ທົ່ວແຂວງໄຊຍະບູລີ 6 ບ້ານທີ່ບໍ່ສາມາດຮັບສັນຍານໂທລະສັບມືຖືໄດ້

  ກອງປະຊຸມວຽກງານໄປສະນີໂທລະຄົມ ແລະການສື່ສານ ທົ່ວແຂວງໄຊຍະບູລີ ໄດ້ຈັດຂຶ້ນໃນ ວັນທີ 12 ມີນາ 2020 ນີ້ທີ່ຫ້ອງປະຊຸມຫ້ອງວ່າການແຂວງ. ໂດຍ ການເປັນປະທານຂອງ ທ່ານ ເພັງ ນິລັນ ຄໍາພັນເພັງ ຮອງເຈົ້າແຂວງ ໄຊຍະບູລີ, ມີທ່ານ ທອງໃສ ຊານໄຊຍະ ຮອງລັດຖະມົນຕີກະຊວງ ໄປສະນີໂທລະຄົມ ແລະການສື່ສານ, ມີຮອງເຈົ້າເມືອງ, ຮອງພະແນກການ, ຫົວໜ້າຫ້ອງການ ປທສ ເມືອງ, ລັດວິສາຫະກິດ, ຜູ້ປະກອບການດ້ານ IT ພ້ອມດ້ວຍພະນັກງານຫຼັກແຫຼ່ງພາຍໃນພະແນກ ປທສ ເຂົ້າຮ່ວມ.

   ທ່ານ ອິນສະຫວັນ ພົມປັນຍາ ຫົວໜ້າພະແນກ ປທສ ແຂວງໄຊ ຍະບູລີວ່າ: ໃນ 1 ປີຜ່ານມາບັນດາ ບໍລິສັດຜູ້ໃຫ້ການບໍລິການດ້ານໂທລະຄົມມະນາຄົມ ໄດ້ເອົາໃຈໃສ່ ຂະຫຍາຍເຄືອຂ່າຍໃນລະບົບຕ່າງໆເຂົ້າສູ່ເຂດຊຸມຊົນ ແລະເຂດຫ່າງໄກສອກຫຼີກ ໄດ້ແກ້ໄຂບ້ານ ທີ່ບໍ່ມີລະບົບສັນຍານໂທລະສັບມືຖື ໄດ້ທັງໝົດ 2 ບ້ານ (ບ້ານນໍ້າໂຕ່ມ ເມືອງຄອບ, ບ້ານນາຕຸ່ງ ເມືອງ ປາກລາຍ) ທຽບໃສ່ແຜນປີ 2019 ເທົ່າກັບ 33,33% ຂອງຈໍານວນ ບ້ານທີ່ບໍ່ມີສັນຍານໃນປີ 2018 ແຕ່ມາຮອດປີ 2019 ນີ້ບ້ານທີ່ບໍ່ມີ ສັນຍານໂທລະສັບມືຖືເພີ່ມຂຶ້ນອີກ 2 ບ້ານຄື: ບ້ານໂພນສີດາ, ບ້ານ ນາຂອນແກ່ນເມືອງໄຊຍະບູລີ; ເນື່ອງຈາກ 2 ບ້ານດັ່ງກ່າວເປັນ ບ້ານທີ່ີໄດ້ຮັບສັນຍານໃນລະບົບ 2G ຂອງບໍລິສັດ LTC ແຕ່ສັນຍານ ຮັບອ່ອນ. ມາຮອດປະຈຸບັນ LTC ໄດ້ປິດລະບົບ 2G ອອກແລ້ວໃຊ້ ລະບົບ 3G ແທນ ເຮັດໃຫ້ 2 ບ້ານ ດັ່ງກ່າວບໍ່ສາມາດຮັບສັນຍານມືຖືໄດ້.

  ປະຈຸບັນ ບ້ານທີ່ບໍ່ສາມາດຮັບສັນຍານມືຖືໂທລະສັບທັງໝົດມີ 6 ບ້ານຄື: ບ້ານໂພນສີດາ, ນາຂອນ ແກ່ນ, ວັງທ່າໝອນ, ຫ້ວຍງູ, ປາກ ຄານ, ນໍ້າງີມ ແລະໄດ້ປັບປຸງບ້ານ ທີ່ມີສັນຍານອ່ອນໄດ້ທັງໝົດ 4 ບ້ານ ທີ່ຜ່ານມາມີທັງໝົດ 14 ບ້ານ, ທຽບໃສ່ແຜນການປີປະຕິບັດໄດ້ 33,33% ຂອງແຜນປີ, ຂະຫຍາຍ ສາຍໃຍແກ້ວໄດ້ 130km, ທຽບ ໃສ່ແຜນປີ 2019 ປະຕິບັດໄດ້ 217,5% ທຽບໃສ່ປີຜ່ານມາເພີ່ມ ຂຶ້ນ 2,18%. ປະຈຸບັນທົ່ວແຂວງ ມີສາຍໃຍແກ້ວຍາວທັງໝົດ 6.100 km ກວມເອົາ 11 ເມືອງ, ຂະຫຍາຍຕາໜ່າງໂທລະຄົມໄດ້ 177 ສະຖານີ ທຽບໃສ່ປີຜ່ານເພີ່ມ ຂຶ້ນ 25,57% ຮອດປະຈຸບັນມີສະຖານີທັງໝົດ 896 ສະຖານີ. ປະຈຸບັນທົ່ວແຂວງມີສະຖານີລະບົບ 2G ທັງໝົດ 337 ສະຖານີ, ລະບົບ 3G ມີ 262 ສະຖານີ ແລະ ລະບົບ 4G ມີ 270 ສະຖານີ, ມີໂທລະສັບແບບມີສາຍທັງໝົດ 1.330 ກວ່າເລກໝາຍ, ໂທລະສັບ ເບີ (030) ມີທັງໝົດ 55.680 ກວ່າເລກໝາຍ, ມີເບີມືຖື (2G, 3G, 4G) ທັງໝົດ 263.207 ເລກໝາຍ, ມີອິນເຕີເນັດທັງໝົດ 1.590 ເລກໝາຍ.

  ຊຶ່ງມາຮອດປະຈຸບັນມີຜູ້ຊົມໃຊ້ໂທລະສັບເບີ (030) ແລະມືຖື 2G, 3G, 4G ທັງໝົດທົ່ວແຂວງ ມີ 318.895 ເລກໝາຍສະເລ່ຍໃສ່ຈໍານວນປະຊາກ ອນທົ່ວແຂວງ 100 ຄົນຕໍ່ 78 ເລກໝາຍ, ທຽບ ໃສ່ປີຜ່ານມາຫຼຸດລົງ 10 ເລກ ໝາຍ/100 ຄົນ ໃນ 1 ປີຜ່ານມາ ສາມາດສ້າງລາຍຮັບໄດ້ທັງໝົດ 96 ຕື້ 514 ລ້ານກວ່າກີບ; ໃນນີ້ມີ ກໍາໄລ 56 ຕື້ 270 ລ້ານກວ່າກີບ, ມອບພັນທະເຂົ້າງົບປະມານ 14 ຕື້ 700 ກວ່າລ້ານກີບ ແລະມອບ ອຸປະຖໍາສັງຄົມ 137 ລ້ານກວ່າ ກີບ.

  ທ່ານຍັງກ່າວຕື່ມວ່າ: ໃນປີ 2020 ນີ້ຈະສືບຕໍ່ແກ້ໄຂບ້ານທີ່ບໍ່ມີສັນຍານໃຫ້ມີສັນຍານໂທລະສັບໃຊ້ 2 ບ້ານຄື: ບ້ານຫ້ວຍງູ, ບ້ານ ປາກຄານ ເມືອງປາກລາຍ ແລະ ປັບປຸງແກ້ໄຂບ້ານທີ່ມີສັນຍານ ອ່ອນໃຫ້ໄດ້ 14 ບ້ານ, ຂະຫຍາຍ ສາຍໃຍແກ້ວໃຫ້ໄດ້ 724 km, ຂະ ຫຍາຍຕາໜ່າງໂທລະຄົມໃຫ້ໄດ້ 212 ສະຖານີ; ໃນນີ້ລະບົບ 2G ໃຫ້ໄດ້ 2 ສະຖານີ, 3Gໃຫ້ໄດ້ 17 ສະຖານີ ແລະ 4G ໃຫ້ໄດ້ 102 ສະຖານີ, ຂະຫຍາຍໂທລະສັບຕັ້ງ ໂຕະແບບມີສາຍໃຫ້ໄດ້ 48 ເລກ ໝາຍ, ໂທລະສັບ (030) ໃຫ້ໄດ້ 2.298 ເລກໝາຍ, ເບີໂທລະສັບມືຖື 7.909 ເລກໝາຍ, ເບີອິນ ເຕີເນັດ (ຊິມເນັດ) ໃຫ້ໄດ້13.087 ເລກໝາຍ,ອິນເຕີເນັດ (User)ໃຫ້ໄດ້ 996 ເລກໝາຍ. ສະເລ່ຍໃສ່ຈໍານວນປະຊາກອນທົ່ວ ແຂວງໃຫ້ເພີ່ມຂຶ້ນເປັນ 100 ຄົນຕໍ່ 80 ເລກໝາຍ ໃນປະຊາກອນທົ່ວ ແຂວງໄຊຍະບູລີ 407.004 ຄົນ.

----

ໂດຍ: ບຸນທີ

แชร์