ໂຮງຮຽນລ້ຽງເດັກ ອະນຸບານ-ປະຖົມນະພາ ເຂັ້ມງວດປ້ອງກັນໂຄວິດ-19

  ໂຮງຮຽນລ້ຽງເດັກອະນຸບານ-ປະຖົມ ນະພາໜຶ່ງໂຮງຮຽນເອກະຊົນທີ່ທຸ້ມທຸກດ້ານເພື່ອໃຫ້ນັກຮຽນໄດ້ຮັບຄຸນນະພາບທີ່ດີຂະນະທີ່ປະຈຸບັນພະຍາດໂຄວິດ2019 ລະ ບາດຫຼາຍປະເທດທົ່ວໂລກ ແລະຢູ່ປະເທດໃກ້ຄຽງ ແລະພັກ-ລັດ ເຮົາກໍຕິດຕາມເຝົ້າລະວັງຢ່າງເຂັ້ມງວດເຖິງແມ່ນລາວບໍ່ມີຕົວເລກຕິດເຊື້ອຊຶ່ງທາງໂຮງຮຽນເພິ່ນກໍ່ບໍ່ນິ້ງນອນໃຈເລັ່ງເອົາໃຈໃສ່ຈັດຕັ້ງປະຕິບັດນຳເອົາວິຊາການກວດສອບເນັ້ນຄູ-ນັກຮຽນເຮັດຄວາມສະອາດທຸກຄັ້ງເພື່ອປ້ອງກັນຈາກພະຍາດດັ່ງກ່າວ.

  ທ່ານນາງ ເພັນນະພາ ວົງສະໝໍລະພູມ ອຳນວຍການໂຮງຮຽນລ້ຽງເດັກອະນຸບານ-ປະຖົມນະພາໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມຮູ້ວ່າ: ກ່ຽວກັບພະຍາດໂຄວິດ-19 ຖືເປັນພະຍາດຮ້າຍແຮງແຜ່ລ້າມທົ່ວໂລກເຮັດໃຫ້ຜູ້ຄົນຢ້ານເຖິງວ່າລາວຈະບໍ່ມີຄົນຕິດເຊື້ອແຕ່ພັກ-ລັດ ກໍ່ສຸມເອົາໃຈໃສ່ຢ່າງເຂັ້ມງວດສະເພາະທາງໂຮງຮຽນກໍ່ຈັດຕັ້ງປະຕິບັດກວດກາຕາມກົດລະບຽບນຳເອົາວິຊາການກ່ຽວຂ້ອງລົງມາກວດປະຈຳ ແລະ ໄດ້ແນະນຳຄູເອົາໃຈໃສ່ທັງຄູ ແລະ ນັກຮຽນມີວິທີລ້າງມືຖືກຕ້ອງການກິນສະອາດ, ຢູ່ສະອາດຫຼີກເວັ້ນໃຊ້ມືສຳພັດໃບໜ້າ.

  ແນວໃດກໍ່ຕາມອີງຕາມການແຈ້ງພັກໂຈະການຮຽນຂອງອີງຕາມແຈ້ງການຈາກກະຊວງສຶກສາທິການ ແລະກີລາ ເລກທີ1119/ສສກ ວັນທີ 17 ມີນາ 2020 ເພື່ອປ້ອງກັນການລະບາດຂອງພະຍາດດັ່ງກ່າວໃຫ້ແກ່ຄູ-ອາຈານ ບຸກຄະລາກອນທາງການສຶກສານັກຮຽນນັກສຶກສາແຕ່ການສຶກສາໄວຮຽນເຖິງການສຶກສາຂັ້ນສູງທັງພາກລັດ ແລະເອຊົນໃນຂອບເຂດທົ່ວປະເທດທາງໂຮງຮຽນເພິ່ນຈະຄອຍມີກິດຈະກຳ ແລະມີແຜນສອນແບບບໍ່ມີຄວາມສຽງເພື່ອເຮັດໃຫ້ນັກຮຽນມີການຮຽນການສອນບໍ່ຢຸດ ແລະສຳລັບຄ່າໃຊ່ຈ່າຍເດືອນມີນາທາງໂຮງຮຽນແມ່ນຈະຈ່າຍຊົດເຊີຍໃນເດືອນທີ່ເລີ່ມຮຽນໃໝ່ທົດແທນ.

ສະໜັບສະໜູນໂດຍ: HONDA

  ສຳລັບປະຈຸບັນໂຮງຮຽນລ້ຽງເດັກອະນຸບານ-ປະຖົມນະພາ ເມື່ອກ່ອນເປັນໂຮງຮຽນບ້ານຫົວຂົວທີ່ເກົ່າແກ່ ແລະທາງຄອບຄົວໄດ້ມາເຂົ້າພັດທະນາຕົບແຕ່ງໃໝ່ທັງໝົດໂດຍສະເພາະອາຄານ, ທາສີຫ້ອງ, ຕິດແອ, ຫ້ອງໃສ່ກັ້ນເດັກນ້ອຍລົ້ມຊຶ່ງໂຮງຮຽນແມ່ນເລີ່ມເປີດບໍລິການມາແຕ່ປີ 2018-2019 ເປີດປີທຳອິດມີນັກຮຽນ 8 ຄົນ ແລະມາສົກຮຽນ 2019-20120 ຖືວ່າຜູ້ປົກຄອງນັກຮຽນໃຫ້ຄວາມສົມໃຈທີ່ເຮັດໃຫ້ເຫັນຕົວເລກນັກຮຽນເພີ່ມຂຶ້ນ 100ກວ່າຄົນ ຊຶ່ງທາງໂຮງຮຽນເນັ້ນການຮຽນການສອນຕາມຫຼັກສູດກະຊວງສຶກສາທິການ ແລະກີລາວາງອອກ ແລະໄດ້ເສີມພາສາອັງກິດເຂົ້າຮຽນ ແລະສົກຮຽນໜ້ານຳເອົາພາສາຈີນ.

  ສຳລັບໂຮງຮຽນລ້ຽງເດັກອະນຸບານ-ປະຖົມນະພາ ແມ່ນຈະມີຄູສອນທີ່ມີປະສົບການຫຼາຍປີ ແລະຄູຕ່າງປະເທດທີ່ເພິ່ນເນັ້ນເອົາໃຈໃສ່ລະບົບການຮຽນການສອນສະນັ້ນທ່ານໃດສົນໃຈນຳລູກຫຼານມາຮໍ່າຮຽນກໍສາມາດເຂົ້າຫາເພິ່ນໄດ້ທີ່ ບ້ານຫົວຂົວ ເມືອງໄຊເສດຖາ ນະຄອນຫຼວງວຽງຈັນ ຫຼືໂທສອບຖາມ 020 23226395.

แชร์