ປກສ ສະຫວັນນະເຂດ ສະຫຼຸບວຽກງານຄຸ້ມຄອງ ສຳມະໂນຄົວ ແລະກໍ່ສ້າງຮາກຖານປະຈຳປີ 2019

   ຫ້ອງຄຸ້ມຄອງສຳມະໂນຄົວ ແລະກໍ່ສ້າງຮາກຖານ ປກສ ແຂວງສະຫວັນນະເຂດ ໄດ້ຈັດກອງປະຊຸມສະຫຼຸບການເຄື່ອນໄຫວວຽກ ງານຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ປະຈຳປີ 2019 ແລະວາງທິດທາງແຜນການໃນ ຕໍ່ໜ້າໄດ້ຈັດຂຶ້ນໃນວັນທີ 13 ມີນາ 2020 ທີ່ສະໂມສອນຂອງ ປກສ ແຂວງ ໂດຍການເຂົ້າຮ່ວມມີ ທ່ານ ພັທ ຈັນທາ ແສນສຸລິວົງ ຮອງຫົວ ໜ້າກອງບັນຊາການ ປກສ ແຂວງ, ທ່ານ ພັທ ວຽງທອງ ຫຼ້າບົວພອນ ຫົວໜ້າຫ້ອງຄຸ້ມຄອງສຳມະໂນຄົວ ແລະກໍ່ສ້າງຮາກຖານ ພ້ອມດ້ວຍ ຄະນະ, ມີບັນຄະນະຫ້ອງອ້ອມ ຂ້າງ, ມີ ປກສ 14 ຕົວເມືອງ, 01 ນະຄອນ, ມີຄະນະພະແນກ ແລະ ພະນັກງານຫຼັກແຫຼ່ງເຂົ້າຮ່ວມ.

  ທ່ານ ພັທ ສີຫາລາດ ວໍລະທຳນຽມ ຮອງຫົວໜ້າຫ້ອງຄຸ້ມຄອງ ແລະກໍ່ສ້າງຮາກຖານໄດ້ຂຶ້ນຜ່ານ ບົດສະຫຼຸບການເຄື່ອນໄຫວວຽກ ງານຄຸ້ມຄອງ ແລະກໍ່ສ້າງຮາກຖານ ປກສ ແຂວງ ໃນໄລຍະຜ່ານມາ, ຊຶ່ງຄະນະຫ້ອງ-ຄະນະບັນ ຊາແຕ່ລະຂັ້ນໄດ້ເອົາໃສ່ວຽກງານ ການເມືອງແນວຄິດຕິດພັນກັບ ການກໍ່ສ້າງປັບປຸງພະນັກງານວິຊາສະເພາະ ຊຶ່ງມັນສະແດງອອກ ໃນໄລຍະ 01 ປີຜ່ານມາ, ສາມາດຕີລາຄາການຈັດຕັ້ງປະຕິບັດວຽກ ງານວິຊາສະເພາະໄດ້ຄືວຽກງານ ກໍ່ສ້າງຮາຖານການເມືອງ ປກສ ແຂວງ ໄດ້ຄັດເລືອກຫັນເອົາພະນັກ ງານລົງກໍ່ສ້າງຮາກຖານການ ເມືອງຈຳນວນ 72 ສະຫາຍ ສົມທົບກັບກຳລັງ ປກສ ເມືອງ, ປກສ ກຸ່ມ ບ້ານ 244 ສະຫາຍ ລວມທັງໝົດ ມີ 316, ຍິງ 05 ສະຫາຍ ລົງປະຈຳຢູ່ນະຄອນ ແລະບັນດາ ປກສ ເມືອງ 08 ຕົວເມືອງ, 31 ກູ່ມບ້ານ, ມີ 90 ບ້ານ, ວຽກງານບ້ານປ້ອງກັນຄວາມສະຫງົບດີສາມາດຈັດຕັ້ງໄດ້ 06 ຕົວເມືອງຄື ເມືອງຈຳ ພອນ, ໄຊພູທອງ, ອາດສະພອນ, ເມືອງພີນ, ວິລະ ແລະເມືອງ ເຊ ໂປນ, ປະກາດຮັບຮອງບ້ານ ປກສ ດີ 62 ບ້ານ ແລະຄອບຄົວ ປກສ ດີ ທັງໝົດ 7.425 ຄອບຄົວ, ວຽກ ງານຄຸ້ມຄອງອາຊີບ-ພາຫະນະພິເສດສາມາດເກັບກຳສະຖິຕິບັນດາ ຫ້າງຮ້ານໄດ້ 1.812 ຮ້ານ ຂຶ້ນທະບຽນຖືກຕ້ອງ 1.386 ຮ້ານ ຍັງບໍ່ທັນຂື້ນທະບຽນຖືກຕ້ອງ 426 ຮ້ານ, ຢຶດອາວຸດລ່າເນື້ອໄດ້ ທັງໝົດ 2,358 ກະບອກ ໃນນີ້ ໄດ້ຈັດພິທີທຳລາຍ 01 ຄັ້ງ, ມີອາວຸດລ່າເນື້ອ 982 ກະບອກ, ເຄື່ອງ ຊ໋ອດປາ 68 ອັນ, ບັ້ງກະໂພກ 68 ກັບ, ບັ້ງພຸສັ້ນ-ຍາວ ລວມ 40 ບັ້ງ.

 ສຳລັບວຽກງານຄຸ້ມຄອງສຳມະໂນຄົວ ແລະຍົກຍ້າຍຖິ່ນຖານທົ່ວແຂວງມີ 1.024 ບ້ານ,ມີ 166.467 ຫຼັງຄາເຮືອນ,174.447 ຄອບຄົວ, ມີພົນລະເມືອງທັງໝົດ1.007.396 ຄົນ,ຍິງ 501.279 ຄົນ,15 ປີຂຶ້ນໄປມີ 654.720 ຄົນ,ຍິງ335.634 ຄົນໃນນນັ້ນຊາວຕ່າງດ້າວມີ531ຄອບຄົວ ມີ 1.072 ຄົນ, ຍິງ 460 ຄົນ, ໄດ້ຂຶ້ນທະບຽນສຳມະໂນຄົວແລ້ວ 1.002.183 ຄົນ, ຍິງ 498.767 ຄົນ, ຍັງບໍ່ໄດ້ຂຶ້ນທະບຽນ 5.213 ຄົນ, ຍິງ 2.512 ຄົນສາເຫດແມ່ນເກີດໃໝ່, ຍົກຍ້າຍມາເປັນຄອບຄົວ ແລະບຸກຄົນ,ວຽກ ງານທະບຽນປະຫວັດ-ອອກບັດປະຈຳຕົວອອກບັດໄດ້ທັງໝົດ47.517 ຄົນ, ຍິງ 24.217 ຄົນ, ໃນນັ້ນ ປ່ຽນບັດມີ 10.015 ຄົນ, ຍິງ 5.417 ຄົນ, ພິມລາຍນິ້ວມືໄດ້ 37.502 ຄົນ, ຍິງ 18.800 ຄົນ, ແຍກລາຍນິ້ວມືໄດ້ ແລະສະແກນ ລາຍນິ້ວມືໄດ້ 6.120 ຄົນ.

 -------

ໜັງສືພິມເສດຖະກິດ-ສັງຄົມ

 

แชร์