ສໍາເລັດກອງປະຊຸມໃຫ່ຍຄັ້ງທີ VIII ຜູ້ແທນຊາວໜຸ່ມແຂວງຫຼວງນໍ້າທາ

   ວັນທີ 16-17 ມີນາ 2020 ນີ້ ທີ່ສະໂມສອນແຂວງຫຼວງນໍ້າທາ ໄດ້ສໍາເລັດກອງປະຊຸມໃຫຍ່ຜູ້ແທນ ຊາວໜຸ່ມແຂວງຫຼວງນ້ຳທາຄັ້ງທີ VIII, ໂດຍການເປັນປະທານ ສະຫາຍ ວົງມະນີ ເພື່ອປະຊາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ເລຂາຄະນະບໍລິຫານງານຊາວໜຸ່ມແຂວງ, ມີສະຫາຍ ເພັດຖາວອນ ພິລະວັນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫຼວງນ້ຳທາ, ສະຫາຍ ອາລຸນໄຊ ສູນນະລາດ ກຳມະການ ສຳຮອງສູນກາງພັກ ເລຂາຄະນະພັກ ຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ, ມີກຳມະການປະຈຳພັກແຂວງ, ກໍາມະການພັກແຂວງ,3 ອົງການຈັດຕັ້ງ ມະຫາຊົນ, ອາດີດຄະນະບໍລິຫານ ງານຊາວໜຸ່ມ, ເລຂາຄະນະບໍລິ ຫານງານຊາວໜຸ່ມແຂວງອຸດົມໄຊ, ຜົ້ງສາລີ ແລະແຂວງບໍ່ແກ້ວ ພ້ອມ ດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

  ສະຫາຍ ວົງມະນີ ເພື່ອປະຊາຄະນະບໍລິຫານງານສູນກາງຊາວ ໜຸ່ມປະຊາຊົນປະຕິວັດລາວ ເລ ຂາຄະນະບໍລິຫານງານຊາວໜຸ່ມ ແຂວງ, ໄດ້ຜ່ານບົດລາຍງານການ ເມືອງໃນໄລຍະ 5 ປີຜ່ານມາ ແລະ ທິດທາງແຜນການ 5 ປີຕໍ່ໜ້າປີ 2020-2025 ໃນໄລຍະ 5 ປີຜ່ານ ມາການຈັດຕັ້ງຄະນະຊາວໜຸ່ມປະຊາຊົນປະຕິວັດລາວ ແຂວງຫຼວງ ນໍ້າທາແຕ່ລະຂັ້ນໄດ້ຮັບການປັບປຸງ, ມີຄວາມໜັກແໜ້ນ ແລະເຂັ້ມ ງວດຂຶ້ນ ຊຶ່ງສະແດງອອກໃນການ ປັບປຸງກົງຈັກການຈັດຕັ້ງຂັ້ນ ແຂວງ ຈາກ 8 ຂະແໜງມາເປັນ 5 ຂະແໜງ ແລະ 1 ຫ້ອງການ, ຂັ້ນ  ເມືອງມີ 5 ໜ່ວຍງານມາເປັນ 3 ໜ່ວຍງານ, ຄະນະບໍລິຫານງານຊາວ ໜຸ່ມແຂວງຫຼວງນໍ້າທາ ມີ 23 ສະຫາຍ, ຍິງ 4 ສະຫາຍ, ໄດ້ຊີ້ນໍາ- ນໍາພາດໍາເນີນກອງປະຊຸມໃຫຍ່ຜູ້ ແທນຊາວໜຸ່ມຂັ້ນເມືອງ, ຄະນະ ຮາກຖານ ແລະໜ່ວຍຊາວໜຸ່ມ ຮາກຖານໃນທົ່ວແຂວງໄດ້ 100%  ທົ່ວແຂວງມີຊາວໜຸ່ມໃນເກນອາຍຸ ( 15 ຫາ 35 ປີມີ 71.418 ສະ ຫາຍ, ຍິງ 35.206 ສະຫາຍ, ເປັນສະມາຊິກຊາວໜຸ່ມ 30.248 ສະຫາຍ, ຍິງ 13.137 ສະຫາຍ, ຜ່ານການຈັດຕັ້ງປະຕິບັດວຽກງານ ຜ່ານມາໄດ້ມີບຸກຄົນ ແລະນິຕິບຸກ ຄົນທີ່ໄດ້ມີຜົນງານປະກອບສ່ວນ ເຂົ້າໃນວຽກງານຊາວໜຸ່ມ-ເຍົາ ວະຊົນ, ໄດ້ຮັບຫຼຽນໄຊ 26 ໜ່ວຍ, ຫຼຽນກາ 130 ໜ່ວຍ, ໃບຍ້ອງ ຍໍຂັ້ນຕ່າງໆ 36.648 ໃບ, ຂັ້ນ ສູນກາງ 28.706 ໃບ, ໃບຍ້ອງ ຍໍຂອງທ່ານເຈົ້າແຂວງ116 ໃບ ແລະໃບຍ້ອງຍໍຂອງຄະນະບໍລິຫານ ງານຊາວໜຸ່ມແຂວງ7.826 ໃບ, ໃນທົ່ວແຂວງຫຼວງນໍ້າທາ, ມີ ເຍົາວະຊົນ 19.405 ນ້ອງ, ຍິງ 9.317 ນ້ອງ, ສະມາຊິກເຍົາວະຊົນທັນວາ 12.534 ນ້ອງ, ຍິງ 6,295 ນ້ອງ ແລະມີກອງເຍົາ ວະຊົນທັນວາ 126 ກອງ, 417 ໜວດ, 1.253 ໜູ່ ໃນນີ້ມີກອງເຍົາວະຊົນທັນວານໍາໜ້າ 8 ກອງ, ມີໄວ ອານຸຊົນທັງໜົດ 10.919 ນ້ອງ,ມີສະມາຊິກອານຸຊົນ 5.870 ນ້ອງ, ຍິງ 3.078 ນ້ອງກວມເອົາ 60% ຂອງໄວອານຸຊົນທັງໝົດ ຍົກສູງ ໃນການຊີ້ນໍາໆພາ ແລະເປັນເຈົ້າການປະກອບສ່ວນຢາງຕັ້ງໜ້າເຂົ້າໃນການຈັດຕັ້ງປະຕິບັດຂໍ້ແຂງຂັນ 4 ບຸກ ຄະນະຊາວໜຸ່ມ ປະຊາຊົນ ປະຕິບັດລາວ 5 ເມືອງຂອງແຂວງ ຫຼວງນໍ້າທາໄດ້ປະກາດຮັບຮອງ ເປັນຄະນະຊາວໜຸ່ມປະຊາຊົນ ປະຕິບັດລາວ 4 ບຸກ, 622 ໜ່ວຍ ແລະ 97 ຄະນະຊາວໜຸ່ມຮາກຖານ.

 ທິດທາງແຜນການ 5 ປີຕໍ່ໜ້າ ຈະສືບຕໍ່ ສຶກສາອົບຮົມດ້ານການ ເມືອງນໍາພາແນວຄິດໃຫ້ແກ່ຊາວ ໜຸ່ມ-ເຍົາວະຊົນທັນວາໃຫ້ໄດ້ 95% ຂຶ້ນໄປ,ສືບຕໍ່ວຽກງານກໍ່ ສ້າງ ແລະປັບປຸງການຈັດຕັ້ງ,ສ້າງໜ່ວຍຊາວໜຸ່ມ4 ບຸກໃຫ້ໄດ້ 80% ຂື້ນໄປ ແລະຂະຫຍາຍສະມາຊິກຊາວໜຸ່ມໃຫ້ໄດ້15ຫາ20%ຂະຫຍາຍສະມາຊິກເຍົາວະຊົນໃຫ້ໄດ້ 13.000 ນ້ອງ,ອານຸ ຊົນທັນວາໃຫ້ໄດ້ 7.000 ນ້ອງ ເລື່ອນສະມາຊິກເຍົາວະຊົນທັນວາ ຂຶ້ນເປັນສະມາຊິກຊາວໜຸ່ມ 6.500 ສະຫາຍ, ຂະຫຍາຍກອງເຍົາວະຊົນ 3 ດີ 4 ຮູ້ໃຫ້ໄດ້ 10 % ຂະຫຍາຍ ກອງເຍົາວະຊົນໃຫ້ໄດ້ 20% ຂະຫຍາຍການຈັດຕັ້ງເຍົາວະຊົນ ໄປຍັງໂຮງຮຽນທີ່ຍັງບໍ່ທັນມີການ ຈັດຕັ້ງໂຮງຮຽນຂາວໃຫ້ໄດ້ 30 ແຫ່ງ ກອງປະຊຸມໄດ້ປ່ອນບັດເອົາ ຄະນະບໍລິງານຊາວໜຸ່ມແຂວງ ຫຼວງນໍ້າທາຊຸດໃໝ່ມີຜູ້ສະໝັກ 33 ສະຫາຍ ເລືອກເອົາ 29 ສະຫາຍ, ເລືອກເອົາສະຫາຍ ວົງມະນີ ເພື່ອ ປະຊາ ເປັນເລຂາຄະບໍລິຫານ ງານຊາວໜຸ່ມແຂວງ, ສະຫາຍ ສິງທະລາທອງ ສາຍຫຍ້າທອງ ເປັນປະທານກວດການ, ນອກນັ້ນ ເລືອກເອົາຄະນະປະຈຳ, ຄະນະບໍ ລິຫານງານຊາວໜຸ່ມ 7 ສະຫາຍ ແລະເລືອກເອົາຜູ້ແທນເຂົ້າຮ່ວມກອງປະຊຸມຊາວໜຸ່ມທົ່ວປະເທດ ຄັ້ງທີ VIII ຈໍານວນ 9 ສະຫາຍ ສໍາ ຮອງ 3 ສະຫາຍ.

   ສະຫາຍ ອາລຸນໄຊ ສູນນະລາດ ໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ແລະໄດ້ຮຽກຮ້ອງຈົ່ງເພີ່ມທະວີຊ່ວຍເຫຼືອ ແລະໃຫ້ການສະໜັບສະໜູນອົງ ການຈັດຕັ້ງຊາວໜຸ່ມ, ຄະນະຊາວ ໜຸ່ມ, ສະມາຊິກຊາວໜຸ່ມ-ເຍົາວະຊົນບັນດາເຜົ່າໃນທົ່ວແຂວງຫຼວງນ້ຳທາຈົ່ງເພີ່ມທະວີຄວາມສາມັກຄີເປັນປຶກແຜ່ນ, ມີຄວາມເປັນເອກະພາບສູງພາຍໃຕ້ການຊີ້ນຳໆພາ ຂອງພັກ, ເຊີດຊູນ້ຳໃຈຮັກຊາດອັນ ສູງສົ່ງ, ສຸມສະຕິປັນຍາ, ກຳລັງວັງຊາເຫື່ອແຮງບຸກບຶນກ້າວໜ້າຢ່າງໜັກແໜ້ນ.

 ------

ໂດຍ: ກິ່ນນາລົມ    

แชร์