ເຈນນີເຟີ ໂລເປຊ ຍອມຮັບເສຍໃຈ ບໍ່ມີຊື່ເຂົ້າຊີງອອສະກາຣ໌

  ເປັນໂຕເກັງມີຊື່ເຂົ້າຊີງ ລາງວັນອອສະກາຣ໌ ຕັ້ງແຕ່ຮູບເງົາ ເລື່ອງ Hustlers ເຂົ້າສາຍສໍາລັບ ສາວ ໂຕແມ່ອີກຄົນໃນວົງການ ຮອລລີ ວູດຢ່າງ ເຈນນີເຟີ ໂລເປຊ ແຕ່ແລ້ວຫຼັງປະກາດລາຍຊື່ຜູ້ເຂົ້າຊີງລາງວັນອອສະກາຣ໌ ທີ່ຜ່ານມາ ກັບບໍ່ມີຊື່ຂອງສາວ ເຈໂລ ຕິດໂຜ 5 ຄົນສຸດທ້າຍກໍເຮັດເອົາຫຼາຍຄົນ ຮືຮາເພາະຜົນງານເລື່ອງລ່າສຸດຂອງ ເຈໂລ ເລີຍກໍວ່າໄດ້ກັບບົດບາດນັກເຕັ້ນລະບໍາທີມີເບື້ອງຫຼັງ ເປັນແກ່ງຕົ້ມຕຸ່ນ.

 ໂດຍລ່າສຸດ ເຈໂລ ໄດ້ອອກມາສະແດງຄວາມໃນໃຈຜ່ານສື່ ດັງຂອງຮອລລີວູດວ່າຂ້ອຍຮູ້ສຶກເສຍໃຈເພາະຄິດວ່າການສະແດງ ໃນເລື່ອງນີ້ໃກ້ເຖິງຈຸດສູງສຸດໃນອາຊີບການສະແດງຂອງຂ້ອຍເພາະມີຄົນຈໍານວນຫຼາຍຮອບໂຕຕ່າງ ກໍເວົ້າວ່າ ເຈໂລ ຈະຕ້ອງໄດ້ເຂົ້າ ຊີງອອສະກາຣ໌ ພໍບໍ່ມີຊື່ກໍຮູ້ສຶກເສຍ ໃຈທີ່ບໍ່ໄດ້ເຂົ້າຊີງຢ່າງທີ່ຄິດໄວ້.

-------

ຮຽບຮຽງໂດຍ: ຟ້າ

• 20/03/2020