ສຶກສາອັດຕະປື ສ້າງຂະບວນການຮັບຕ້ອນກອງປະຊຸມໃຫຍ່

 ພະແນກສຶກສາທິການ ແລະກີລາແຂວງ (ສກຂ) ອັດຕະປື ໄດ້ຈັດຫຼາຍກິດຈະກຳຢ່າງເປັນຂະບວນການທີ່ມີຄວາມໝາຍຄວາມສຳຄັນ ແລະເຕັມໄປດ້ວຍບັນຍາກາດ ຄຶກຄື້ນມ່ວນຊື່ນ, ເປັນຕົ້ນແມ່ນ ໄດ້ເປີດກອງປະຊຸມດຳເນີນຊີວິດ ການເມືອງທ້າຍສະໄໝ, ເປີດລະດູການແຂ່ງຂັນກີລາປະຈຳປີທົ່ວແຂວງສຳລັບນັກຮຽນຊັ້ນມັດທະຍົມ, ງານແຂ່ງຂັນກີລາພົບປະລະຫວ່າງພະນັກງານຂະແໜງການສຶກສາດ້ວຍກັນ,ສອບເສັງນັກຮຽນເກັ່ງທົ່ວແຂງ, ແຂ່ງຂັນສີລະປະການແຕ້ມຮູບນັກຮຽນຊັ້ນມັດທະຍົມທົ່ວແຂວງ, ຂະບວນການອອກແຮງງານ ແລະກິດຈະກຳອື່ນໆອີກ ເພື່ອຄຳນັບຮັບຕ້ອນກອງປະຊຸມ ໃຫຍ່ຄັ້ງທີ 6 ຂອງຄະນະພັກຮາກຖານ ສກຂ ອັດຕະປື ທີ່ຈະເປີດຂຶ້ນ ໃນມໍ່ໆນີ້.

    ເມື່ອອາທິດຜ່ານມາພະແນກສຶກສາທິການ ແລະກີລາແຂວງອັດຕະປື ໄດ້ສ້າງຂະບວນການອະນາໄມສິ່ງແວດລ້ອມພ້ອມປະດັບປະດາສະຖານທີ່ໃນຂອບເຂດຮັບຜິດຊອບໃຫ້ມີຄວາມສະອາດ ແລະ ສວຍງາມເພື່ອຄຳນັບຮັບຕ້ອນກອງປະຊຸມໃຫຍ່ຄັ້ງທີ VI ຄະນະພັກ ຮາກຖານທີ່ຈະຈັດຂຶ້ນໃນວັນທີ  20 ມີນາ 2020 ນີ້ຢ່າງເປັນຂະບວນການຄືກຄື້ນ, ຊຶ່ງນໍາພາໂດຍທ່ານ ສີພອນ ວັນນະລາດ ຮອງຫົວໜ້າພະແນກສືກສາທິການ ແລະກີລາ ແຂວງພ້ອມຄະນະ,ມີບັນດາຫົວ ໜ້າຂະແໜງ-ຮອງຂະແໜງ, ພະນັກງານວິຊາການພາຍໃນພະແນກ ແລະນ້ອງນັກຮຽນຈາກໂຮງຮຽນ ສາມັນກິນນອນຊົນເຜົ່າພ້ອມຄູນຳ   ພາເຂົ້າຮ່ວມຢ່າງເປັນຂະບວນການ.

 ໃນໂອກາດດັ່ງກ່າວທ່ານ ສີພອນ ວັນນະລາດ ໄດ້ໃຫ້ຮູ້ວ່າ: ການອອກແຮງງານລວມໝູ່ຄັ້ງນີ້ ຖືເປັນການສ້າງຂະບວນການຄຳນັບຮັບຕ້ອນກອງປະຊຸມໃຫຍ່ຄັ້ງ ທີ 6 ຂອງຄະນະພັກຮາກຖານພະແນກສຶກສາທິການ ແລະກີລາ ແຂວງທີ່ຈະມີຂຶ້ນໃນວັນທີ 20 ມີນາ, ໃນໄລຍະການກະກຽມໃຫ້ແກ່ການເປີດກອງປະຊຸມໃຫຍ່ຄັ້ງນີ້ ພະແນກສຶກສາທິການ ແລະກີລາ ແຂວງຂອງພວກເຮົາໄດ້ຈັດໃຫ້ມີ ຫຼາຍກິດຈະກຳຢ່າງເປັນຂະບວນການເປັນຕົ້ນແມ່ນໄດ້ເປີດກອງປະຊຸມດຳເນີນຊີວິດການເມືອງທ້າຍສະໄໝ, ເປີດລະການແຂ່ງຂັນກີລາ ປະຈຳປີທົ່ວແຂວງ, ສຳລັບນັກຮຽນຊັ້ນມັດທະຍົມ,ເປີດງານແຂ່ງຂັນກີລາພົບປະສ້າງສັນລະຫວ່າງພະນັກງານຂະແໜງການສຶກສາດ້ວຍກັນ,ຈັດງານແຂ່ງຂັນສອບເສັງນັກຮຽນເກັ່ງຊັ້ນປະຖົມ ແລະ ມັດທະຍົມຂັ້ນແຂວງ,ແຂ່ງຂັນສີລະປະການແຕ້ມຮູບນັກຮຽນຊັ້ນມັດທະຍົມທົ່ວແຂວງ, ສ້າງຂະບວນການອອກແຮງງານ ແລະກິດຈະກຳອື່ນໆອີກຫຼາຍຢ່າງເພື່ອເຮັດໃຫ້ກອງປະຊຸມໃຫຍ່ຄັ້ງທີ 6 ຂອງ ຄະນະພັກຮາກຖານພະແນກສຶກສາທິການ ແລະກີລາແຂວງເຕັມໄປດ້ວຍຄວາມໝາຍຄວາມສຳຄັນ ຢ່າງເລິກເຊິ່ງ.

------

ໜັງສືພິມເສດຖະກິດ-ສັງຄົມ

แชร์