ນັກສຶກສາ ມສ ສຳເລັດການຫັດແອບວິຊາ ປກຊ-ປກສ

 ເມື່ອບໍ່ດົນມານີ້, ທີ່ສະໜາມ ຍິງປືນໜອງໂກ່ມ ໄດ້ມີການສະຫຼຸບວຽກງານສຶກສາປ້ອງກັນຊາດ-ປ້ອງກັນຄວາມສະຫງົບຂອງນັກສຶກສາມະຫາວິທະຍາໄລສະຫວັນນະເຂດ ປະຈຳສົກປີ 2020, ເຂົ້າຮ່ວມໃນພິທີມີທ່ານ ສຸລິຍົງ ໄຊໂກ ສີ ຮັກສາການອະທິການບໍດີມະຫາວິທະຍາໄລສະຫວັັນນະເຂດ,ທ່ານ ພັທ ຄຳເພັດ ໄຊຍະສີຍາ ຫົວໜ້າພະແນກການທະຫານທ້ອງ ຖິ່ນກອງບັນຊາການທະຫານແຂວງ ສະຫວັນນະເຂດ, ມີພະນັກງານວິ ຊາການ ແລະນັກສຶກສາເຂົ້າຮ່ວມ.

  ການອົບຮົມ-ຫັດແອບວິຊາ ປ້ອງກັນຊາດປ້ອງກັນຄວາມສະຫງົບຂອງມະຫາວິທະຍາໄລສະຫວັນນະເຂດ ໄດ້ເລີ່ມຕົ້ນແຕ່ວັນ ທີ 24 ກຸມພາ 2020-14 ມີນາ 2020 ໂດຍດຳເນີນໄປເປັນເວລາ 15 ວັນເຕັມ ແລະ1 ວັນຍິງປືນ ແທ້ໃນນີ້,ນັກສຶກທີ່ເຂົ້າຮ່ວມຝຶກອົບຮົມຫັນແອບມີທັງໝົດ 874 ຄົນ ຊຶ່ງໄດ້ສຶກສາພາກການເມືອງເປັນຕົ້ນແມ່ນວິຊາຄວາມໝາຍ, ຄວາມສຳຄັນຂອງວຽກງານປ້ອງກັນຊາດ-ປ້ອງກັນຄວາມສະຫງົບ, ມູນເຊື້ອຂອງກອງທັບປະຊາຊົນ ລາວໃຕ້ຮົ່ມທຸງປະຕິວັດ, ຍຸດທະສາດຕ້ານການຫັນປ່ຽນ ໂດຍສັນຕິ ຂອງສັດຕູ  ແລະກຸ່ມຄົນບໍ່ດີ, ຄວາມຮູ້ພື້ນຖານກ່ຽວກັບເສດຖະກິດ-ປ້ອງກັນຊາດ, ມູນເຊື້ອກຳລັງປ້ອງ ກັນຄວາມສະຫງົບປະຊາຊົນ, ແນວ ທາງກຳລັງປ້ອງກັນຄວາມສະ ຫງົບຮອບດ້ານ, ການກວດກາ ຄວາມປອດໄພ ແລະອັກຄີໄພ  ແລະ ການກໍ່ສ້າງຮາກຖານພັດທະນາຊົນນະບົດຮອບດ້ານຕິດພັນກັບວຽກ ງານປ້ອງກັນຄວາມສະຫງົບ, ສ່ວນພາກສະໜາມໄດ້ຮຽນລະບຽບຮູບ ແຖວບຸກຄົນມືເປົ່າປະຈຳທີ່ ແລະ ເຄື່ອນທີ່ 20 ຈັງຫວະ ແລະ8 ຈັງຫວະ, ຄຸນຄ່າສະມັດຕະພາບ, ການປະກອບສ້າງຂອງປືນອາກາ (AK) ແລະເຊກາເຊ (CKC), ຄວາມຮູ້ພື້ນຖານກ່ຽວກັບໝາກແຕກ (ລະເບີດມື), ທ່າຍິງປືນທະຫານລາບ 4 ທ່າ ແລະທິດສະດີຫຼັກການຍິງປືນ,ບົດເປີດສາກປືນ AK, CKC ຜ່ານການອົບຮົມ-ຫັດແອບສາມາດປະເມີນໄດ້ດັ່ງນີ້: ພາກການເມືອງ 80%, ຮູບແຖວ 80%, ສິນລະປະຍຸດ 80%, ຍຸດທະວິທີ 80% ແລະ ຍິງປືນແທ້.

--------

ໜັງພິມເສດຖະກິດ-ສັງຄົມ

แชร์