ນັກຮຽນ ມສ ທ່າແຕງ ໄດ້ຮັບການສັກຢາປ້ອງກັນພະຍາດ

 ຫ້ອງການສາທາລະນະສຸກ ເມືອງທ່າແຕງ ແຂວງເຊກອງ ຮ່ວມກັບຄູ່ຮ່ວມພັດທະນາຈັດພິທີເປີດຂະບວນການສັກຢາວັກແຊງ ປ້ອງກັນພະຍາດມະເຮັງປາກມົດລູກໃຫ້ເດັກຍິງໃນວັນທີ 17 ມີນາ ຜ່ານມາ ທີ່ໂຮງຮຽນ ມສ ທ່າແຕງ ໂດຍການເປັນປະທານຂອງທ່ານ ກໍລະກັນ ບຸດສະບາ ຫົວໜ້າຫ້ອງ ກາສາທາລະນະສຸກເມືອງ, ທ່ານ ນາງ ຫຼ່ຽມ ຈຳປາ ຄະນະຫ້ອງ ການສຶກສາທິການ ແລະກີລາເມືອງ, ທ່ານປີ່ນແກ້ວ ຈອມຈັນ ທະສິງ ຮອງອຳໜວຍໂຮງຮຽນ ສມ ທ່າ ແຕງ ພ້ອມດ້ວຍພະນັກງານຄູ-ອາຈານ,  ແພດ-ໝໍ  ແລະນ້ອງນັກຮຽນ ເຂົ້າຮ່ວມ.

  ທ່ານ ກໍລະກັນ ບຸດສະບາ ຫົວ ໜ້າຫ້ອງການສາທາລະນະສຸກ ເມືອງທ່າແຕງ ກ່າວວ່າ:ການເປີດ ຂະບວນການສັກຢາວັກແຊງກໍເພື່ອ ຕ້ານ ແລະສະກັດກັ້ນພະຍາດມະເຮັງປາກມົດລູກ (HPV) ຂອງ ແມ່ຍິງ ແລະເດັກຍິງທົ່ວເມືອງທ່າ ແຕງໃນກຸ່ມເປົ້າໝາຍ 1 ອາຍຸ 10-14 ປີ ຊຶ່ງເປັນປັດໄຈສຳຄັນທີ່ສາ ມາດປ້ອງກັນພະຍາດມະເຮັງປາກ ມົດລູກ (HPV) ແລະຈະຊ່ວຍຕັດ ວົງຈອນຂອງພະຍາດທີ່ເກີດຂຶ້ນໃນ ເພດຍິງ ແລະເປັນໜຶ່ງວິທີໃນການ ປ້ອງກັນພະຍາດທີ່ມີປະສິດທິຜົນ ສູງເພື່ອສ້າງພູມຄຸ້ມກັນໃຫ້ແກ່ເຂົາເຈົ້າໄດ້ມີສຸະຂະພາບແຂງແຮງ ໂດຍລວມໃນແຕ່ລະປີພົບວ່າແມ່ຍິງ ລາວໃນທົ່ວປະເທດມີອັດຕາການ ເກີດພະຍາດມະເຮັງປາກມົດລູກ ຈຳນວນ 320 ຄົນ ໃນນັ້ນໄດ້ເສຍ ຊີວິດແລ້ວ 172 ຄົນ ຊຶ່ງເຫັນວ່າ ການເກີດພະຍາດດັ່ງກ່າວນັບມື້ມີອັດຕາເພີ່ມຂຶ້ນ.

ພາຍຫຼັງສໍາເລັດການເປີດຂະບວນການສັກຢາວັກແຊງໃຫ້ເດັກ ຍິງໃນກຸ່ມເປົ້າໝາຍຢູ່ໂຮງຮຽນ ມສ ທ່າແຕງ ໃນຄັ້ງນີ້ແລ້ວຈະສືບຕໍເຄື່ອນໄຫວກິດຈະກຳດັ່ງກ່າວໃຫ້ແກ່ເດັກຍິງບັນດາໂຮງຮຽນ ແລະບ້ານໃນທົ່ວເມືອງໃຫ້ໄດ້ຢ່າງທົ່ວເຖິງ.

--------

ໜັງສືພິມເສດຖະກິດ-ສັງຄົມ

แชร์