ຄະນະພັກຮາກຖານ ສກຂ ຫຼວງພະບາງ ສຳເລັດກອງປະຊຸມໃຫຍ່

  ຄະນະພັກຮາກຖານພະແນກສຶກສາທິການ ແລະກີລາແຂວງ (ສກຂ) ຫຼວງພະບາງ ໄດ້ເປີດກອງປະຊຸມໃຫຍ່ຄັ້ງທີ IX ໃນວັນທີ 23 ມີນາ ຜ່ານມາທີ່ພະແນກດັ່ງກ່າວໂດຍການເປັນປະທານຂອງສະຫາຍ ສາຍສະໝອນ ຄົມທະວົງ ຮອງເລຂາພັກແຂວງ, ປະທານສະມາປະຊາຊົນແຂວງຫຼວງພະບາງ ໃຫ້ກຽດເຂົ້າຮ່ວມມີສະຫາຍ ວົງສະຫວັນ ເທບພະຈັນ ຄະນະປະຈຳພັກແຂວງ, ຮອງເຈົ້າແຂວງຫຼວງພະບາງ, ສະຫາຍ ຫຸມແພງ ວົງສີຈິດ ຮອງຫົວໜ້າຄະນະຈັດຕັ້ງແຂວງ, ມີຄະນະພັກຮາກ ຖານພະແນກສຶກສາທິການ ແລະກີລາ ແຂວງ, ສະຫາຍເລຂາ-ຮອງເລຂາ ໜ່ວຍພັກອ້ອມຂ້າງພ້ອມດ້ວຍສະຫາຍຜູ້ແທນສົມບູນເຂົ້າຮ່ວມ.

  ໃນກອງປະຊຸມ, ຜູ້ແທນໄດ້ຮັບຟັງການຜ່ານບົດລາຍງານການເມືອງ 2 ພາກ, ບົດສຳຫຼວດການ ນຳພາ ແລະແຜນພັດທະນາການສຶກສາ ແລະກີລາ 5 ປີຄັ້ງທີ IX (2021-2025) ຂອງຄະນະພັກ ຮາກຖານພະແນກສຶກສາທິການ ແລະກີລາແຂວງ, ຜ່ານມະຕິຕົກລົງຂອງຄະນະປະຈຳພັກແຂວງວ່າດ້ວຍການອານຸມັດຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2019 ພ້ອມທັງການກ່າວລາໜ້າທີ່ຂອງຄະນະພັກຮາກຖານຊຸດເກົ່າ.

 ຈາກນັ້ນໄດ້ດຳເນີນການປ່ອນບັດເລືອກຕັ້ງເອົາຄະນະພັກຮາກຖານຊຸດໃໝ່ໂດຍມີຜູ້ເຂົ້າສະໝັກເລືອກຕັ້ງທັງໝົດ 11 ສະຫາຍ, ຍິງ 1 ສະຫາຍ ເລືອກເອົາ 9 ສະ ຫາຍເພື່ອເປັນຄະນະພັກຮາກຖານພັກແນກສຶກສາທິການ ແລະກີລາແຂວງຊຸດທີ IX ພ້ອມທັງເລືອກເອົາຜູ້ແທນສົມບູນ ແລະສຳຮອງເຂົ້າຮ່ວມກອງປະຊຸມໃຫຍ່ອົງຄະ ນະພັກແຂວງຫຼວງພະບາງ ຄັ້ງທີ VIII ທີ່ຈະໄຂຂຶ້ນໃນຕໍ່ໜ້ານີ້, ຜ່ານ ການປ່ອນບັດເລືອກຕັ້ງຂອງຄະນະຮັບຜິດຊອບ ແລະຜູ້ແທນກອງ ປະຊຸມແມ່ນໄດ້ຮັບຮອງເປັນປະຊາມະຕິຄື: ຮັບຮອງເອົາລົດລາຍງານ ການເມືອງທັງສອງພາກ ແລະແຜນ ພັດທະນາການສຶກສາ ແລະກີລາ 5 ປີຄັ້ງທີ IX ປີ (2021-2025), ຮັບຮອງເອົາຜົນການປ່ອນບັດ ເລືອກຕັ້ງເອົາຄະນະພັກຮາກຖານ ຊຸດໃໝ່ຈຳນວນ 9 ສະຫາຍ ໂດຍ ເລືອກໄດ້ສະຫາຍ ຊາຍສະຫວັນ ຈັນມານິດ ເປັນເລຂາຄະນະພັກຮາກຖານພະແນກສຶກສາທິການ ແລະກີລາແຂວງ, ສະຫາຍ ວົງເພັດ ອຸດົມລິດ ເປັນຮອງເລຂາຄະນະພັກຮາກຖານ, ສະຫາຍ ນາງ ບົວທອງ ຕັນແສນສີ ເປັນຄະນະພັກຮາກ ຖານ, ສະຫາຍ ສູນທອນ ແກ້ວ ສະຫວັນ, ສະຫາຍ ອະນຸແພງແກ້ວ ວົງສາ, ສະຫາຍ ວັນທອງ ແພງສະຫວັດ, ສະຫາຍ ຈັນທອນ ເພັງພະຈັນ, ສະຫາຍ ສິດທິສອນ ຈັນທະວົງສາ, ສະຫາຍ ສົນທະຍາ ແກ້ວ ສຸວັນ ເປັນຄະນະພັກຮາກຖານ, ເລືອກໄດ້ຄະນະປະຈຳພັກຮາກຖານ ຈຳນວນ 3 ສະຫາຍຄື: ສະຫາຍ ຊາຍສະຫວັນ ຈັນມານິດ, ສະຫາຍ ວົງເພັດ ອຸດົມລິດ, ສະຫາຍ ນາງ ບົວທອງ ຕັນແສນສີ, ຮັບຮອງເອົາ ປະທານ ແລະຮອງປະທານກວດ ກາຄະນະພັກຮາກຖານ 2 ສະຫາຍ ຄື: ສະຫາຍ ນາງ ບົວທອງ ຕັນ ແສນສີ ເປັນປະທານກວດກາຄະນະພັກຮາກຖານ, ສະຫາຍ ເຊັບ ບຸນທັນ ເປັນຮອງປະທານກວດກາ ຄະນະພັກຮາກຖານ, ເລືອກໄດ້ຜູ້ ແທນສົມບູນ 3 ສະຫາຍ ແລະສຳຮອງ 1 ສະຫາຍ ເພື່ອເຂົ້າຮ່ວມກອງປະຊຸມໃຫຍ່ອົງຄະນະພັກແຂວງຄັ້ງທີ VIII ຄື:ສະຫາຍ ຊາຍສະຫວັນ ຈັນມານິດເປັນຜູ້ແທນສົມບູນ,ສະຫາຍ ວົງເພັດ ອຸດົມລິດ ເປັນຜູ້ ແທນສົມບູນ, ສະຫາຍ ນາງ ບົວທອງ ຕັນແສນສີ ເປັນຜູ້ແທນສົມບູນ ແລະສະຫາຍ ສູນທອນ ແກ້ວສະຫວັນ  ປັນຜູ້ແທນສຳຮອງ.

  ໂອກາດນີ້, ສະຫາຍ ສາຍສະໝອນ ຄົມທະວົງ ຮອງເລຂາພັກ ແຂວງ, ປະທານປະຊາຊົນແຂວງ ໄດ້ກ່າວສະແດງຄວມຍ້ອງຍໍຊົມ ເຊີຍຕໍ່ຄະນະພັກຮາກຖານຊຸດເກົ່າ ທີ່ໄດ້ຊີ້ນຳ-ນຳພາບັນດາໜ່ວຍພັກ, ສະມາຊິກພັກພະນັກງານໃນການຈັດຕັ້ງປະຕິບັດໜ້າທີ່ວຽກງານ ແລະສາມາດຍາດໄດ້ຜົນສຳເລັດອັນໃຫຍ່ຫຼວງຫຼາຍດ້ານ, ພ້ອມ ກັນນັ້ນສະຫາຍຍັງໄດ້ເນັ້ນໜັກຫຼາຍບັນຫາ ເປັນຕົ້ນແມ່ນໃຫ້ຖືເອົາການສຶກສາອົບຮົມແນວຄິດການເມືອງ, ມີແບບ ແຜນການດຳລົງຊີວິດທີ່ປອດໃສຂາວສະອາດ, ມີຄວາມຕື່ນຕົວເປັນເຈົ້າການໃນທຸກວຽກງານທີ່ພັກ-ລັດມອບໝາຍໃຫ້,ພ້ອມກັນຮັກສາມູນເຊື້ອ ແລະສືບຕໍ່ສ້າງໜ່ວຍພັກໃຫ້ເປັນໜ່ວຍພັກແຂງຮູ້ນຳພາຮອບດ້ານ, ປັບ ປຸງຄຸນນະພາບການ ສຶກສາໃຫ້ມີຄຸນນະພາບ, ຕີຕ້ານທຸກປະກົດການຫຍໍ້ທໍ້ ໂດຍສະເພາະປະກົດການຫຍໍ້ທໍ້ຄູ-ນັກຮຽນຕິດສີ່ງເສບຕິດພ້ອມກັນນັ້ນຕ້ອງໄດ້ເອົາໃຈໃສ່ປະຕິບັດວຽກງານ ຕາມ 3 ລັກສະນະ 5 ຫຼັກມູນຂອງການ ສຶກສາຄຽງຄູ່ກັບບັນດາຄາດໝາຍ ທີ່ສະພາປະຊາຊົນແຂວງວາງໄວ້ໃນແຕ່ລະໄລຍະໃຫ້ປະກົດຜົນເປັນຈິງ.

 

แชร์