ອຸທຸມພອນ ເປີດຂະບວນການເກັບຄ່າ ທຳນຽມທາງຜ່ານລະບົບທະນາຄານ

  ວັນທີ 18 ມີນາທີ່ຜ່ານມາ ທີ່ສະໂມສອນເມືອງອຸທຸມພອນ ໄດ້ຈັດພິທີເປີດຂະບວນການເກັບ ຄ່າທຳນຽມທາງຜ່ານລະບົບທະນາຄານ ປະຈຳປີ 2020 ຂຶ້ນຢ່າງ ເປັນທາງການ ໂດຍພາຍໃຕ້ການ ເຂົ້າຮ່ວມຂອງ ທ່ານ ປະສົງສິນ ຈະເລີນສຸກ ເລຂາຄະນະບໍລິຫານ ງານພັກເມືອງ ເຈົ້າເມືອງອຸທຸມ ພອນ, ບັນດາທ່ານຄະນະບໍລິຫານ ງານພັກເມືອງ, ຄະນະພັກ-ຄະນະບັນຊາກົມກອງກຳລັງຫຼວງ, ຫົວ ໜ້າຫ້ອງການ, ຄະນະຫ້ອງການ, ຄະນະພັກຮາກຖານ, ເລຂາໜ່ວຍ ພັກ-ນາຍບ້ານພາຍໃນເມືອງ ເຂົ້າຮ່ວມ.

  ໂອກາດນີ້ ທ່ານ ປະສົງສິນ ຈະເລີນສຸກ ກໍ່ໄດ້ໃຫ້ກຽດມີຄຳເຫັນ ແລະກ່າວເປີດຂະບວນການເກັບຄ່າທຳນຽມທາງຜ່ານລະບົບທະນາຄານ ປະຈຳປີ 2020 ການຊຳລະສະສາງຄ່າທຳນຽມທາງ ຜ່ານລະບົບຂອງທະນາຄານ ຊຶ່ງ ເປັນອີກບາດກ້າວໜຶ່ງໃນການປະຕິຮູບການຊຳລະສະສາງຜ່ານລະບົບທະນາຄານໃຫ້ຫຼາຍຂຶ້ນ ເພື່ອ ອຳນວຍຄວາມສະດວກ, ຄວາມ ວ່ອງໄວ, ຄວາມປອດໄພການຊຳ ລະຄ່າທາງບໍ່ສະເພາະແຕ່ລົດທົ່ວ ໄປ, ແຕ່ລົດໃນການບໍລິຫານຂອງ ລັດຕ້ອງໄດ້ເສຍເຊັ່ນດຽວກັນໃນນາມຕາງໜ້າຄະນະບໍລິຫານງານ ພັກເມືອງຮຽກຮ້ອງມາຍັງທຸກ ພາກສ່ວນໃນສັງຄົມ ຈົ່ງພ້ອມກັນ ໃຫ້ການຊຸກຍູ້ກວດກາພ້ອມສົ່ງ ເສີມໂຄສະນາເຜີຍແຜ່ແນະນຳ ແລະພ້ອມກັນເຂົ້າຮ່ວມໃນການຈັດຕັ້ງປະຕິບັດວຽກງານດັ່ງກ່າວ ໃຫ້ມີປະສິດທິຜົນ, ໂດຍສະເພາະບຸກຄົນ, ນິຕິບຸກຄົນ ແລະການຈັດ ຕັ້ງທີ່ເປັນເຈົ້າຂອງ ຫຼື ນໍາໃຊ້ພາຫະນະທຸກປະເພດ ຕ້ອງໄດ້ຮີບຮ້ອນ ໄປເສຍຄ່າທຳນຽມ ເປັນຕົ້ນແມ່ນ ຄ່າທຳນຽມທາງປະຈຳປີ 2020 ແມ່ນບໍ່ໃຫ້ກາຍວັນທີ 31 ມີນາ 2020 ຖ້າກາຍແມ່ນຈະຖືກປັບ ໃໝຕາມລະບຽບການ.

-----

ໜັງສືພິມເສດຖະກິດ-ສັງຄົມ

แชร์