ທາດພູສີ ເມືອງມໍລະດົກໂດກຫຼວງພະບາງງຽບເຫງົາ

  ເມືອງມໍລະດົກໂລກຫຼວງພະບາງ ມົນສະເໜແຫ່ງການທ່ອງທ່ຽວຂອງ ແຂວງຫຼວງພະບາງທີ່ໃຜຫຼາຍຄົນໄຝ່ຝັນຢາກມາທ່ຽວຊົມໂດຍສະເພາະແມ່ນພະທາດພູສີແຕ່ປີນີ້ຄືເລີ່ມງຽບເຫງົາຍ້ອນຈໍານວນນັກທ່ອງທ່ຽວທີ່ເຂົ້າມາທ່ອງທ່ຽວຫຼຸດລົງຫຼາຍເມື່ອທຽບໃສ່ປີຜ່ານມາລວມເຖິງສະຖານທີ່ທ່ອງທ່ຽວຫຼາຍແຫ່ງຢູ່ນະຄອນຫຼວງພະບາງ ທີ່ເຄີຍມີນັກທ່ອງທ່ຽວຢ່າງທ່ຽວຊົມຢ່າງເປັນຄະບວນຄຶກຄື້ນໃນເດືອນນີ້, ຕອນນີ້ເບິ່ງເກືອບບໍ່ເຫັນຮອດນັກທ່ອງທ່ຽວຢ່າງທາງແລ້ວ.

  ທ້າວ ຕຸ່ນ ມະນີຄໍາ ພະນັກງານຂາຍປີ້ຂຶ້ນຊົມທາດພູສີໄດ້ໃຫ້ສໍາພາດຕໍ່ທີມຂ່າວພວກເຮົາໃນວັນທີ 19 ມີນາ ນີ້ວ່າ: ເມື່ອກ່ອນແຂກທີ່ຂຶ້ນໄປທ່ຽວຊົມທາດພູສີແມ່ນມີຄວາມຄືກຄື້ນນັກທ່ອງສ່ວນໃຫຍ່ແມ່ນມາຈາກຈີນ, ເກົາຫຼີ, ໄທມາທ່ຽວເປັນຈໍານວນຫຼວງຫຼາຍ, ໄດ້ມາແມ່ນນັກທ່ອງທ່ຽວຈາກທາງເອີຣົບ, ອາເມລິກາ ຈົນຈີກປີ້ຂາຍໃຫ້ນັກທ່ອງທ່ຽວເກືອບບໍ່ທັນມາປີນີ້ນັ່ງຖ້ານັກທ່ອງທ່ຽວຈົນເມື່ອຍກະເກືອບບໍ່ເຫັນ.  

ສະໜັບສະໜູນໂດຍ: HONDA

   ທາດພູສີ ຖືເປັນຈຸດສູນກາງຂອງວັດທະນະທຳຕັ້ງຢູ່ໃຈກາງຂອງເທສະບານເມືອງຫຼວງພະບາງສ້າງຂຶ້ນເມື່ອປີ 1804 ເປັນພະທາດຕັ້ງຢູ່ຈອມພູມີຂະໜາດກວ້າງ 10,55 ແມັດ, ສູງ 21 ແມັດ, ຈອມພູສີສູງຈາກໜ້າທາງ 100 ແມັດ, ມີຂັ້ນໄດ 328 ຂັ້ນ, ເມື່ອເຮົາຂຶ້ນໄປຢູ່ເທິງພູສາມາດເບິ່ງເຫັນທິວທັດທີ່ສວຍງາມຂອງເທສະບານເມືອງຫຼວງພະບາງໄດ້ຢ່າງທົ່ວເຖິງ ແລະເປັນບ່ອນທີ່ນິຍົມກັນຂອງນັກທ່ອງທ່ຽວທີ່ມາທ່ຽວຊົມເມືອງຫຼວງພະບາງຕ້ອງໄດ້ຂຶ້ນໄປເບິ່ງພະອາທິດຕົກດິນຍາມຄ້ອຍຄໍ່າລົງແລງເພື່ອຖ່າຍພາບຄວາມສວຍງາມຢາມອັດສະດົງລົງແລງຂອງເມືອງມໍລະດົກໂລກໄວ້ເບິ່ງເປັນທີ່ລະນຶກເວລາກັບບ້ານເຖິງເຮືອນ.

  ນັບແຕ່ຕົ້ນປີນີ້ຍ້ອນໄດ້ຮັບຜົນກະທົບຈາກການລະບາດພະຍາດປອດອັກເສບເຊື້ອຈຸລະໂລກສາຍພັນໃໝ່ COCID-19 ເຮັດໃຫ້ຫຼາຍປະເທດຕ້ອງປິດພົມແດນຫ້າມຄົນເຂົ້າອອກຈຶ່ງເຮັດໃຫ້ຈໍານວນນັກທ່ອງທ່ຽວເຂົ້າມາທ່ຽວຢູ່ຫຼວງພະບາງປີນີ້ຫຼຸດໂຕນກັນຫຼາຍ ທີ່ສຸດເມື່ອທຽບໃສ່ປີຜ່ານມາ.

  ດ້ານແມ່ຄ້າຂາຍເຄື່ອງຢູ່ທາງຂຶ້ນພູສີເລົ່າສູ່ຟັງວ່າປີນີ້ຂາຍເຄື່ອງກະບໍ່ໄດ້ຂາຍ, ຍ້ອນບໍ່ມີແຂກມາທ່ຽວ, ປີກາຍແມ່ນໄດ້ຂາຍດີກວ່າປີນີ້.

ຢ່າງໃດກໍຕາມເຖິງວ່ານັກທ່ອງທ່ຽວຈາກຕ່າງປະເທດບໍ່ມີຫຼາຍ,ແຕ່ກໍຍັງມີນັກທ່ອງທ່ຽວຈາກທັງພາຍໃນປະເທດຂອງເຮົາຂຶ້ນໄປທ່ຽວຊົມຢູ່ແຕ່ຈໍານວນບໍ່ຫຼາຍພໍໄດ້ຄ່ອຍໆບັນເທົາຄວາມງຽບເຫງົາ ແລະເຊື່ອວ່າຫຼັງຈາກເຊື້ອຈຸລະໂລກສາຍພັນໃໝ່ COCID-19 ນີ້ຫາຍໄປແຕ່ລະປະເທດຈະໄດ້ເປີດປະເທດຕົນເອງອອກສູ່ພາຍນອກອີກຄັ້ງ ແລະຕອນນັ້ນປະເທດລາວກໍຄືເມືອງມໍລະດົກໂລກຫຼວງພະບາງຈະກັບມາມີສີສັນການທ່ອງທ່ຽວທີ່ຄຶກຄື້ນອີກຄັ້ງໃໝ່.

แชร์