ຫົງສາສົ່ງເສີມປູກໝາກໂມເປັນສິນຄ້າ

  ວັນທີ 17 ມີນາ 2020 ທ່ານ ຄໍາຫຼ້າ ຜີວວັນນາ ເຈົ້າເມືອງໆ ຫົງສາ ແຂວງໄຊຍະບູລີ ພ້ອມດ້ວຍຄະນະ ໄດ້ລົງຕິດຕາມໂຄງການປູກໝາກໂມເປັນສິນຄ້າຢູ່ 2 ໂຄງການຂອງບໍລິສັດເອເຊຍກະເສດອີນຊີ ແລະບໍລິລິສັດນໍ້າເຜິ້ງ, ໃນຈໍານວນ 351 ຕອນ, ມີເນື້ອທີ່ 160,94 ເຮັກຕາ, ໄລຍະການສໍາປະທານ 5 ປີ, ໄດ້ເລີ່ມລົງມືຈັດຕັ້ງປະຕິບັດປູກໝາກໂມມາແຕ່ຕົ້ນເດືອນທັນ ວາ 2019 ມາເຖິງປະຈຸບັນ, ຊຶ່ງ ໂຄງການດັ່ງກ່າວພວມກໍາລັງເກັບກູ້ສົ່ງອອກຂາຍຢູ່ພາຍໃນປະເທດ ແລະຕ່າງປະເທດ.

 ພ້ອມນັ້ນ ທ່ານ ຄໍາຫຼ້າ ຜີວວັນນາ ກໍໄດ້ໃຫ້ສໍາພາດຕໍ່ນັກຂ່າວວ່າທາງອົງຄະນະພັກ ເມືອງໄດ້ມີນະ ໂຍບາຍ ແລະດຶງເອົານັກລົງທຶນ ໃຫ້ມາລົງທຶນຢູ່ເມືອງຫົງສາເປັນຕົ້ນແມ່ນໃຫ້ມາປູກພືດຜັກກາຍເປັນສິນຄ້າໃຫ້ຫຼາຍຂຶ້ນໄດ້ແຕ່ງຕັ້ງຄະນະກໍາມະການຫ້ອງການທີ່ກ່ຽວຂ້ອງເປັນຕົ້ນແມ່ນຫ້ອງການ ແຜນການ ແລະການລົງທຶນ, ຫ້ອງການກະສິກໍາ ແລະປ່າໄມ້ເມືອງ ຫົງສາ, ຫ້ອງການອຸດສາຫະກໍາການຄ້າ ແລະຫ້ອງການອື່ນໆ, ນັບຕັ້ງແຕ່ມີໂຄງການເກີດຂຶ້ນລັດ ແລະປະຊາຊົນ ໄດ້ມີລາຍຮັບເພີ່ມ ຂຶ້ນ, ໃນໄລຍະກ່ອນສ່ວນຫຼາຍປະ ຊາຊົນໄດ້ປະດິນສວນ, ດິນນາປະ ຫວ່າງໄວ້ໂດຍບໍ່ໄດ້ທໍາການຜະລິດ ປີ 1 ສາມາດເຮັດນາໄດ້ແຕ່ລະດູ ດຽວ, ໃນຕໍ່ໜ້າເມືອງຈະສືບຕໍ່ດຶງ ດູດການລົງທຶນເຂົ້າມາລົງທຶນໃຫ້ ຫຼາຍຂຶ້ນ.

   ທ່ານ ໄຊປະເສີດ ຕັ້ງຊະນະ ຫົວໜ້າບໍລິສັດເອເຊຍກະເສດອິນ ຊີໄດ້ກ່າວວ່າ ທ່ານເອງມີຄວາມຮູ້ ສຶກດີໃຈຫຼາຍຕໍ່ກັບອົງຄະນະພັກ ເມືອງຫົງສາ ທີ່ມີນະໂຍບາຍໃຫ້ ສອງບໍລິສັດດັ່ງກ່າວເຂົ້າມາລົງທຶນ ພ້ອມທັງຍົກໃຫ້ເຫັນຂໍ້ສະດວກ ແລະ ຂໍ້ຫຍຸ້ງຍາກດ້ານຕ່າງໆ ພ້ອມນັ້ນ ທາງບໍລິສັດໃຫ້ຄໍາໝັ້ນສັນຍາວ່າ ຈະປະຕິບັດຕາມຂໍ້ຕົກລົງ ແລະ ສັນຍາທີ່ວາງໄວ້ໃຫ້ເຂັ້ມງວດ,ເພື່ອເຮັດໃຫ້ໂຄງການດັ່ງກ່າວໄດ້ຮັບຜົນດີ, ຮັບປະກັນທາງດ້ານປະລິມານ ແລະຄຸນນະພາບ, ຖືກຕ້ອງຕາມກົດລະບຽບຮັບປະກັນເຮັດໃຫ້ເສດຖະກິດເມືອງຫົງສາມີ ການຂະຫຍາຍຕົວປະຊາຊົນມີລາຍຮັບເພີ່ມຂຶ້ນ ຕ່າງຝ່າຍໄດ້ຮັບຜົນປະໂຫຍດຮ່ວມກັນ ແລະຮັບປະກັນທາງດ້ານສິ່ງແວດລ້ອມ.

ໃນໂອກາດດຽວກັນທ່ານເຈົ້າ ເມືອງຫົງສາ ພ້ອມດ້ວຍຄະນະກໍ່ໄດ້ຢ້ຽມຊົມໂຄງການດັ່ງກ່າວຕື່ມອີກ.

-----

ໂດຍ: ບຸນປອນ

แชร์