ການຄ້າປັບລາຄານໍ້າມັນທຸກຊະນິດທົ່ວປະເທດ

  ໃນວັນທີ 23 ມີນາ 2020 ກະຊວງອຸດສາຫະກໍາ ແລະການຄ້າໄດ້ອອກແຈ້ງການເຖິງສະມາຄົມນໍ້າມັນເຊື້ອໄຟ ແລະອາຍແກ໊ສ, ບັນດາບໍລິສັດນໍ້າມັນເຊື້ອໄປເລື່ອງແຈ້ງການປັບລົງລາຄາຂາຍຍ່ອຍນໍ້າມັນແອັດຊັງພິເສດ ແລະ ນໍ້າມັນແອັດຊັງທໍາມະດາເຊື້ອໄຟໃນຂອບເຂດທົ່ວປະເທດຊຶ່ງເລີ່ມຈັດຕັ້ງປະຕີບັດຕັ້ງແຕ່ເວລາ 6:00 ໂມງຂອງວັນທີ 24 ມີນາ 2020 ເປັນຕົ້ນໄປ ແລະການປັບລາຄາຄັ້ງນີ້ແມ່ນໄດ້ເພີ່ມຄັ້ງແຮ 300 ກີບຕໍ່ລິດທຸກຊະນິດ ແລະປັບລົງລາຄານໍ້າມັນ.

  ເຊື້ອໄຟທຸກຊະນິດຄື: ແອັດຊັງພິເສດປັບລົງ 600 ກີບຕໍ່ລິດ (ຈາກ 9.720 ກີບຕໍ່ລິດ ເປັນ 9.120 ກີບຕໍ່ລິດ, ແອັດຊັງທໍາມະດາປັບລົງ 510 ກີບຕໍ່ລິດ (ຈາກ 8.890 ກີບຕໍ່ລິດ ເປັນ 8.380 ກີບຕໍ່ລິດ) ແລະກາຊວນປັບລົງ 160 ກີບຕໍ່ລິດ (ຈາກ 7.900 ກີບຕໍ່ລິດເປັນ 7.740 ກີບຕໍ່ລິດ.

  ນະຄອນຫຼວງວຽງຈັນ ແອັດຊັງພິເສດໃຫ້ຂາຍໃນລາຄາ 9.120 ກີບຕໍ່ລິດ, ທຳມະດາ 8.380 ກີບລິດ ແລະກາຊວນ 7.740 ພັນກີບຕໍ່ລິດ, ແຂວງຜົ້ງສາລີ ແອັດ ຊັງທໍາມະດາ 9.140 ກີບ, ກາຊວນ 8.500 ກີບ, ຫຼວງນໍ້າທາ ແອັດຊັງທຳມະດາ 8.740 ກີບ, ກາ ຊວນ 8.100 ກີບ, ແຂວງອຸດົມໄຊແອັດຊັງພິເສດ 9.600 ກີບ, ແອັດຊັງທໍາມະດາ 8.860 ກີບ, ກາຊວນ 8.220 ກີບ,ແຂວງບໍ່ແກ້ວ ແອັດຊັງພີເສດ 9.220 ກີບຕໍ່ລິດ,ທໍາມະດາ 8.480 ກີບຕໍ່ລິດ ແລະກາຊວນ 7.840 ກີບຕໍ່ລີດ, ຫຼວງພະບາງແອັດຊັງພິເສດ 9.520 ກີບຕໍ່ລິດ, ແອັດຊັງທໍາມະດາ 8.780 ກີບ, ກາຊວນ 8.140 ກີບ, ແຂວງໄຊຍະບູລີ ແອັດຊັງພິເສດ 9.370 ກີບ, ແອັດ ຊັງທໍາມະດາ 8.630 ກີບ, ກາຊວນ 7.990 ກີບ, ຫົວພັນແອັດຊັງທຳມະດາ 8.780 ກີບ, ກາຊວນ 8.140 ກີບຕໍ່ລິດ, ຊຽງຂວາງ ແອັດຊັງທຳມະດາ 8.570 ກີບ, ກາຊວນ 7.930 ກີບ, ແຂວງວຽງຈັນ ແອັດຊັງພິເສດ 9.120 ກີບ, ທຳມະດາ8.380 ກີບ, ກາຊວນ 7.740 ກີບ, ບໍລິຄຳໄຊ ແອັດຊັງພິເສດ 9.200 ກີບ, ທຳມະດາ 8.460 ກີບ, ກາຊວນ 7.820 ກີບ.

ສະໜັບສະໜູນໂດຍ: HONDA

  ສໍາລັບຄຳມ່ວນແອັດຊັງພິເສດ 9.150 ກີບ, ແອັດຊັງທໍາມະດາ 8.410 ກີບ, ກາຊວນ 7.770 ກີບ ແຂວງສະຫວັນນະເຂດແມ່ນລາຄາດຽວກັບແຂວງຄຳມ່ວນ, ແຂວງສາລະວັນ ແອັດຊັງພິ ເສດ 9.330 ກີບ ແອັດຊັງທໍາມະດາ 8.590 ກີບ, ກາຊວນ 7.950 ກີບ, ແຂວງຈໍາປາສັກ ແອັດຊັງພິເສດ 9.180 ກີບ, ທຳມະດາ 8.440 ກີບ,ກາຊວນ 7.800 ກີບ, ແຂວງເຊກອງ ແອັດຊັງທໍາມະດາ 8.620 ກີບ, ກາຊວນ 7.980 ກີບ, ແຂວງອັດຕະປື ແອັດຊັງພິເສດ 9.360 ກີບ, ແອັດ ຊັງທໍາມະດາ 8.620 ກີບ, ກາຊວນ 7.980 ກີບ ແລະແຂວງໄຊສົມບູນ ແອັດຊັງທໍາມະດາ 8.620    ກີບ ແລະກາຊວນ 7.980 ກີບ.

แชร์