ນັກຮຽນ ມສ ປາກທາ ໄດ້ຮັບການສັກຢາກັນມະເຮັງປາກມົດລູກ

  ວັນທີ 16 ມີນາ ຜ່ານມາ ທີ່ໂຮງຮຽນ ມສ ປາກທາ ເມືອງ ປາກທາ ແຂວງບໍ່ແກ້ວ ໄດ້ມີພິທີ ສັກຢາວັກຊີນກັນພະຍາດມະເຮັງປາກມົດລູກໃຫ້ກຸ່ມຜູ້ຍິງໃນເກນ ອາຍຸ 10-14 ປີຂຶ້ນ ໂດຍການ ເປັນປະທານຂອງທ່ານ ສີວີໄຊ ແສງຄະກຸນ ຫົວໜ້າຫ້ອງການສາທາລະນະສຸກເມືອງປາກທາ, ມີບັນດາຫົວໜ້າຫ້ອງການສືກສາທິການ ແລະກີລາ, ອຳນວຍການ-ຮອງອຳນວຍການໂຮງຮຽນ ມສ ປາກທາ, ຄູ-ອາຈານ, ແພດໝໍຕະຫຼອດຮອດນ້ອງນັກຮຽນໃນເກນອາຍຸ 10-14 ປີເຂົ້າຮ່ວມ.

  ທ່ານ ສີວີໄຊ ແສງຄະກຸນ ຫົວໜ້າຫ້ອງການສາທາລະນະສຸກ ເມືອງປາກທາ ໄດ້ກ່າວເປີດພິທີ ໃນຄັ້ງນີ້ວ່າ: ເພື່ອເປັນການເປີດບັນ ສັກຢາວັກຊີນກັນພະຍາດມະເຮັງປາກມົດລູກໃຫ້ກຸ່ມຜູ້ຍິງໃນເກນ ອາຍຸ 10-14 ປີ ໃຫ້ເປັນຂະບວນການໃນທົ່ວປະເທດໃນຊ່ວງເດືອນມີນາ 2020 ນີ້ເປັນເຂັມທີ 1 ແລະ ຈະສັກອີກເຂັມທີ 2 ຫ່າງກັນໃນ 12 ເດືອນ ຖືວ່າຄົບຕາມທີ່ໄດ້ກຳນົດໄວ້ທັງນີ້ກໍ່ເພື່ອໃຫ້ເປັນຂະບວນການສັກຢາວັກຊີນກັນພະຍາດມະເຮັງປາກມົດລູກໃຫ້ຮັບປະກັນ ແລະ ທ່ວງທັນກັບເວລາທັງເປັນການປ້ອງກັນ ແລະສ້າງພູມຄຸ້ມກັນຕ້ານພະຍາດມະເຮັງປາກມົດລູກ,ຮັບປະກັນໃຫ້ກຸ່ມຜູ້ຍິງໃນເກນອາຍຸ 10-14 ມີສຸຂະພາບແຂງແຮງ ແລະຫ່າງໄກຈາກພະຍາດຕ່າງໆ ຈາກນັ້ນກໍ່ໄດ້ພ້ອມກັນສັກຢາວັກຊີນກັນພະຍາດມະເຮັງປາກມົດລູກ ຢ່າງເປັນຂະບວນການ.

-------

ໜັງສືພິມເສດຖະກິດ-ສັງຄົມ

แชร์