ກະຊວງສາທາ ຖະແຫຼງຂ່າວຢັ້ງຢືນເປັນທາງການແລ້ວ ສປປ ລາວ ພົບຜູ້ຕິດເຊື້ອໂຄວິດ-19 ຈຳນວນ 2 ກໍລະນີ

  ໃນເວລາ 14 ໂມງ ວັນທີ 24 ມີນາ 2020 ຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ໄດ້ຖະແຫຼງຂ່າວປະຈຳ ວັນຂຶ້ນທີ່ກະຊວງສາທາລະນະສຸກໂດຍຢັ້ງຢືນວ່າ: ມາຮອດປັດຈຸບັນ ສປປ ລາວ ກວດພົບຜູ້ຕິດເຊື້ອໂຄວິດ-19 ຈຳນວນ 2 ຄົນ ຢູ່ນະຄອນຫຼວງວຽງຈັນ.

ພາບຂ່າວ:

  ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກກ່າວວ່າ: ໃນວັນທີ 23 ມີນາ ໄດ້ມີການກວດຕົວຢ່າງຜູ້ສົງໄສຕິດເຊື້ອຈຳນວນ 14 ກໍລະນີ; ໃນນີ້ 12 ກໍລະນີ ທີ່ເປັນແຮງງານລາວເດີນທາງມາຈາກປະເທດໄທກວດບໍ່ພົບກໍລະນີຕິດເຊື້ອ(ແບ່ງເປັນທີ່ແຂວງຈຳປາສັກ 7 ກໍລະນີ, ສະຫວັນນະເຂດ 1 ຄົນ,ຄຳມ່ວນ1 ຄົນ, ສາລະວັນ 2 ຄົນ, ໄຊຍະບູລີ 1 ຄົນ).

ສະໜັບສະໜູນໂດຍ: HONDA

  ສ່ວນອີກ 2 ກໍລະນີຢູ່ນະຄອນຫຼວງວຽງຈັນຜົນກວດວິເຄາະແມ່ນພົບການຕິດເຊື້ອ; ໃນນີ້ກໍລະນີທີ 1 ເປັນເພດຍິງອາຍຸ 36 ປີ ເປັນພະນັກງານນຳທ່ຽວໂດຍນຳພານັກທ່ອງທ່ຽວທີ່ມາຈາກປະເທດທີ່ມີການລະບາດໄປທ່ຽວວັງວຽງ, ຫຼວງພະບາງ ແລ້ວນຳສົ່ງໄປກຳປູເຈຍ. ກໍລະນີທີ 2 ເປັນເພດຊາຍອາຍຸ 28 ປີ ໄດ້ເດີນທາງໄປສຳມະນາທີ່ບາງກອກປະເທດໄທກັບມາ.

ພາບຂ່າວ:

 

  ທ່ານ ຮອງລັດຖະມົນຕີຍັງຮຽກຮ້ອງໃຫ້ພໍ່ແມ່ປະຊາຊົນຢ່າແຕກຕື່ນຢ້ານກົວເກີນເຫດແຕ່ກໍຢ່າປະໝາດ. ໃຫ້ພ້ອມກັນປະຕິບັດມາດຕະຖານການຕ່າງໆໃນການປ້ອງ ກັນຕົວເອງຕາມທີ່ຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ວາງອອກຢ່າງເຂັ້ມງວດ ແລະເປັນເຈົ້າການ.

 

แชร์