ປະກາດການຈັດຕັ້ງຮອງເຈົ້າເມືອງໆຄູນຄໍາ ແລະຫົວໜ້າຫ້ອງການອ້ອມຂ້າງເມືອງ

  ໃນວັນທີ 17 ມີນາ 2020 ທີ່ສະໂມສອນຫ້ອງວ່າການປົກຄອງເມືອງໄດ້ຈັດພິທີປະກາດການຈັດຕັ້ງຮອງເຈົ້າເມືອງໆຄູນຄໍາ ແລະຫົວໜ້າບັນດາອ້ອມຂ້າງເມືອງຂຶ້ນຢ່າງເປັນທາງການໂດຍ ພາຍໃຕ້ການເປັນປະທານຂອງ ທ່ານ ຄໍາໝັ່ນ ສໍປະເສີດ ເລຂາພັກ ເມືອງ, ເຈົ້າເມືອງໆຄູນຄໍາ, ມີທ່ານ ພັອ ແກ້ວດາວົງ ໄຊຍະແສງ ຄະນະປະຈໍາພັກແຂວງ,ຫົວໜ້າພະແນກພາຍໃນແຂວງ, ທ່ານ ສີໄຮ ແກ້ວໄກຖິ່ນ ກໍາມະການພັກແຂວງ, ຫົວໜ້າພະແນກສຶກສາທິການ ແລະກີລາແຂວງ, ມີຫົວໜ້າ-ຮອງຫ້ອງການ, ພະນັກງານວິຊາການທີ່ກ່ຽວຂ້ອງ, ຄູອາຈານເຂົ້າຮ່ວມ.

ສະໜັບສະໜູນໂດຍ: HONDA

  ທ່ານ ນາງ ມູນທາ ລັດຖະຈັກ ຮອງຄະນະຈັດຕັ້ງແຂວງໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງໆ ຄໍາມ່ວນ ສະບັບເລກທີ 66/ຈຂ.ຄມ, ລົງວັນທີ 2 ມີນາ 2020 ວ່າດ້ວຍການແຕ່ງຕັ້ງຮອງ ເຈົ້າເມືອງໆຄູນຄໍາເຫັນດີຕົກລົງແຕ່ງຕັ້ງ ທ່ານ ອິນທະວົງ ແກ້ວອ່ອນໄຂ ກໍາມະການພັກເມືອງ, ຫົວໜ້າຫ້ອງການສາທາລະນະສຸກເມືອງ ເປັນຮອງເຈົ້າເມືອງໆຄູນຄໍາ ທ່ານ ຄໍາສອນ ສູນທະລາ ຮອງຄະນະຈັດຕັ້ງເມືອງກໍໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າເມືອງໆຄູນຄໍາວ່າດ້ວຍການແຕ່ງຕັ້ງຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງເຫັນດີຕົກລົງແຕ່ງຕັ້ງທ່ານ ສົມຫວັງ ສຸວັນທອງ ເລຂາຄະນະບໍລິຫານງານຊາວໜຸ່ມເມືອງຄູນຄໍາເປັນຫົວໜ້າຫ້ອງວ່າການປົກຄອງເມືອງ, ເຫັນດີຕົກລົງແຕ່ງຕັ້ງ ທ່ານ ກາລະທອນ ກຽດສັກສີ ຫົວ ໜ້າຫ້ອງການສຶກສາທິການ ແລະ ກີລາເມືອງ ເປັນຮອງຫົວໜ້າຫ້ອງ ວ່າການປົກຄອງເມືອງ ແລະແຕ່ງຕັ້ງ ທ່ານ ຈັນທະລົງ ດວງມະໄລ ຮອງຫົວໜ້າຫ້ອງການສຶກສາທິການ ແລະກີລາເມືອງຂຶ້ນເປັນຫົວໜ້າຫ້ອງການສຶກສາທິການ ແລະກີລາເມືອງ, ທ່ານຮອງເຈົ້າເມືອງໆ ຄູນຄໍາຜູ້ເກົ່າ ແລະ ຜູ້ໃໝ່ຍັງໄດ້ເຊັນບົດບັນທຶກມອບ-ຮັບໜ້າທີ່ຕໍາແໜ່ງພ້ອມທັງໄດ້ຮັບຟັງການໂອ້ລົມຂອງ ທ່ານ ແກ້ວດາວົງ ໄຊຍະແສງ ຄະນະປະຈໍາພັກແຂວງ,ຫົວໜ້າພະແນກພາຍໃນແຂວງເພື່ອພ້ອມກັນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 2 ຂອງອົງຄະນະພັກເມືອງຄູນຄໍາໄດ້ວາງອອກໃຫ້ປາກົດຜົນເປັນຈິງ.

 

  

แชร์