ກອງບັນຊາການທະຫານແຂວງສະຫວັນນະເຂດ ສຳເລັດການແຂ່ງຂັນກີລາ

  ໃນລະຫວ່າງວັນທີ 9-20 ມີນາ 2020, ກອງບັນຊາການທະຫານແຂວງສະຫວັນນະເຂດໄດ້ຈັດການແຂ່ງຂັນກີລາການທະຫານເພື່ອຄຳນັບຮັບຕ້ອນກອງປະຊຸມໃຫຍ່ອົງຄະນະພັກທະຫານແຂວງຄັ້ງທີ 5 ທີ່ຈະໄຂຂຶ້ນໃນມໍ່ໆນີ້, ໂດຍການເປັນປະທານໃນພິທີໂດຍ ພັນໂທ ໜູກອນ ສີສົມພູ ຄະນະພັກກອງບັນຊາການວ່າການຫົວ ໜ້າຫ້ອງເສນາທິການພ້ອມຄະນະອະນຸກຳມະການ, ຄະນະທີມນັກກີລາມາຈາກອົງການ 5 ຫ້ອງ ແລະກົມກອງອ້ອມຂ້າງເຂົ້າຮ່ວມ.

  ປະເພດກີລາທີ່ໄດ້ຈັດໃຫ້ມີການແຂ່ງຂັນໃນຄັ້ງນີ້ປະກອບມີ:ແລ່ນ-ມ້າງປະກອບປືນອາກາແອັມ ແລະກີລານັກຮົບແຂງແຮງມີ 8 ທີມ, ກີລາຍິງປືນອາກາແອັມໄລຍະ 100 ແມັດ ມີ 25 ທີມ, ກີລາຍິງປືນສັ້ນ ກາ 54 ໄລຍະ 25 ແມັດ ມີ 17 ທີມ, ຜົນການແຂ່ງຂັນປະກົດວ່າ: ກີລາແລ່ນໄລຍະ 400ແມັດ-ມ້າງ ປະກອບປືນອາກາແອັມຊະນະເລີດໄດ້ແກ່ກອງພັນທີ 5, ຮອງຊະນະເລີດອັນດັບ 1 ແມ່ນກອງພັນ 207 ແລະຮອງຊະນະເລີດອັນດັບ 2 ໄດ້ແກ່ທີມກອງພັນທີ 4, ປະເພດນັກຮົບແຂງ ແຮງຊະນະເລີດທີ 1 ກອງຮ້ອຍ 208, ອັນດັບ 2 ກອງພັນ ທີ 4 ແລະອັນດັບ 3 ແມ່ນກອງຮ້ອຍ 618, ປະເພດກີລາຍິງປືນກາແອັມໄລຍະ 100 ແມັດ ຊະນະ ເລີດອັນດັບທີ 1 ທີມ ເສນາທິການ ສອງ, ຮອງຊະນະເລີດອັນດັບທີ 2 ທີມກອງທະຫານຊາຍແດນ 324, ຮອງຊະນະເລີດອັນດັບທີ 3 ກອງ ຮ້ອຍ 35 ປະເພດກີລາຍິງປືນສັ້ນ ກາ 54 ໄລຍະ 25 ແມັດ ທີມທີ່ຊະນະເລີດທີ 1 ທີມຫ້ອງເສນາໜຶ່ງ, ຮອງຊະນະເລີດທີ 2 ທີມກອງບັນຊາການທະຫານເມືອງຈຳພອນ, ຮອງຊະນະເລີດທີ 3 ກອງຮ້ອຍຄໍ 35 ທັງນີ້ກໍ່ເພື່ອເປັນການສ້າງຄວາມສາມັກຄີ ແລະຖອດຖອນບົດດ້ານກີລາປະເພດການທະຫານລະຫວ່າງພະນັກງານ-ນັກຮົບກຳລັງທ້ອງຖິ່ນທະ ຫານແຂວງສະຫວັນນະເຂດໃຫ້ດີຂຶ້ນເປັນກ້າວໆ.

 

แชร์