ການປູກພືດເພື່ອສ້າງລາຍຮັບໃຫ້ແກ່ຄອບຄົວ

  ຍຸກນີ້ເປັນຍຸກແຫ່ງການແຂ່ງຂັນທາງຊັບສິນປັນຍາ ແລະການຍາດຊິງໂອກາດສະນັ້ນໃຜກໍຕາມທີ່ມີຫົວຄິດສ້າງສັນກໍ່ສາມາດໃຊ້ຊີວິດຢູ່ຢ່າງມີຄວາມສຸກແມ່ນແຕ່ອາຊີບການປູກພືດໝາກຖົ່ວ ດິນ, ມັນດ້າງ, ມັນເຜົ່າ, ສາລີ, ການປັກດຳເຂົ້ານາແຊງ ແລະນາປີກໍ່ສາມາດສ້າງຄວາມລໍ້າລວຍມີເງິນໄດ້ດັ່ງກໍລະນີຂອງ ທ່ານ ບຸນມີ ຄຳວົງສາ ອາຍຸ 67 ປີ ທີ່ບ້ານນາ ທານ ເມືອງມະຫາໄຊ ໄດ້ເລືອກ ອາຊີບການເຮັດນາເປັນຕົ້ນຕໍ ແລະ ຫັນມາປູກພືດລະດູແລ້ງເປັນສຳຮອງ ເພື່ອໝູນວຽນສ້າງລາຍຮັບໃຫ້ແກ່ຄອບຄົວຂອງທ່ານເອງດີຂຶ້ນຊຶ່ງຈະໄດ້ມີການປູກພືດແຕ່ຢ່າງດຽວເຊັ່ນ: ມີໝາກເຜັດ, ໝາກເຂືອ, ໝາກຖົ່ວດິນ, ມັນດ້າງ, ມັນ ເຜົ່າ, ສາລີ, ການປັກດຳເຂົ້ານາແຊງ ແລະນາປີເພື່ອເປັນການພັດທະນາຄອບຄົວໃຫ້ມີລາຍຮັບຕື່ມອີກ.

 ທ່ານ ບຸນມີ ຄຳວົງສາ ທີ່ບ້ານນາທານ ເມືອງມະຫາໄຊ ແຂວງຄຳມ່ວນ ທີ່ເປັນເຈົ້າຂອງສວນທີ່ສາມາດເປັນຄອບຄົວຕົວແບບໃນບ້ານນາທານ ແລະທົ່ວເມືອງ ມະຫາໄຊ ຊຶ່ງໄດ້ຢຶດເອົາອາຊີບການ ເຮັດນາປູກພືດນີ້ໃນຄອບຄົວໄດ້ 3-4 ປີແລ້ວ ໂດຍຜ່ານມາກ່ອນ ໜ້ານີ້ຕົນເອງ ແລະຄອບຄົວແມ່ນ ຢຶດອາຊີບເຮັດໄຮ່-ເຮັດນາ ແຕ່ໄດ້ ພົບກັບໄພທຳມະຊາດ (ນໍ້າຖ້ວມ) ເຮັດໃຫ້ການຜະລິດໄດ້ຮັບຄວາມເສຍຫາຍການເກັບກ່ຽວບໍ່ກຸ້ມກິນເຮັດໃຫ້ຄອບຄົວມີຄວາມຫຍຸ້ງຍາກຫຼາຍຕົກມາຮອດທ້າຍປີ 2019 ແມ່ນໄດ້ຫັນມາປູກພືດເຊັ່ນ: ໝາກເຜັດ, ໝາກເຂືອ, ໝາກຖົ່ວດິນ, ມັນດ້າງ, ມັນເຜົ່າ, ສາລີ ແລະຫວາຍຕາມແຄມນ້ຳເຊບັ້ງໄຟໃນຂອບເຂດເຮືອນຂອງຕົນເປັນອາຊີບ

ຫຼັກ ເພື່ອເປັນສິນຄ້າຂາຍສົ່ງ ອອກສູ່ຕະຫຼາດ ແລະສົ່ງໃຫ້ແມ່ ຄ້າທົ່ວໄປ ໃນປີທຳອິດຕົນເອງໄດ້ ສົ່ງອອກພຽງແຕ່ໃນທ້ອງຕະຫຼາດໃນເມືອງຊຶ່ງໃນຄອບຄົວຂອງຕົນແມ່ນມີຈຳນວນແຮງງານ 6 ຄົນ, ຍິງ 2 ຄົນ ແລະໄດ້ພາກັນເອົາ ອາຊີບນີ້ເປັນຫຼັກເປັນໄລຍະ 4-5 ປີແລ້ວ ກ່ອນຈະໄດ້ສົ່ງອອກສູ່ຕະຫຼາດພາຍໃນເມືອງປະຈຸບັນນີ້ແມ່ນໄດ້ຂະຫຍາຍການສົ່ງອອກສູ່ຕະຫຼາດໃນ 3 ຕົວເມືອງອ້ອມຂ້າງເຮັດໃຫ້ມີລາຍຮັບເຂົ້າຄອບຄົວເພີ່ມຂຶ້ນຍັງບໍ່ໝົດພຽງເທົ່ານັ້ນເພິ່ນຍັງໄດ້ມີການພັດທະນາຕົນເອງເພີ່ນສາ ມາດລ້ຽງງົວໄດ້ປະ ມານ 10 ໂຕ, ມີຄວາຍ 2 ໂຕ ບາງ ຄັ້ງບໍ່ໄດ້ລ້ຽງເປັນປະຈຳເພາະວ່າ ເພິ່ນຍັງບໍ່ມີຄອກ, ໂດຍມີຄົນໃນຄອບຄົວເຮັດວຽກຊ່ວຍກັນໂດຍໃຫ້ແບ່ງໜ້າທີ່ຕາມຄວາມເໝາະສົມເຊັ່ນ: ລູກຊາຍ ແລະລູກສາວ 2-3 ຄົນແມ່ນເປັນຜູ້ຂັບລົດນຳສົ່ງພືດຜັກຕ່າງໆອອກສູ່ຕະຫຼາດ, ຜົວເປັນຜູ້ດູແລຮັກສາເຄື່ອງປູກໃນສວນ, ເມຍເປັນຜູ້ເບິ່ງແຍງວຽກລວມ ແລະການຕະຫຼາດຕ່າງໆອີກດ້ວຍ.

ສະໜັບສະໜູນໂດຍ: HONDA

 ທ່ານ ບຸນມີ ຍັງໄດ້ບອກເຖິງການບຳລຸງຮັກສາສັດລ້ຽງ ແລະການປູກພືດດັ່ງກ່າວໃນສວນໃນໄລຍະທີ່ກຳລັງຈະເລີນເຕີບໂຕຕ້ອງມີຄວາມໃກ້ຊິດ ແລະຕິດຕາມໃຫ້ອາຫານ ແລະຢ່າຂ້າເຊື້ອເພື່ອປ້ອງກັນພະຍາດລະບາດຕ່າງໆ, ຊຶ່ງສະເລ່ຍ ລາຍຮັບຈາກການສົ່ງອອກນັ້ນໃນແຕ່ລະຊຸດແມ່ນຕົກຢູ່ປະມານ 10 ລ້ານກີບຕໍ່ປີ, ສ່ວນຂາຍສາລີ ແລະພືດຜັກຕ່າງໆ ເພື່ອເປັນການເພີ່ມລາຍຮັບໃຫ້ແກ່ຄອບຄົວຕື່ມອີກມາຮອດປະຈຸບັນນີ້ ຄອບຄົວຂອງທ່ານສາມາດສ້າງເສດຖະກິດຄອບຄົວຢ່າງໜ້າເພິ່ງພໍໃຈຄອບຄົວຂອງທ່ານມີລົດຮຸ່ນໃດ 1 ຄັນມູນຄ່າ 60 ລ້ານກີບ, ລົດໄຖນາ 1 ຄັນ ມູນຄ່າ 20 ລ້ານກີບ ແລະໂຮງສີເຂົ້າຈຳນວນ 1 ເຄື່ອງ 4 ລ້ານກີບ ພ້ອມນີ້ຍັງໄດ້ສົ່ງລູກໄປຮຽນຕໍ່ວິ ຊາຊີບຕ່າງໆແຂວງຕື່ມອີກ.

 

แชร์