ປະກາດ ການຈັດຕັ້ງຮອງຫົວໜາ້ຫ້ອງການກະສິກໍາ ແລະປ່າໄມ້

 ພິທີປະກາດການຈັດຕັ້ງ ຮອງຫົວໜ້າຫ້ອງການກະສິກໍາ ແລະ ປ່າໄມ້ນະຄອນໄກສອນ ພົມວິຫານ ໄດ້ມີຂຶ້ນໃນ ຕອນບ່າຍຂອງວັນທີ 13 ມີນາ 2020 ທີ່ຫ້ອງການດັ່ງກ່າວ ພາຍຫຼັງທີ່ມີຂໍ້ຕົກລົງຢ່າງເປັນທາງ ການຂອງທ່ານເຈົ້ານະຄອນໄກສອນ ພົມວິຫານ ທັງນີ້ກໍເພື່ອເຮັດໃຫ້ການ ຊີ້ນໍາໆພາໃນຂົງເຂດວຽກງານການພັດທະນາກະສິກໍາ ແລະປ່າໄມ້ຕິດ ພັນກັບການຜະລິດເປັນສິນຄ້າ ແລະແກ້ໄຂ້ຄວາມທຸກຍາກຂອງປະຊາຊົນ.

ໃນນີ້ ໄດ້ເຫັນດີປະກາດທ່ານ ຈະເລີນພອນ ປ້ອງວົງສາ ແລະທ່ານ ຄໍາພາ ເພື້ອຍພິລາຍົນ ເປັນຮອງຫົວໜ້າຫ້ອງການ ກະສິກໍາ ແລະປ່າໄມ້ນະຄອນ ໄກສອນ ພົມວິຫານ, ມີບັນດາສະຫາຍສະມາຊິກພັກພາຍໃນຫ້ອງການກະ ສິກໍາ ແລະປ່າໄມ້ນະຄອນເຂົ້າຮ່ວມ.

 ຊຶ່ງຜ່ານມາ ທ່ານ ຈະເລີນ ພອນ ປ້ອງວົງສາ ແລະທ່ານ ຄໍາພາ ເພື້ອຍ ພິລາຍົນ ປະຕິບັດໜ້າທີ່ວຽກງານວິຊາສະເພາະດ້ວຍຄວາມຮັບຜິດຊອບສູງ ແລະເຮັດສໍາເລັດເປັນທີ່ຮັກສາ ໄດ້ຄວາມສາມັກຄີພາຍໃນທຸກ ການປະຕິບັດໜ້າທີ່ວຽກວິຊາສະເພາະແມ່ນສ້າງຄວາມໄວ້ເນື້ອເຊື່ອໃຈມະຫາ ຊົນໄດ້ດີ ແລະເຄີຍໄດ້ເປັນຫົວໜ້າໜ່ວຍງານຊົນລະປະທານ ແລະທ່ານ ຄໍາພາ ເພື້ອຍພິລາຍົນ ເຄີຍເປັນຫົວໜ້າໜ່ວຍງານພັດທະນາຊົນນະບົດ ແລະສະຫະກອນມາໄດ້ຫຼາຍປີ.

ທ່ານ ປອ ແສງທອງ ວັງ ແກ້ວມະນີ ເຈົ້ານະຄອນໄກສອນ ພົມວິຫານ, ທ່ານ ຄໍາແສງ ສໍພາບມີໄຊ ຮອງຫົວໜ້າພະແນກກະສິກໍາ ແລະປ່າໄມ້ ແຂວງມີຄໍາເຫັນ: ການປະກາດການຈັດຕັ້ງຮອງຫົວໜ້າຫ້ອງການໃນຄັ້ງນີ້ກໍເພື່ອເປັນການເຮັດໃຫ້ວິໄສທັດຂອງການພັດທະນາໃນຂົງເຂດ ກະສິກໍາພາຍໃນນະຄອນທີ່ວ່າ:ຈະສົ່ງເສີມການຜະລິດເປັນສິນຄ້າ, ສຸມ ໃສ່ພັດທະນາກະສິກໍາຕາມທິດສະອາດ, ດ້ວຍການຫັນໄປສູ່ຂະບວນການ ຜະລິດທີ່ກ້າວໜ້ານໍາໃຊ້ວິທະຍາສາດເຕັກນິກໃໝ່ ແລະກົນຈັກທີ່ທັນສະໄຫມ ຍົກສູງສະມັດຕະພາບການຜະລິດນາປີ, ນາແຊງ, ຜະລິດເຂົ້າໃຫ້ຫຼາຍປູກ ພຶືດພັນທັນຍາຫານ, ພືດອຸດສາຫະກໍາ ແລະລ້ຽງສັດໃຫ້ແຜ່ຫຼາຍທັງຂາຍ ເປັນສິນຄ້າພາຍໃນ ແລະສົ່ງອອກຕ່າງປະເທດ.

-------

ໜັງສືພິມເສດຖະກິດ-ສັງຄົມ

• 23/03/2020