ຄະນະພັກຮາກຖານພະແນກອຸດສາຫະກຳ-ການຄ້າແຂວງສະຫວັນນະເຂດ ສຳເລັດກອງປະຊຸມໃຫຍ່

 ເມື່ອບໍ່ດົນມານີ້ຄະນະຮາກຖນພະແນກອຸດສາຫະກຳ-ການຄ້າແຂວງສະຫວັນນະເຂດໄດ້ຈັດກອງະຊຸມໃຫຍ່ຄັ້ງທີ III ໂດຍການເປັນປະທານຂອງ ສະຫາຍ ທ່ອນແກ້ວ ພຸດທະໄກຍະລາດຄະນະປະຈຳພັກແຂວງຮອງເຈົ້າແຂວງສະຫວັນນະເຂດ ພ້ອມດ້ວຍຄະນະຈັດຕັ້ງແຂວງ ແລະຄະນະພັກຮາກຖານກໍໄດ້ເຂົ້າຮ່ວມ.

 ສະຫາຍ ສີວິໄລ ວິໄລສັກ ຄະນະພັກຮາກຖານຫົວໜ້າຂະແໜງການຄ້າແຂວງໄດ້ຜ່ານບົດລາຍງານການເມືອງພາກ I ແລະ II ຊຶ່ງມີເນື້ອໃນບາງຕອນໃຫ້ຮູ້ວ່າ: ຮາກ ຖານພັກພະແນກອຸດສາຫະກຳ ແລະການຄ້າແຂວງສະຫວັນນະເຂດ ໄດ້ຖືກສ້າງຕັ້ງຂຶ້ນໃນວັນທີ 30 ມີນາ 2011, ພາລະບົດບາດ ແລະໜ້າທີ່ການເມືອງຕົ້ນຕໍແມ່ນ ເປັນເສນາທິການໃຫ້ແກ່ອົງຄະນະພັກແຂວງໃນ ການຊີ້ນຳ-ນຳພາຄົ້ນຄວ້າເຊື່ອມຊຶມຈັດຕັ້ງຜັນ ຂະຫຍາຍບັນດາແນວທາງນະໂຍບາຍ, ນິຕິກຳຂອງພັກ ແລະລະບຽບກົດໝາຍຂອງລັດໃຫ້ແກ່ສະມາຊິກພັກ-ພະນັກງານ ໄດ້ຮັບຮູ້ເຂົ້າໃຈເປັນເອກະພາບໃນການຈັດຕັ້ງປະຕິບັດ ແລະຮູ້ໝູນໃຊ້ເຂົ້າໃນວຽກງານຕົວຈິງຮາກຖານພັກພະແນກອຸດສາຫະກຳ ແລະການຄ້າແຂວງສະຫວັນນະເຂດ ມີ 8 ໜ່ວຍພັກອ້ອມຂ້າງຂຶ້ນກັບ ແລະມີຈຳນວນສະມາຊິກພັກທັງໝົດ 70 ສະຫາຍ ຍິງ 18 ສະຫາຍ, ຊີ້ນຳ-ນຳພາໃນວຽກງານດ້ານຕ່າງໆເຊັ່ນ: ວຽກງານກວດກາລັດ, ວຽກງານແຜນການ ແລະການຮ່ວມມື, ວຽກງານອຸດສາຫະກຳ ແລະ ຫັດຖະກຳ,ວຽກງານການຄ້າພາຍ ໃນ, ວຽກງານທະບຽນ ແລະວິສາຫະກິດ, ວຽກງານນຳເຂົ້າ ແລະສົ່ງອອກ, ວຽກງານສົ່ງເສີມວິສາຫະກິດຂະໜາດນ້ອຍ ແລະກາງ ແລະວຽກງານການຄ້າ.

ສະໜັບສະໜູນໂດຍ: HONDA

ກອງປະຊຸມຄັ້ງນີ້, ໄດ້ປ່ອນບັດຄັດເລືອກເອົາຄະນະພັກຮາກຖານຊຸດໃໝ່ຊຶ່ງຜົນປາກົດວ່າ: ສະຫາຍ ໂພສີສ້ອຍ ກຸທິລາດ ໄດ້ຮັບຄວາມໄວ້ວາງໃຈໃຫ້ເປັນເລຂາຄະນະພັກຮາກຖານ, ສະຫາຍ ປອ ວັນແສງ ແກ້ວບຸນພັນ ເປັນຮອງເລຂາທັງເປັນປະທານກວດກາຮາກຖານພັກ, ສະຫາຍ ເນດຄຳ ສຸດທະລັກ, ສະຫາຍ ປອ ແກ້ວວິຈິດ ໄຂຄຳພິທູນ ແລະສະຫາຍ ຄາລາໂຊ ຫຼຸຍບົວທອງ ເປັນຄະນະກຳມະການຮາກຖານພັກພະແນກອຸດສາຫະກຳ ແລະການຄ້າແຂວງສະຫວັນນະເຂດ, ນອກນັ້ນໃນກອງປະຊຸມຄັ້ງນີ້ຍັງໄດ້ຕົກລົງເຫັນດີເລືອກເອົາຮອງປະທານກວດກາສອງສະຫາຍຄື: ສະຫາຍ ສີທັດຖະພອນ ສະຫວັນ ແລະສະຫາຍແກ້ວ ອຸດອນ ສິດທິຊົນ ເປັນຮອງປະທານກວດກາຮາກຖານພັກ.

 

แชร์