ມອບ-ຮັບຫົວໜ້າກອງບັນຊາການ ປກສ ເມືອງຊົນນະບູລີ

  ເພື່ອເປັນການປັບປຸງກົງຈັກການຈັດຕັ້ງໃຫ້ມີຄວາມໜັກແໜ້ນເຂັ້ມແຂງ ແລະສອດຄ່ອງກັບສະພາບຄວາມເປັນຈິງໃນໄລຍະໃໝ່ວັນທີ 20 ມີນາຜ່ານມານີ້, ທີ່ສະໂມ ສອນກອງບັນຊາການ ປກສ ເມືອງຊົນນະບູລີໄດ້ຈັດພິທີມອບ-ຮັບຫົວໜ້າກອງບັນຊາການ ປກສ ເມືອງລະຫວ່າງຜູ້ເກົ່າ ແລະ ຜູ້ໃໝ່ໂດຍພາຍໃຕ້ການເປັນປະທານຂອງທ່ານ ສຸວິໄລ ຫຼວງຊະລາດ ເລຂາພັກເມືອງເຈົ້າເມືອງຊົນນະບູລີ,ມີບັນດາທ່ານໃນຄະນະບໍລິຫານງານພັກເມືອງ,ຄະນະພັກ-ຄະນະບັນຊາກອງບັນຊາການ ປກສ ເມືອງຕະຫຼອດຮອດພະນັກງານຫຼັກແຫຼ່ງເຂົ້າຮ່ວມ.

ໃນພິທີໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາວມສະຫງົບສະບັບເລກທີ 514/ ປກສ, ລົງວັນທີ 20 ກຸມພາ 2020  ວ່າດ້ວຍການຍົກຍ້າຍ ແລະແຕ່ງຕັ້ງນາຍຕຳຫຼວດທີ່ຂຶ້ນກັບກອງບັນຊາການ ປກສ ແຂວງສະຫວັນນະເຂດ ຊຶ່ງໄດ້ຕົກລົງແຕ່ງຕັ້ງທ່ານ ພັທ ບຸນຮົງ ໄຊຊະວົງ ກຳມະການພັກເມືອງເປັນຫົວໜ້າກອງບັນຊາການ ປກສ ເມືອງຜູ້ໃໝ່ສ່ວນ ທ່ານ ພັທ ສົມສະໜຸກ ສຸບັນດິດ ຫົວໜ້າກອງບັນຊາການ ປກສ ເມືອງຊົນນະບູລີ ຜູ້ເກົ່າແມ່ນໄປຮັບໜ້າທີ່ໃໝ່ຢູ່ນະຄອນໄກ ສອນພົມວິຫານພ້ອມທັງເຊັນບົດບັນທຶກການມອບ-ຮັບໜ້າທີ່ວຽກງານລະຫວ່າງຫົວໜ້າກອງບັນຊາການ ປກສ ຜູ້ເກົ່າ ແລະຜູ້ໃໝ່.

  ໃນໂອກາດດັ່ງກ່າວ, ທ່ານ ສຸວິໄລ ຫຼວງຊະລາດ ກໍໄດ້ກ່າວສະແດງຄວາມຍິນດີ ແລະເນັ້ນໜັກບາງບັນຫາເພື່ອເປັນທິດຊີ້ນຳໆພາໃນວຽກງານປ້ອງກັນຊາດ-ປ້ອງກັນຄວາມສະຫງົບເພື່ອໃຫ້ມີຄວາມໜັກໜ້ນເຂັ້ມແຂງຂຶ້ນໄປເລື້ອຍໆ.

แชร์