9 ຂັ້ນຕອນການຈຳກັດບໍລິເວນ 14 ວັນ ສຳລັບຜູ້ເດີນທາງມາລາວ

  ປະຈຸບັນພະຍາດໂຄວິດ-19 ເປັນພະຍາດຮ້າຍແຮງເຮັດໃຫ້ຄົນຕິດ ແລະເສຍຊີວິດທົ່ວໂລກເປັນຈຳນວນຫຼວງຫຼາຍເຖິງ ສປປ ລາວ ຍັງບໍ່ມີຜູ້ຕິດເຊື່ອແຕ່ເພື່ອຄວາມປອດໄພຂອງພີ່ນ້ອງຊາວລາວໂດຍສະເພາະຜູ້ທີ່ເດີນທາງມາແຕ່ຕ່າງປະເທດທາງກົມຄວບຄຸມພະຍາດຕິດຕໍ່ກະຊວງສາທາລະນະສຸກໄດ້ອອກຄຳແນະນຳເພີ່ມເຕີມການຈຳກັດບໍລິເວນຢູ່ສະຖານທີ່ພັກເຊົາຂອງຕົນເອງໃນໄລຍະ 14 ວັນ ໂດຍໃຫ້ປະຕິບັດທັງໝົດ 9 ຂັ້ນຕອນ.

ສະໜັບສະໜູນໂດຍ: HON

  ອີງຕາມຄຳແນະນຳເພີ່ມເຕີມດັ່ງກ່າວຂັ້ນຕອນທຳອິດແມ່ນວັດແທກອຸນຫະພູມຮ່າງກາຍສອງເທື່ອຕໍ່ມື (ເຊົ້າ-ແລງ) ສັງເກດຕົນເອງວ່າມີອາການໄຂ້, ໄອ ຫຼືຫາຍໃຈຍາກ ແລະອາການອື່ນໆ ພ້ອມທັງໝາຍໃສ່ຕາຕະລາງໃນການຕິດຕາມອາການ ແລະ ອຸນຫະພູມຮ່າງກາຍ; 2 ບໍ່ໃຫ້ອອກຈາກສະຖານທີ່ພັກເຊົາຂອງຕົນເອງເທົ່ານັ້ນເຮືອນ, ໂຮງແຮມ, ຫໍພັກ ແລະສະຖານທີ່ຈັດກຽມໄວ້ເປັນເວລາ 14 ວັນ ໃຫ້ມີຜູ້ສົ່ງອາຫານ ແລະນໍ້າໃຫ້ຢູ່ໜ້າຫ້ອງ; 3, ບໍ່ໃຫ້ເດີນທາງອອກນອກບໍ່ໃຫ້ໃກ້ຊິດຄົນອື່ນ ໂດຍບໍ່ໄດ້ຮັບອະນຸຍາດ; 4, ຖ້າວ່າບໍ່ມີຂອງຕົນເອງໃຫ້ຈັດສັນບໍລິເວນພັກເຊົາຂອງຕົນເອງໃຫ້ຫ່າງຈາກຄົນອ້ອມຂ້າງຢ່າງໜ່ອຍ 2 ແມັດ ແລະ ບໍ່ໃຫ້ໃຊ້ເຄື່ອງປົນກັບຄົນ

ອື່ນ,5, ເປີດປ່ອງຢ້ຽມເພື່ອລະບາຍອາກາດພາຍໃນຫ້ອງໃຫ້ຖ່າຍເທ;ໝັ່ນລ້າງມືໃສ່ສະບູແລະນໍ້າສະອາດຫຼືໃຊ້ເຈວລ້າງມືທີ່ມີຄວາມສະສົມຂອງເຫຼົ້າແຕ່ 70%-95% ;7, ຮັກສາມາລະຍາດໃນເວລາໄອ ແລະຈາມໃຫ້ອັດປາກ ແລະດ້ວຍກົກແຂນ ຫຼື ໃຊ້ເຈ້ຍອະນາໄມ ແລະຖິ້ມເຈ້ຍອະນາໄມທີ່ໃຊ້ແລ້ວໃສ່ຖັງຂີ້ເຫຍື້ອທັນທີ, 8 ຖ້າວ່າຮູ້ສຶກບໍ່ສະບາຍມີໄຂ້ໄອ ຫຼືມີບັນຫາລະບົບຫາຍໃຈ ຫຼື ມີຄວາມຕ້ອງການບໍລິການແພດອື່ນໆແມ່ນໃຫ້ໂທປຶກສາສາຍດ່ວນ 166 ຫຼື 020 540667777 ພ້ອມທັງເລົ່າປະ ຫວັດການເດີນທາງມາແຕ່ເຂດສ່ຽງໃຫ້ທ່ານໝໍຢ່າງລະອຽດ ແລະ 9 ພາຍຫຼັງຕິດຕາມຄົບກຳນົດ 14 ວັນ ແລະ ບໍ່ມີອາການຜິດປົກກະຕິຫຍັງແມ່ນສາມາດອອກໄປເຄື່ອງໄຫວດຳເນີນວຽກປະຈຳຕາມປົກກະຕິ.

แชร์