ສຳເລັດການກໍ່ສ້າງສູນການຄ້າແຂວງເຊກອງ

  ວັນທີ 16 ມີນາ 2020 ນີ້ ຄະນະກໍາມະການຮັບຜິດຊອບໂຄງການກໍ່ສ້າງສູນການຄ້າ ແຂວງເຊກອງໄດ້ລົງກວດກາ 100% ໃນການຈັດຕັ້ງປະຕິບັດບັນດາໜ້າ ວຽກຕ່າງໆຂອງໂຄງການທີ່ສຳເລັດແລ້ວ, ໂດຍການເປັນປະທານ ຂອງ ທ່ານ ເຫຼັກໄຫຼ ສີວິໄລ ຮອງ ເຈົ້າແຂວງເຊກອງ, ຜູ້ຊີ້ນຳວຽກ ງານຂົງເຂດເສດຖະກິດຂອງ ແຂວງ, ທ່ານ ສົມໃຈ ອິນທະປັດຖາ ຮອງຫົວໜ້າກົມແຜນການ ແລະ ການຮ່ວມມື, ທ່ານ ພັນສອນ ແສງ ສົ່ງເສີມ ຫົວໜ້າພະແນກການອຸດສາຫະກຳ-ການຄ້າແຂວງເຊກອງ ແລະຕາງໜ້າບໍລິສັດຜູ້ຮັບເໝົາກໍ່ສ້າງເຂົ້າຮ່ວມ.

  ທ່ານ ອຸດົມ ສົມຈັນທາ ຮອງອໍານວຍການບໍລິສັດສອນກໍ່ສ້າງ ແລະສ້ອມແປງເຄຫາສະຖານຄົບວົງຈອນ ຈໍາກັດຜູ້ດຽວ ກໍ່ໄດ້ຂຶ້ນ ລາຍງານກ່ຽວກັບການຈັດຕັ້ງປະຕິບັດໂຄງການກໍ່ສ້າງສູນການຄ້າ ແຂວງເຊກອງວ່າ: ໂຄງການກໍ່ສ້າງ ສູນການຄ້າຕັ້ງຢູ່ບ້ານວັດຫຼວງ ເມືອງລະມາມ ແຂວງເຊກອງ, ຊຶ່ງໄດ້ເລີ່ມລົງມືກໍ່ສ້າງແຕ່ວັນທີ 1 ມັງກອນ 2014 ແລະສຳເລັດ ໃນວັນທີ 31 ທັນວາ 2019, ໃຊ້ ເວລາໃນການກໍ່ສ້າງທັງໝົດ 6 ປີ, ໂຄງການດັ່ງກ່າວແມ່ນໄດ້ຮັບທຶນການກໍ່ສ້າງຈາກກະຊວງອຸດ ສາຫະກໍາ ແລະການຄ້າ, ຈຳນວນ 93,54 ຕື້ກີບ, ເປັນອາຄານ 4 ຊັ້ນ, ມີຂະໜາດ 57,60x36 ແມັດ, ມຸງດ້ວຍແຜ່ນມຸງຫຼັງຄາ (VXP), ມີຄວາມໝາຍ 4 ມີລີແມັດ.

 ນອກຈາກນັ້ນທ່ານຍັງໄດ້ໃຫ້ຮູ້ຕື່ມອີກບັນດາໜ້າວຽກທີ່ທາງບໍລິສັດໄດ້ເອົາໃຈໃສ່ ແລະຈັດຕັ້ງປະຕິບັດເປັນຕົ້ນ: ວຽກໂຄງສ້າງ ຂອງອາຄານ,ວຽກສະຖາປັດອາ ຄານ, ວຽກໂຄງສ້າງທາງສັນ ຈອນ, ບ່ອນຈອດລົດ, ວຽກສະຖາປັດພາຍນອກອາຄານ, ລະບົບນໍ້າໃຊ້, ນໍ້າເສຍພ້ອມອ່າງເກັບນ້ໍາໃຕ້ ດິນ, ວຽກລະບົບກົນຈັກ, ລະບົບໄຟຟ້າ ແລະລະບົບສື່ສານເຫັນວ່າມີຜົນສຳເລັດ 100%, ພ້ອມກັນ ນັ້ນບັນດາຄະນະກຳມະການຍັງ ໄດ້ປະກອບຄຳຄິດຄຳເຫັນຕໍ່ໂຄງ ການກໍ່ຄືບໍລິສັດຜູ້ຮັບເໝົາກໍ່ສ້າງ ແລະເຈົ້າຂອງໂຄງການໃຫ້ປົກ ປັກຮັກສາຈົນກວ່າຮອດວາລະມອບ-ຮັບ, ເປີດນໍາໃຊ້ຢ່າງເປັນ ທາງການ.

----

ໜັງສືພິມເສດຖະກິດ-ສັງຄົມ

แชร์