ສາທາຢືນຢັນ ຜູ້ສັງໃສຕິດເຊື້ອໂຄວິດ 19 ທີ່ມາທຽ່ວຢູ່ຫຼວງພະບາງ ບໍ່ພົບເຊື້ອ

 ຈາກແຫຼ່ງຂ່າວສື່ສັງຄົມ ອອນລາຍທີ່ໄດ້ໂພສລົງເທິງໂຊຊຽວເນັດເວິກ ແລະເວົ້າຕ່າງໆນາໆ ວ່າມີຜູ້ຕິດເຊື້ອພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼື COVID -19 ໄດ້ເຂົ້າມາທ່ຽວຢູ່ຫຼວງພະບາງ ໄດ້ເຮັດໃຫ້ ສັງຄົມເກີດຄວາມແຕກຕື່ນ ແລະ ຢ້ານກົວ ເກີດມີຫາງສຽງຈົ່ມວ່າ ໜ່ວຍງານຈັດຕັ້ງປະຕິບັດໜ້າທີ່ສະເພາະກິດສະກັ້ດກັ້ນການລະບາດພະຍາດບໍ່ໄດ້ເອົາໃຈໃສ່ກວດ ຄວາມເຂັ້ມງວດ.

  ຕໍ່ກັບຫາງສຽງດັ່ງກ່າວ ທ່ານ ດຣ ຄໍາສອນ ພົງສະຫວັດດີ ຫົວໜ້າພະແນກສາທາລະນະສຸກ ແຂວງຫຼວງພະບາງ, ທັງເປັນຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດ ຂອງໂຄວິດ-19 ຂັ້ນແຂວງ ໄດ້ຊີ້ ແຈງຕໍ່ທີມຂ່າວພວກເຮົາເມື່ອຕອນ ບ່າຍຂອງວັນທີ 16 ມິນາ 2020 ນີ້ວ່າ: ພາຍຫຼັງທີ່ຮູ້ຂ່າວວ່າພະຍາດ ທີ່ເກີດຂຶ້ນໃນເມືອງອູຮັ້ນ ແຂວງ ຫູເປ່ິຍ ສປ ຈີນ ແລະມີການລະບາດ ຢ່າງຮ້າຍແຮງ ແລະແຜ່ລາມອອກ ໄປເປັນວົງກວ້າງໃນຫຼາຍໆປະ ເທດທົ່ວໂລກທາງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງ ໂຄວິດ-19 ຂັ້ນແຂວງກໍໄດ້ຈັດກອງປະຊຸມ ຢ່າງຮີບດ່ວນ ເພື່ອຄວບຄຸມ ແລະ ໄດ້ວາງແຜນ, ກຽມພ້ອມຮັບມືຕໍ່ພະຍາດດັ່ງກ່າວຍ່າງຮີບດ່ວນ, ມີ ການກວດກາ, ວາງມາດຕະການ ໃນການປະຕິບັດເພື່ອສະກັດກັ້ນ ຢ່າງເຄັ່ງຂັດ ເປັນຕົ້ນກໍແມ່ນຈຸດ ດ່ານກວດຢູ່ສະໜາມບິນສາກົນ ແຂວງຫຼວງພະບາງ ໂດຍໄດ້ແຕ່ງ ຕັ້ງໃຫ້ມີແພດປະຈໍາການຕະຫຼອດ ເວລາ ສໍາລັບນັກທ່ອງທ່ຽວມາ ທາງເຮືອແມ່ນທາງແຂວງບໍ່ແກ້ວ ທາງຄະນະສະເພາະກິດເພື່ອປ້ອງກັນ,ຄວບຄຸມ ແລະແກ້ໄຂການລະບາດຂອງໂຄວິດ-19 ຂັ້ນແຂວງໆ ບໍ່ແກ້ວເປັນຜູ້ກວດຈຶ່ງໃຫ້ຜ່ານລົງ ມາແຂວງຫຼວງພະບາງ, ສໍາລັບ ມານໍາທາງແມ່ນຕ້ອງຜ່ານການ ກວດຢູ່ດ່ານຈຸດສຸມຈຶ່ງໃຫ້ຜ່ານມາ ສ່ວນດ່ານນ້ອຍແມ່ນໄດ້ສັ່ງປິດ ແລ້ວ.

  ປັດຈຸບັນພະແນກສາທາລະນະສຸກຫຼວງພະບາງໄດ້ຮັບ ເຄື່ອງກວດພະຍາດໂຄວິດ-19 ແລະ ສາມາດຮັບຮູ້ຜົນກວດໄດ້ພາຍໃນ 4 ຊົ່ວໂມງ ໂດຍບໍ່ໄດ້ສົ່ງຜົນກວດ ໄປວິໄຈຢູ່ນະຄອນຫຼວງວຽງຈັນ ເພື່ອລໍຖ້າເປັນເວລາໜຶ່ງວັນຄືເມື່ອ ກ່ອນ ແລະວ່າງບໍ່ດົນມານີ້ຕໍ່ກັບບັນຫາທີ່ຫຼາຍຄົນຊ່າລືກັນທາງ ສັງຄົມອອນລາຍວ່າ ມີນັກທ່ອງ ທ່ຽວຊາວອັງກິດຈໍານວນໜຶ່ງ ທີ່ຕິດເຊື້ອ COVID-19 ຂຶ້ນສາຍ ການບິນຈາກຫວຽດນາມມາລົງຢູ່ຫຼວງພະບາງໄດ້ເຮັດໃຫ້ສັງຄົມ ເກີດຄວາມແຕກຕື່ນ ແລະຍ້ານກົວ ເກີດມີຫາງສຽງຈົ່ມວ່າໜ່ວຍງານ ຈັດຕັ້ງປະຕິບັດໜ້າທີ່ສະເພາະກິດສະກັ້ດກັ້ນການລະບາດພະຍາດບໍ່ ໄດ້ ເອົາໃຈໃສ່ກວດຄວາມເຂັ້ມງວດ ຕໍ່ກັບເລື່ອງນີ້ທາງຄະນະສະເພາະກິດໄດ້ເຂັ້ມງວດແນ່ນອນໃນການກວດນັກທ່ອງທ່ຽວເຂົ້ມມາຫຼວງ ພະບາງ ແລະນັກທ່ອງທ່ຽວຜູ້ສົງ ໄສທີ່ມາທ່ຽວຢູ່ຫຼວງພະບາງນັ້ນມີຈໍານວນ 5 ຄົນ, ຜ່ານການກວດນັກ ທ່ອງທ່ຽວຈໍານວນດັ່ງກ່າວແມ່ນມີຜົນລົບບໍ່ພົບເຊື້ອໂຄວິດ-19 ແລະ ສຸຂະພາບແຂງແຮງປົກກະຕິດີປະຈຸບັນນັກທ່ອງທ່ຽວດັ່ງກ່າວແມ່ນ ເດີນທາງດ້ວຍລົດໄປທ່ຽວຢູ່ນະ ຄອນຫຼວງວຽງຈັນແລ້ວ ແລະ ສ່ວນເລື່ອງຂ່າວລືຕ່າງໆທີ່ວ່າ ມີ ນັກທ່ອງທ່ຽວຈາກຫວຽດນາມ ທີ່ຕິດເຊື້ອໜີເຂົ້າມາແຂວງຫຼວງພະບາງແມ່ນບໍ່ມີມູນຄວາມຈິງ ແລະ ອີກຂ່າວລືທີ່ວ່າ ມີປະຊາຊົນຊາວ ເຜົ່າມົ້ງຢູ່ບ້ານຫາດຮ່ຽນ ກັບຈາກ ສປ ຈີນ ແລ້ວວ່າຕົນເອງຕິດເຊື້ອ ໂຄວິດ-19 ຜ່ານການກວດສອບ ແລ້ວແມ່ນບໍ່ມີຄວາມຈິງ ເພາະເປັນ ພຽງການຕົວະຂອງຜູ້ກ່ຽວທີ່ຮູ້ເທົ່າ ບໍ່ເຖິງການເວົ້າຍອກໃສໝູ່ຫຼິ້ນຊື່ໆ ຊຶ່ງປະຈຸບັນນີ້ຜູ້ກ່ຽວກໍໄດ້ຖືກດໍາ ເນີນຄະດີຕາມກົດໝາຍແລ້ວ.

  ພ້ອມນີ້ ທ່ານຫົວໜ້າພະແນກຍັງໄດ້ຮຽກຮ້ອງໃຫ້ພໍ່ແມ່ປະຊາຊົນພາຍໃນແຂວງຫຼວງພະບາງ ບໍ່ໃຫ້ແຕກຕື່ນຕໍ່ຂ່າວລື, ໃຫ້ມີສະຕິ ຢ່າເຊື່ອຂ່າວປອມທີ່ໂພສລົງທາງ ອອນລາຍ ແລະໃຫ້ທຸກໆຄົນ ໃຫ້ມີ ພັນທະຕໍ່ສັງຄົມ, ມີຄວາມຮ່ວມມືຊ່ວຍກັນເພື່ອຕ້ານຕໍ່ບັນຫາທີ່ເກີດ ຂຶ້ນ ແລະພະຍາຍາມຫຼີກລ່ຽງ ບໍ່ໃຫ້ ໄປເຂດທີ່ສ່ຽງຕິດເຊື້ອພະຍາດ, ບໍ່ຄວນຢູ່ບ່ອນຊຸມຊົນໜາແໜ້ນ ແອອັດ, ບໍ່ຄວນກິນສັດຕາຍ; ຄວນ ລ້າງມືໃຫ້ສະອາດ, ໃສ່ໜ້າກາກ ຫຼື ຜ້າປິດປາກ, ພັກຜ່ອນໃຫ້ພຽງພໍ ແລະຫຼິ້ນກີລາ, ອອກກໍາລັງຢ່າງ ກາຍສະໜໍ່າສະເໝີເພື່ອໃຫ້ຮ່າງ ກາຍແຂງແຮງ ແລະພະຍາດດັ່ງ ກ່າວກໍບໍ່ສາມາດເຂົ້າສູ່ຮ່າງກາຍຂອງເຮົາໄດ້.

 ------

ຂ່າວ: ສີສຸວັນ  

แชร์