ພະຍາດອາດແຜ່ຂະຫຍາຍບໍ່ສະເພາະແຕ່ທີ່ຕິດພັນກັບ 2 ຄົນແຕ່ອາດມີຫຼາຍກວ່ານັ້ນສະນັ້ນນັບແຕ່ນີ້ຕໍ່ໄປຍ້ອນພວກເຮົາກໍາລັງຢູ່ໃນສະຖານະການທີ່ລໍ້ແຫຼມ, ພວກເຮົາຕ້ອງໄດ້ປະຕິບັດບັນດາມາດຕະການທີ່ລັດຖະບານວາງອອກຢ່າງເຂັ້ມງວດກວ່າເກົ່າ ແລະຮຽກຮ້ອງໃຫ້ປະຕິບັດບັນດາມາດຕະການເພີ່ມເຕີມທີ່ເຂັ້ມງວດຕື່ມຄື:

  1. ໃຫ້ຜູ້ທີ່ມາຈາກຕ່າງປະເທດກັກຕົວເອງຢູ່ເຮືອນຂອງຕົນ ຫຼືບ້ານທີ່ໄດ້ຖືກສົ່ງໄປນັ້ນເປັນເວລາ 14 ວັນ, ຖ້າມີອາການຜິດປົກກະຕິໃຫ້ລາຍງານແພດທັນທີ, ແພດຈະດໍາເນີນມາດຕະການສົ່ງໄປກວດ, ໄປກັກຕົວ ຫຼື ຖ້າພົບວ່າຕິດເຊື້ອຈະນໍາໄປປິ່ນປົວຢູ່ໂຮງຫມໍຢ່າງທັນການເພື່ອຮັບປະກັນບໍ່ໃຫ້ແຜ່ເຊື້ອໃຫ້ຄົນອື່ນ, ມອບໃຫ້ອໍານາດການປົກຄອງ, ຄະນະພັກຂອງບ້ານຮັບຜິດຊອບໂດຍກົງໂດຍປຸກລະດົມທຸກກໍາລັງແຮງຂອງອົງການຈັດຕັ້ງມະຫາຊົນ, ກອງຫຼອນບ້ານເພື່ອຄຸ້ມຄອງໃຫ້ເປັນລະບຽບ.

  2. ໃຫ້ປະຕິບັດຫຼັກການປ້ອງກັນຕົວເອງຕາມທີ່ແພດໄດ້ແນະນໍາ (ລ້າງມືໃຫ້ສະອາດດ້ວຍຢາຂ້າເຊື້ອ, ໃສ່ຜ້າອັດປາກ ອັດດັງ ແລະຫຼັກການອະນາໄມອື່ນໆ) ໃຫ້ເຂັ້ມງວດ ແລະໃຫ້ມີການກວດກາ. ລັດຖະບານໄດ້ຈັດທີມແພດໄປຫາແຕ່ລະບ້ານແຕ່ລະເມືອງແລ້ວ.

  3. ໃຫ້ທຸກພາກສ່ວນທັງສູນກາງ ແລະທ້ອງຖິ່ນຄົ້ນຄວ້າພາຍໃນກ່ຽວກັບການເຄື່ອນໄຫວປະຕິບັດວຽກງານຂອງສໍານັກງານ-ອົງການຕົນ, ຢຸດຕິການປະຊຸມໃຫ້ປືກສາຫາລືຜ່ານທາງໂທລະສັບ ຫຼືຜ່ານລະບົບອອນລາຍ, ເຮັດວຽກໃຫ້ໄລຍະຫ່າງຈາກກັນ, ຖ້າມີຄວາມສາມາດເຮັດວຽກທາງໄກຢູ່ເຮືອນ (ເຮັດວຽກຜ່ານແບບອອນລາຍ) ກໍ່ໃຫ້ເຮັດວຽກຢູ່ເຮືອນ, ບໍ່ໃຫ້ມີການຊຸມນຸມ ຫຼືຈັດກອງປະຊຸມໃນໄລຍະນີ້, ສໍາລັບການຈັດງານດອງ, ງານບຸນປະເພນີຕ່າງໆໄດ້ຫ້າມແລ້ວ, ສ່ວນງານສົບກໍ່ຄວນຈໍາກັດທີສຸດ, ນອກຈາກນັ້ນການເດີນທາງລະຫວ່າງເມືອງຕໍ່ເມືອງ, ບ້ານຕໍ່ບ້ານ, ສໍານັກງານອົງການກໍ່ຂໍໃຫ້ຫຼຸດຜ່ອນ.

  4. ຖ້າພົບເຫັນມີອາການຜິດປົກກະຕິໃຫ້ແຈ້ງຕໍ່ແພດ ຫຼືອາສາສະມັກບ້ານໂດຍໄວແລ້ວແພດຈະເຂົ້າໄປກວດ ແລະໃຫ້ການຊ່ວຍເຫຼືອ.

   5. ໃຫ້ຄະນະສະເພາະກິດອອກຂໍ້ກໍານົດຕື່ມອີກໃຫ້ເປັນອັນລະອຽດໂດຍແຈ້ງໃຫ້ທຸກພາກສ່ວນ, ທຸກຄົນໃນສັງຄົມຈັດຕັ້ງປະຕິບັດຢ່າງເຄັ່ງຄັດເພື່ອປົກປັກຮັກສາສຸຂະ ພາບ ແລະ ຊີວິດຂອງປະຊາຊົນເຮົາທຸກຖ້ວນຫນ້າ ແລະ ບໍ່ໃຫ້ພະຍາດໂຄວິດ 19 ແຜ່ລາມອອກໄປທຸກພາກສ່ວນໃນສັງຄົມຂໍໃຫ້ປະຕິບັດຢ່າງເຄັ່ງຄັດສະພາບປະຈຸບັນບໍ່ປົກກະຕິ, ພວກເຮົາຢູ່ໃນສະພາບສຸກເສີນຖ້າສະຖານະການຂະຫຍາຍຕົວໄປແນວໃດ, ລັດຖະບານຈະເບີ່ງສະພາບຕົວຈິງອາດມີການອອກມາດຕະການເຄັ່ງຄັດກວ່ານີ້ຕື່ມອີກເພື່ອສູ້ກັບໂຄວດິ 19, ພວກເຮົາຈະບໍ່ປ່ອຍໃຫ້ມີຜູ້ລະເມີດລະບຽບກົດຫມາຍ ແລະ ມາດຕະການຕ່າງໆ. ໃນໄລຍະທີ່ຢຸດພັກຮຽນ, ໃຫ້ພໍ່ແມ່ຜູ້ປົກຄອງເອົາໃຈໃສ່ຄຸ້ມ ຄອງລູກຫຼານ, ນັກຮຽນ, ນັກສຶກສາທີ່ຢູ່ບ້ານໃຫ້ດີ, ລັດຖະບານຈະໄດ້ເບີ່ກ່ຽວກັບໂຮງຈັກໂຮງງານຕື່ມ, ຖ້າມີການລະບາດຈະມີມາດຕະການຕື່ມອີກ.

  6.ພວກເຮົາຕ້ອງມີສະຕິ, ຂໍໃຫ້ປະຊາຊົນມີຄວາມທຸ່ນທ່ຽງ, ບໍ່ແຕກຕື່ນບໍ່ວິຕົກກັງວົນຈົນເກີນໄປ ແລະບໍ່ໃຫ້ປະຫມາດ, ພວກເຮົາຈະສູ້ກັບພະຍາດໂຄວິດ 19 ນີ້ໃຫ້ໄດ້. ສໍາຄັນແມ່ນພວກເຮົາຫມົດທຸກຄົນພາຍໃນຊາດຕ້ອງຮ່ວມແຮງຮ່ວມໃຈກັນຕໍ່ສູ້ກັບສິ່ງທີ່ເກີດຂື້ນ, ພວກເຮົາຈະປິ່ນປົວໃຫ້ໄດ້ເພາະເຮົາມີບົດຮຽນຈາກປະເທດເພື່ອນມິດ ແລະຈະຮ່ວມມືກັບບັນດາປະເທດເພື່ອນມິດຊຶ່ງມີຄວາມຍິນດີໃຫ້ການຮ່ວມມືກັບພວກເຮົາເພື່ອຜ່ານຜ່າວິກິດນີ້.

ສະໜັບສະໜູນໂດຍ: HONDA