ບໍ່ມີຍົກສະໄໝໃດ ພັດທະນາປະເທດຊາດຈົນປະຊາຊົນຢູ່ດີຮັ່ງມີຄືປະຈຸບັນ

  ເຊື້ອຊາດລາວເຮົາມີປະຫວັດກຳເນີດເກີດຂຶ້ນມາຍາວນານນັບຫຼາຍພັນປີ ແລະກໍຜ່ານຜ່າມາຫຼາຍຍຸກຫຼາຍສະໄໝແຕ່ກໍເຫັນວ່າບໍ່ມີຍຸກໃດສະໄໝໃດປະເທດຊາດຈະໄດ້ຮັບການພັດທະນາຄືປະຈຸບັນ ແລະປະຊາຊົນຢູ່ດີກິນດີຮັ່ງມີສີສຸກຫຼຸດພົ້ນຈາກຄວາມທຸກຍາກເທື່ອລະກ້າວທັງໝົດທັງໝວນນັ້ນ ທ່ານ ຄຳໄພ ສົມຊະນະ ໃຫ້ທັດສະນະວ່າແມ່ນຍ້ອນການຊີ້ນຳໆ ພາອັນສະຫຼາດສ່ອງໃສຂອງພັກປະຊາຊົນປະຕິວັດລາວຈຶ່ງເຮັດໃຫ້ເປະເທດຊາດຈະເລີນຮຸ່ງເຮືອງ ແລະຮັ່ງມີເຂັ້ມແຂງຈົນມາເຖິງທຸກວັນນີ້.

  ທ່ານ ຄຳໄພ ສົມຊະນະ ປະທານບໍລິສັດກຸ່ມຄຳໄພຊະນະຈຳກັດຜູ້ດຽວໃຫ້ທັດສະນາວ່າ: ຂ້າພະເຈົ້າມີຄວາມໂຊກດີທີ່ສຸດທີ່ເກີດເປັນຄົນລາວຜູ້ໜຶ່ງທີ່ມີຄວາມມຸ້ງໝັ້ນດຸໝັ່ນອົດທົນ ແລະ ເຮັດແທ້ທຳຈິງປະຕິບັດຜົວເປັນເພຍເມຍພາຮູ້ອັນນີ້ເຖິງຈະເປັນຜົວເມຍທຸກຍາກຈາກຄອບຄົວຊາວໄຮ່ຊາວສວນຢູ່ຊົນນະບົດທຸກຍາກເຂດຫ່າງໄກສອກຫຼີກລະດັບການສຶກສາຈົບພຽງ ປ4 ທຶນ ຄ້າຂາຍບໍ່ມີກໍສາມາດນຳພາຊີວິດ ແລະຄອບຄົວດຳເນີນທຸລະກິດຈົນສາມາດກ້າວມາຢືນຢູ່ລະດັບແຖວໜ້າຂອງເມືອງລາວ.

  ປະຈຸບັນປະເທດຊາດບ້ານເມືອງກໍໄດ້ຮັບການພັດທະນາໃຫ້ມີຄວາມຈະເລີນຂຶ້ນຈາກແຕ່ກ່ອນປະເທດເຮົາບໍ່ມີໄຟຟ້າໃຊ້ບໍ່ມີຖະໜົນຫົນທາງດີບໍ່ມີນໍ້າຊົນລະປະທານມາເຮັດນາແຊງແຕ່ມາຮອດດຽວນີ້ບ່ອນໃດທາງບໍ່ດີກໍມີທາງຢາງຫຼືທາງເບຕົງ, ມີນໍ້າມາເຮັດນາແຊງຄອບຄົວຢູ່ຊົນນະບົດບໍ່ມີໄຟຟ້າໃຊ້ກະໄດ້ໃຊ້ເກືອບ 100% ແລ້ວເຮັດໃຫ້ປະຊາຊົນພໍ່ຄ້າຊາວຂາຍນັກທຸລະກິດມີຊີວິດການເປັນຢູ່ດີກິນດີຮັ່ງມີຂຶ້ນຈາກແຕ່ກ່ອນຫຍຸ້ງຍາກບໍ່ມີລົດກໍມີຈາກບໍ່ມີເຮືອນງາມຢູ່ກໍມີ ແລະນັກທຸລະກິດບາງຄົນເຖິງຂັ້ນມີຍົນສ່ວນຕົວຂີ່ທຸກຄົນຢູ່ດີກິນດີມີເງິນໃຊ້ຫາເງິນມີຄວາມປອດໄພຂ້າພະເຈົ້າຄຳໄພ ສົມຊະນະ ແມ່ນຮູ້ດີແລ້ວວ່ານີ້ແມ່ນຍ້ອນບຸນຄຸນຂອງພັກຂອງລັດທັງໝົດທັງມວນ.

  ຖ້າຜູ້ໃດບໍ່ນັບຖືບຸນຄຸນຂອງພັກຂອງລັດຄືເຮົາເປັນລູກຢູ່ໃນຄອບຄົວຂອງພໍ່ແມ່ບໍ່ນັບຖືເພິ່ນນັກຮຽນບໍ່ນັບຖືບຸນຄຸນຂອງຄູບາ-ອາຈານປະຊາຊົນທະຫານຕຳຫຼວດພໍ່ຄ້າຊາວຂາຍນັກທຸລະກິດກ່ອນຈະຮັ່ງມີໄດ້ກໍຕ້ອງມີພັກມີລັດສຳຄັນທີ່ສຸດລືມບໍ່ໄດ້ຢູ່ໃນຫົວໃຈຖ້າບຸກຄົນໃດ ຫຼືພວກສ່ວນໃດບໍໍ່ນັບຖືພັກລັດກະເໝືອນບໍ່ນັບຖືພໍ່ແມ່ຂອງເຮົາເອງ ແລະຈະກະທຳອັນໃດບໍ່ຈະເລີນຫຼົງທາງຂາດສະຕິເຄົາລົບກົດໝາຍຮູ້ແຕ່ຢາກໄດ້ຢາກເອົາບໍ່ຮູ້ຜິດຖືກບໍ່ຮູ້ຕໍ່າຮູ້ສູງປະຈຸບັນສັງຄົມເຮົາມີກຸ່ມຄົນຈຳພວກນີ້ແມ່ນຍັງມີຫຼາຍສະນັ້ນ, ຈະເຮັດແນວໃດໃຫ້ສັງຄົມເຮົາມີຈຸດນີ້ໃຫ້ນ້ອຍລົງໄປເລື້ອຍໆ ຫຼືໃຫ້ໝົດໄປ.

ສະໜັບສະໜູນໂດຍ: HONDA

bbພັກ-ລັດ ປຽບສະເໝືອນເປັນຂື່ເປັນແປເປັນຮົ່ມໂພຮົ່ມໄຊເປັນຜູ້ນຳພາປະເທດຊາດ ແລະກ່ອນເຮົາຊິທຳມາຫາກິນສະດວກສະບາຍຄ້າຂາຍມີເງິນມີຄຳເມື່ອໄດ້ມາແລ້ວກໍຕ້ອງມີສ່ວນບິແບ່ງຄືນໃຫ້ສັງຄົມບິແບ່ງໃນທາງກົງ ຫຼືທາງອ້ອມໃຫ້ຜູ້ທຸກຈົນກວ່າເຮົາໃຫ້ເຂົ້າໄດ້ມີຊີວິດທີ່ດີຂຶ້ນ, ເວົ້ານ້ອຍເຮັດຫຼາຍ, ເວົ້າເລື່ອງ ຄອບຄົວພໍ່ ແລະ ແມ່ແມ່ນຕ້ອງການລູກເປັນຄົນດີຖ້າຄອບຄົວໃດມີລູກໃຈໃຫຍ່ພໍ່ແມ່ກໍມີຄວາມສຸກລູກຜູ້ໃດໃຈນ້ອຍຄັບແຄບຢາກໄດ້ເອົາລັດປຽບນ້ອງອ້າຍພໍ່ແມ່ກໍເຈັບຫົວພັກ-ລັດ ກໍເຊັ່ນດຽວກັນຢາກໄດ້ນັກທຸລະກິດຊື່ສັດຕໍ່ພັກຕໍ່ລັດຜູ້ເຮັດແທ້ທຳຈິງມາພັດທະນາປະເທດຊາດຈຶ່ງຈະຈະເລີນກ້າວໜ້າສະນັ້ນ, ຈື່ງຂໍຝາກໃຫ້ນັກທຸລະກິດເຮັດຫຍັງໃຫ້ມີສະຕິສຳລັບຂ້າພະເຈົ້າແມ່ນຮູ້ເຫັນແຈ້ງແລ້ວ.

ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວຄົບຮອບ 65 ປີນີ້ (22 ມີນາ 1955-22 ມີນາ 1956) ຊຶ່ງພັກເກີດກ່ອນຂ້າພະເຈົ້າພຽງ 1 ປີ ກໍຂໍຕາງໜ້າໃຫ້ກຸ່ມບໍລິສັດກໍຄືຄົນລາວທຸກໆຄົນອວຍພອນໄຊອັນປະເສີດໃຫ້ແກ່ທ່ານຜູ້ນຳພັກ-ລັດ ຈົ່ງມີສຸຂະພາບເຂັ້ມແຂງສືບຕໍ່ຊີ້ນຳໆພາພັດທະນາປະເທດຊາດໃຫ້ຈະເລີນກ້າວ ໜ້າຕໍ່ໄປໃນອະນາຄົດ.

แชร์