ພາກທຸລະກິດຫາລືແນວທາງແກ້ໄຂຫຼັງຖືກກະທົບຈາກໂຄວິດ-19

   ນັບແຕ່ເກີດການລະບາດເຊື້ອພະຍາດຈຸລາໂລກສາຍພັນໃໝ່ ຫຼື COVID-19 ທີ່ປະເທດຈີນ ເມື່ອທ້າຍປີ 2019 ຜ່ານມາເຮັດໃຫ້ຈໍານວນນັກທ່ອງທ່ຽວທີ່ເຂົ້າມາທ່ຽວ ສປປ ລາວ ກໍຄືຢູ່ແຂວງຫຼວງພະບາງມີທ່າອ່ຽງຫຼຸດລົງເປັນຈໍານວນຫຼວງຫຼາຍສົ່ງຜົນກະທົບໂດຍກົງຕໍ່ຜູ້ປະກອບທຸລະກິດເຊິ່ງໄດ້ສະແດງອອກຢູ່ບັນດາບໍລິສັດທ່ອງ ທ່ຽວ, ໂຮງແຮມ-ລີສອດ, ເຮືອນພັກ ແລະຮ້ານອາຫານມີການສັ່ງຈ່ອງຫຼຸດລົງຢ່າງໜ້າຕົກໃຈສະນັ້ນບັນດາຜູ້ປະກອບການທຸລະກິດຢູ່ພາຍໃນແຂວງຫຼວງພະບາງຈິ່ງໄດ້ຈັດກອງປະຊຸມປຶກສາຫາລືແນວທາງແກ້ໄຂຮ່ວມກັນຂຶ້ນວັນທີ 18 ມີນາ 2020 ພະແນກ ຖວທ ແຂວງໂດຍການເປັນປະທານຂອງທ່ານ ນາງ ສຸດາພອນ ຄົມທະວົງ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວ (ຖວທ) ແຂວງຫຼວງພະບາງ, ທ່ານ ບຸນທ່ຽງ ສຸລິວັນ ປະທານສະພາການຄ້າແຂວງຫຼວງພະບາງ, ມີຜູ້ປະກອບການທຸລະກິດ, ຕາງໜ້າຈາກ 6 ພະແນກການອ້ອມຂ້າງທີ່ກ່ຽວຂ້ອງເຂົ້າຮ່ວມ.

ສະໜັບສະໜູນໂດຍ: HONDA

 ທ່ານ ນາງ ສຸດາພອນ ຄົມທະວົງ ກ່າວວ່າ: ຈຸດປະສົງໃນການປຶກສາຫາລືຮ່ວມກັນຄັ້ງນີ້ແມ່ນແນໃສ່ໃຫ້ກຸ່ມຜູ້ປະກອບການທຸລະກິດເພື່ອຊອກຫາແນວທາງແກ້ໄຂປາ ກົດການຫຍໍ້ທໍ້ ແລະຜົນກະທົບຂອງເຊື້ອຈຸລາໂລກສາຍພັນໃໝ່ COVID-19 ຕໍ່ກັບອຸດສາຫະກໍາ

  ການທ່ອງທ່ຽວພາຍໃນແຂວງຫຼວງພະບາງຮ່ວມກັນພ້ອມທັງປະເມີນຜົນກະທົບຂອງທຸລະກິດຂອງຕົນເອງນັບແຕ່ພະຍາດທີ່ເກີດຂຶ້ນໃນເມືອງອູຮັ້ນ ແຂວງຫູເປິຍ ສປຈີນ ແລະມີການລະບາດຢ່າງຮ້າຍແຮງ ແລະ ແຜ່ລາມອອກໄປເປັນວົງກວ້າງໃນຫຼາຍໆປະເທດທົ່ວໂລກ ແລະ ບາງປະເທດກໍ່ໄດ້ປິດປະເທດຫ້າມນັກທ່ອງທ່ຽວເຂົ້າ-ອອກໂດຍບໍ່ມີກໍານົດສາເຫດດັ່ງກ່າວຈຶ່ງເຮັດໃຫ້ນັກທ່ອງທ່ຽວທີ່ເຂົ້າມາທ່ອງທ່ຽວ,ພັກເຊົາຢູ່ຫຼວງພະບາງນັບມື້ມີທ່າອ່ຽງຫຼຸດລົງໄດ້ສົ່ງຜົນກະທົບຕໍ່ດ້ານການທ່ອງທ່ຽວ, ເປັນຕົ້ນແມ່ນແຂກຂອງບັນດາບໍລິສັດທ່ອງທ່ຽວໄດ້ຍົກເລີກ, ໂຮງແຮມ-ລີສອດ, ເຮືອນພັກ ແລະຮ້ານອາຫານມີການສັ່ງຈ່ອງຫຼຸດລົງຢ່າງໜ້າຕົກໃຈ, ສະນັ້ນທາງພາກລັດ-ເອກະຊົນຈະໄດ້ຊອກຫາຊ່ອງທາງວິທີການຮັບມືກັບສະພາບການທີ່ເກີດຂຶ້ນໃຫ້ໄດ້ເພື່ອບໍ່ໃຫ້ມີຈໍານວນຄົນຕົກງານຫຼາຍ.

 ການປຶກສາຫາລືວຽກງານຮ່ວມກັນຄັ້ງນີ້ຈະຊ່ວຍໃຫ້ໃນການແກ້ໄຂ, ການຮັບມືຂອງພາກລັດ ແລະພາກເອກະຊົນຈະສາມາດຜ່ານພົ້ນໄປດ້ວຍດີພ້ອມນີ້ຜູ້ປະກອບການໂຮງແຮມ, ເຮືອນພັກ, ບໍລິສັດທ່ອງທ່ຽວ, ທຸລະກິດຂົນສົ່ງ ແລະຮ້ານອາຫານກໍຕ້ອງໄດ້ເປັນເຈົ້າການນໍາກັນບໍ່ໃຫ້ແຕກຕື່ນຕໍ່ຂ່າວລື, ໃຫ້ມີສະຕິຢ່າເຊື່ອຂ່າວປອມທີ່ໂພສລົງທາງອອນລາຍ ແລະໃຫ້ທຸກໆ ຄົນໃຫ້ມີພັນທະຕໍ່ສັງຄົມ, ມີຄວາມຮ່ວມມືຊ່ວຍກັນເພື່ອຕ້ານຕໍ່ບັນຫາທີ່ເກີດຂຶ້ນ.      

แชร์