ມ.ປາຍໂພນໄຊ ຫວນຄືນມູນເຊື້ອ ວັນແມ່ຍິງສາກົນ

  ໜ່ວຍສະຫະພັນແມ່ຍິງ ໂຮງຮຽນມັດທະຍົມສຶກສາຕອນ ປາຍ (ມ.ປາຍ) ໂພນໄຊເມືອງສາ ມັກຄີໄຊແຂວງອັດຕະປື ໄດ້ຈັດພິ ທີປະທະກະຖາຫວນຄືນມູນເຊື້ອ ວັນແມ່ຍິງສາກົນ ຄົບ 110 ປີ (8 ມີນາ 1910-8 ມີນາ 2020) ພ້ອມສະຫຼຸບຕີລາຄາຄືນຜົນການ ຈັດຕັ້ງປະຕິບັດວຽກງານໃນໄລ ຍະ 1 ປີຜ່ານມາ ແລະທິດທາງ ແຜນວຽກໃນໄລຍະຕໍ່ໜ້າ ແລະ ຍັງຈັດໃຫ້ມີການສະແດງສີລະປະ-ວັນນະຄະດີບົດຟ້ອນນ້ອງນັກຮຽນ,ກິດຈະກໍາຖາມ-ຕອບຄວາມຮູ້ກ່ຽວ ກັບວັນທີ 8 ມີນາ ເປັນການສະເຫຼີມສະຫຼອງວັນແມ່ຍິງສາກົນຄົບຮອບ 110 ປີ ໃຫ້ເຕັມໄປດ້ວຍ ຄວາມໝາຍຄວາມສຳຄັນຢ່າງ ເລິກເຊິ່ງ ແລະໃຫ້ມີບັນຍາກາດຄຶກຄື້ນ ແລະເບີກບານມ່ວນຊື່ນ.

ພິທີດັ່ງກ່າວໄດ້ມີຂຶ້ນເມື່ອບໍ່ດົນ ມານີ້ ທີ່ເດີ່ນໂຮງຮຽນ ມ.ປາຍ ໂພນໄຊ ໂດຍພາຍໃຕ້ການເປັນປະ ທານຂອງທ່ານ ບຸນແຖັດ ພອງ ກ່ອງແກ້ວ ຄະນະພັກຮາກຖານ ຫ້ອງການສຶກສາທິການ ແລະກີ ລາເມືອງ, ຜູ້ອໍານວຍການໂຮງ ຮຽນ ມ.ປາຍໂພນໄຊ, ມີທ່ານ ນາງ ພອນດາຄີ ອຸດົມແສງ ຄະນະໜ່ວຍແມ່ຍິງໂຮງຮຽນ, ສະມາຊິກ ແມ່ຍິງທີ່ເປັນຄູ-ອາຈານ, ຄູ-ອາ ຈານ  ແລະນ້ອງນັກຮຽນເຂົ້າຮ່ວມ.

ທ່ານ ນາງ ພອນດາຄີ ອຸດົມ ແສງ ຄະນະໜ່ວຍແມ່ຍິງໂຮງຮຽນໄດ້ເລົ່າຄືນມູນເຊື້ອປະຫວັດຄວາມ ເປັນມາຂອງວັນແມ່ຍິງສາກົນ, ໂດຍໄດ້ຍົກໃຫ້ເຫັນການກໍາເນີດຂອງວັນແມ່ຍິງສາກົນ, ຊຶ່ງແມ່ນເຫດການທາງດ້ານການເມືອງ ທີ່ສໍາຄັນ, ເປັນຂີດໝາຍແຫ່ງໄຊ ຊະນະຂອງຂະບວນການແມ່ຍິງ ສາກົນໃນການຕໍ່ສູ້ທວງເອົາສິດ, ຜົນປະໂຫຍດອັນຊອບທໍາໃຫ້ແກ່  ແມ່ຍິງຊາວຜູ້ອອກແຮງງານໃນ ທົ່ວໂລກ, ເປັນວັນລະນຶກເຖິງຄຸນ ງາມຄວາມດີຂອງບັນດາແມ່ຍິງ ທີ່ໄດ້ຕໍ່ສູ້ເພື່ອປົດປ່ອຍຕົນເອງ  ແລະ ທວງເອົາສິດສະເໝີພາບປະຊາທິປະໄຕ, ທວງໃຫ້ພວກນາຍທຶນແກ້ ໄຂຊີວິດການເປັນຢູ່ຂອງແມ່ຍິງ ເຮັດວຽກມື້ລະ 8 ຊົ່ວໂມງ ແລະ ເຮັດວຽກຄືກັນ ໄດ້ຮັບເງິນເດືອນ ເທົ່າກັນ, ຕ້ອງມີລະບອບປ້ອງກັນສຸຂະພາບຂອງແມ່ຍິງ ແລະເດັກ ນ້ອຍ, ຕ້ານສົງຄາມຮຸກຮານ, ປົກ ປັກຮັກສາສັນຕິພາບຂອງໂລກ, ນັບແຕ່ນັ້ນມາວັນທີ 8 ມີນາ ຈິ່ງ ເປັນວັນແມ່ຍິງສາກົນ, ໃນທຸກໆປີແມ່ຍິງໃນທົວ່ໂລກກໍ່ໄດ້ພ້ອມກັນ ສະເຫຼີມສະຫຼອງຢ່າງເປັນຂະບວນຟົດຟື້ນ ແລະກວ້າງຂວາງ.

  ໃນໂອກາດດຽວກັນທ່ານ ນາງ ສຸກກິດຕາ ສີກາວົງ ຄະນະຫນ່ວຍ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານຂອງໜ່ວຍສະຫະພັນແມ່ຍິງໂຮງຮຽນໃນໄລຍະ 1 ປີຜ່ານມາ ໂດຍຍົກໃຫ້ເຫັນຜົນສຳເລັດ ແລະດ້ານດີຫຼາຍດ້ານທີ່ໜ່ວຍ ສະຫະພັນແມ່ຍິງເຮັດໄດ້ເປັນຕົ້ນ ແມ່ນການເອົາໃຈໃສ່ ສຶກສາອົບຮົມ ການເມືອງນຳພາແນວຄິດ, ເຜີຍ ແຜ່ບັນດາເອກະສານກົດໝາຍ, ນິຕິກຳຕ່າງທີ່ສຳຄັນຕາມການຊີ້ນຳ ຂອງຂັ້ນເທິງໄດ້ເປັນຢ່າງດີ ແລະ ບັນດາສະມາຊິກແມ່ຍິງກໍໄດ້ມີການ ພັດທະນາທາງດ້ານແນວຄິດອຸດົມການໜັກແໜ້ນຕໍ່ໜ້າທີ່ວຽກງານທີ່ ພັກ-ລັດໄດ້ມອບໝາຍໃຫ້  ແລະຜົນສຳເລັດເປັນສ່ວນໃຫຍ່ຄຽງຄູ່ກັບ ການພັດທະນາເສດຖະກິດຄອບຄົວ ຕາມລະບຽບ, ກົດໝາຍ, ຮີດຄອງ ປະເພນີ ແລະວັດທະນະທຳອັນດີ ງາມຂອງແມ່ຍິງລາວ.

  ໃນຕອນທ້າຍພິທີທ່ານ ບຸນ ແຖັດ ພອງກ່ອງແກ້ວກໍ່ໄດ້ຍ້ອງຍໍ ຊົມເຊີຍຕໍ່ຜົນງານທີ່ຄະນະໜ່ວຍ ແມ່ຍິງພ້ອມສະມາຊິກທີ່ສາມາດ ຍາດມາໄດ້ໃນໄລຍະ 1 ປີຜ່ານມາ ພ້ອມທັງເນັ້ນໃຫ້ຄະນະໜ່ວຍແມ່ ຍິງສືບຕໍ່ເພີ່ມທະວີເອົາໃຈໃສ່ສຶກ ສາອົບຮົມການເມືອງແນວຄິດໃຫ້ ແກ່ສະມາຊິກແມ່ຍິງພາຍໃນໜ່ວຍ ທີ່ເປັນຄູ-ອາຈານ ແລະນ້ອງໆນັກຮຽນໃຫ້ມີຄວາມໜັກແໜ້ນ ແລະ ພ້ອມກັນປະຕິບັດ 3 ດີ ຂອງແມ່ຍິງ ລາວຄຽງຄູ່ກັບການປະຕິບັດ 3 ຂໍ້ ແຂ່ງຂັນ,3 ລັກສະນະ ແລະ 5 ຫຼັກມູນ ທີ່ກະຂວງສຶກສາທິການ ແລະກີລາວາງອອກໃຫ້ຜົນສຳເລັດຫຼາຍຂຶ້ນກວ່າເກົ່າ.

-------

ໜັງສືພິມເສດຖະກິດ-ສັງຄົມ

แชร์