ມຽນມາພົບຜູ້ຕິດເຊື້ອໂຄວິດ 2 ຄົນ

  ມຽນມາຢືນຢັນພົບຜູ້ຕິດເຊື້ອພະຍາດໂຄວິດ-19 ແລ້ວບາດດຽວເຖິງ 2 ຄົນ ເປັນຜູ້ຊາຍທີ່ຫາກໍກັບມາຈາກອາເມລິກາ ແລະອັງກິດ.

 ຕາມຂ່າວຕ່າງປະເທດລາຍງານວ່າທາງການມຽນມາຢືນຢັນພົບຜູ້ຕິດເຊື້ອໄວຣັດໂຄໂຣນາສາຍພັນໃໝ່(ໂຄວິດ-19) ແລ້ວ 2 ຄົນ ເປັນຜູ້ຊາຍທັງໝົດຄົນໜຶ່ງຫາກໍກັບມາຈາກອາເມລິກາສ່ວນອີກຄົນໜຶ່ງກັບມາຈາກອັງກິດທັງສອງຢູ່ລະຫວ່າງການສືບປະຫວັດ ແລະ ຕິດຕາມຫາຕົວຜູ້ທີ່ຕິດຕໍ່ໃກ້ຊິດ, ທາງການມຽນມາຢືນຢັນຜູ້ຕິດເຊື້ອດັ່ງກ່າວໃນວັນທີ 23 ມີນາທີ່ຜ່ານມາ, ຜູ້ຊ່ຽວຊານດ້ານການແພດແລະກຸ່ມເຄື່ອນໄຫວດ້ານສິດທິມະນຸດໄດ້ຮຽກຮ້ອງໃຫ້ມຽນມາປະເຊີນໜ້າກັບວິກິດທີ່ຍັງບໍ່ຈົບກ່ອນທີ່ກະຊວງສາທາລະນາສຸກຢືນຢັນວ່າຜູ້ຕິດເຊື້ອເປັນຊາຍອາຍຸ 36 ປີ ທີ່ຫາກໍເດີນທາງກັບມາຈາກອາເມລິກາກັບຊາຍອາຍຸ 26 ປີ ທີ່ກັບມາຈາກອັງກິດ ແລະຢືນຢັນວ່າຈະຕິດຕາມຫາຄົນທີ່ຕິດຕໍ່ໃກ້ຊິດກັບຊາຍທັງສອງຄົນນີ້.

ສະໜັບສະໜູນໂດຍ: HONDA

 ຢ່າງໃດກໍຕາມເມື່ອຕົ້ນເດືອນມີນານີ້ສິງກະໂປຫາກໍສົ່ງເຄື່ອງກວດພະຍາດ 3 ພັນຊຸດ ແລະເຄື່ອງມືກວດຫາໄວຣັດ 2 ເຄື່ອງໄປໃຫ້ມຽນມາໂດຍມີເອກອັກຄະລັດຖະທູດ ສິງກະໂປປະຈຳມຽນມາເປັນຜູ້ມອບໃຫ້ເຈົ້າໜ້າທີ່ສາທາລະນາສຸກມຽນມານໍາໄປໃຊ້ຕໍ່ໄປ.

แชร์