ແລະວາຈາ, ສໍາລັບໃນດ້ານ ຮ່າງກາຍກໍໄດ້ກຽມພ້ອມເຊັ່ນກັນໂດຍການຄວບຄຸມອາຫານ, ກິນອາຫານທີ່ມີປະໂຫຍດຫຼາຍຂຶ້ນ ແລະບໍ່ກິນຕາມໃຈປາກຫຼາຍເກີນໄປພ້ອມທັງອອກກຳລັງກາຍເພື່ອເຮັດໃຫ້ຮ່າງກາຍແຂງແຮງກຽມພ້ອມໃນການປະກວດຄັ້ງນີ້, ສາມາດຕິດຕາມການເຄື່ອນໄຫວ ແລະກິດຈະກຳຕ່າງໆຂອງນາງສາວທັງ 20 ນ້ອງໄດ້ທີ່: Facebook page: Miss vientiane ນາງສາວນະຄອນຫຼວງ ຫຼືຝາກເຊຍ ແລະເປັນກຳລັງໃຈໃຫ້ນ້ອງວາດ MVT14 ໄດ້ທາງ Facebook: Vadsana simmakone.

แชร์