ຫວ້ານສັບພະຄຸນທາງຢາຂອງກາບຫອຍ

ໃບ ແລະດອກມີຣົດຈືດຊຸ່ມເປັນຢາເຢັນອອກລິດຕໍ່ຕັບ ແລະປອດໃບໃຊ້ເປັນຢາເຮັດໃຫ້ເລືອດເຢັນ, ແກ້ອາການຮ້ອນໃນກະຫາຍນໍ້າ ໂດຍໃຊ້ໃບສົດ 3 ໃບ ນຳມາຕົ້ມປະສົມກັບນໍ້າຕານເລັກນ້ອຍດື່ມເປັນຢາ, ໃຊ້ແກ້ເລືອດກຳເຊົາໄຫຼດ້ວຍການໃຊ້ດອກຫວ້ານກາບຫອຍ 10 ກຣາມ ຫຼື ດອກປະມານ 20-30 ດອກນຳມາຕົ້ມກັບນໍ້າຮັບປະທານ, ຫາກມີໄຂ້ໂຕຮ້ອນໃຫ້ໃຊ້ໃບແກ່ປະມານ 10-15 ໃບນຳມາຕົ້ມກັບນໍ້າຈົນຟົດແລ້ວຕັກໃບອອກເຕີມນໍ້າຕານໃຊ້ດື່ມກິນເປັນປະຈຳເປັນຢາແກ້ໄຂ້, ດອກ ແລະໃບ ຊ່ວຍແກ້ບິດ,ຖ່າຍເປັນເລືອດ ໂດຍການນຳມາຕົ້ມກັບນໍ້າກິນຕອນອຸ່ນໆກິນຕິດຕໍ່ກັນໄປອີກ 3-4 ຊຸດ ຈະຫາຍຂາດ ແລະບໍ່ມີຜົນຂ້າງຄຽງແຕ່ຢ່າງໃດ.

ນອກນັ້ນຍັງຊ່ວຍແກ້ກົດໄຫຼຍ້ອນ ໂດຍການໃຊ້ ໃບຫວ້ານກາບຫອຍ ແລະໃບເຕີຍສົດຢ່າງລະໜ້ອຍ ນຳມາຕົ້ມກັບນໍ້າຈົນຟົດໃຊ້ດື່ມຕາງນໍ້າວັນລະ 3-4ຄັ້ງ,ຄັ້ງລະເຄິ່ງຈອກປະສົມກັບນໍ້າເຜີ້ງ 1 ບ່ວງກາເຟ, ນໍ້າໝາກນາວ 1 ບ່ວງກາເຟ ແລະເກືອປົນອີກເລັກນ້ອຍ ແລ້ວອາການຂອງກົດໄຫຼຍ້ອນກໍ່ຈະຄ່ອຍໆດີຂຶ້ນ.

---------

ຮຽບຮຽງໂດຍ: ຟ້າ

แชร์