ຍ້ອນການນຳພາຂອງພັກ ຈຶ່ງເຮັດໃຫ້ທຸລະກິດເຟີນິເຈີເຕີບໃຫຍ່ຂະຫຍາຍຕົວ

  ພັກປະຊາຊົນປະຕິວັດລາວ ແມ່ນຜູ້ຈັດຕັ້ງນຳພາທຸກໄຊຊະນະຂອງການປະຕິວັດລາວທັງເປັນຜູ້ທີ່ໄດ້ນຳພາປະຊາຊົນລາວບັນດາເຜົ່າຂຽນໜ້າປະຫວັດສາດຍຸກໃໝ່ອັນສະຫວ່າງສະໄຫວຂອງຊາດລາວເຮົາສະເພາະຂົງເຂດເສດຖະກິດພັກໄດ້ເອົາການພັດທະນາເສດຖະກິດເປັນໃຈກາງ, ສ້າງເງື່ອນໄຂອຳນວຍຄວາມສະດວກໃຫ້ກຳລັງການຜະລິດຂະຫຍາຍຕົວຢ່າງແຂງແຮງ, ຫັນປ່ຽນເສດຖະກິດທຳມະຊາດໄປສູ່ເສດຖະກິດການຄ້າສ້າງເສດຖະກິດຕະຫຼາດຕາມທິດສັງຄົມນິຍົມໃຫ້ສົມບູນຍີ່ງໆຂຶ້ນຊຶ່ງສີ່ງດັ່ງ ກ່າວໄດ້ກາຍເປັນກຸນແຈສຳຄັນໃຫ້ພາກຫົວໜ່ວຍທຸລະກິດໃນຂະແຫນງການຕ່າງໆ ມີການເຕີບໃຫຍ່ຂະຫຍາຍຕົວຂື້ນມາເລື້ອຍໆ ໂດຍສະເພາະແມ່ນທຸລະກິດກ່ຽວເຟີນີເຈີໄມ້.

   ທ່ານ ກອງມາລາ ພົມມະໄລ ຮອງປະທານສະມາຄົມເຟີນິເຈີລາວ ເຈົ້າຂອງໂຮງງານເຄແອນບີເຟີນີເຈີຊຶ່ງຕັ້ງຢູ່ ບ້ານໂສກປາຫຼວງ ເມືອງສີສັດຕະນາກ ນະຄອນຫຼວງວຽງຈັນໃຫ້ສຳພາດຕໍ່ທີມຂ່າວໜັງສືພິມເສດຖະກິດ-ສັງຄົມ ເນື່ອງໃນໂອກາດຂໍານັບຮັບຕ້ອນວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 65 ປີ ທີ່ຈະໝູນວຽນມາບັນຈົບຄົບຮອບອີກວາລະໜ່ຶງໃນວັນທີ22 ມີນາໜ້ານີ້ວ່າ: ໃນນາມເປັນຄົນລາວກໍຄືນັກທຸລະກິດຜູ້ ໜຶ່ງຮູ້ສຶກມີຄວາມພາກພູມໃຈເປັນຢ່າງສູງທີ່ເກີດຢູ່ໃນຜືນແຜ່ນດິນລາວ ແລະຂໍສະແດງຄວາມຍ້ອງຍໍສັນລະເສີນ ແລະຮູ້ບຸນຄຸນຢ່າງລົ້ນເຫຼືອຕໍ່ຜົນສຳເລັດອັນຍີ້ງໃຫຍ່ໃນການຊີ້ນຳ-ນຳພາຂອງພັກ ປະຊາຊົນ ປະຕິວັດລາວ ນັບແຕ່ສະໄໝ ຕໍ່ສູ້ກູ້ຊາດກໍຄືໃນໄລຍະພາຍຫຼັງປະເທດຊາດໄດ້ຮັບການປົດປ່ອຍພັກປະຊາຊົນປະຕິວັດລາວກໍໄດ້ສືບຕໍ່ວາງແນວທາງນະໂຍບາຍນຳພາປະເທດຊາດໄປສູ່ການປົກປັກຮັກສາ ແລະສ້າງສາພັດທະນາປະເທດຊາດ ແລະພັກໄດ້ມີຄວາມສະດຸ້ງໄວຮູ້ໝູນໃຊ້ທິດສະດີປະຕິວັດເຂົ້າໃສ່ວຽກງານການພັດທະນາເສດຖະກິດ-ສັງຄົມ ເຊື່ອມໂຍງກັບພາກພື້ນ ແລະສາກົນເຮັດໃຫ້ການເມືອງມີຄວາມໝັ້ນຄົງ,ເສດຖະກິດຂອງຊາດນັບມື້ເຂັ້ມແຂງຊີວິດການເປັນຢູ່ຂອງປະຊາຊົນລາວບັນດາເຜົ່າໄດ້ຮັບການປັບປຸງ ແລະຫຼຸດພົ້ນອອກຈາກຄວາມທຸກຍາກເທື່ອລະກ້າວ.

  ທ່ານ ກອງມາລາ ພົມມະໄລ ກ່າວຕື່ມວ່າ: ພາຍໃຕ້ການຊີ້ນຳ-ນຳພາຂອງພັກຕໍ່ຂະແໜງເສດຖະກິດເວົ້າສະເພາະແມ່ນທຸລະກິດເຟີນີເຈີໃນລາວຊຶ່ງສາມາຄົມເຟີນີເຈີໄດ້ເຕົ້າໂຮມຄວາມສາມັກຄີສາມາຊິກເຮັດການຜະລິດສິນຄ້າຕອບສະໜອງໄດ້ຕາມຄວາມຮຽກຮ້ອງຕ້ອງການຂອງຕະຫຼາດພາຍໃນ ແລະ ຕ່າງປະເທດ ແລະ ມີທ່າເຕີບໃຫຍ່ຂະຫຍາຍໄປເລື້ອຍໃນອະນາຄົດສຳລັບໂຮງງານເຄແອນບີເຟີນີເຈີນັບແຕ່ມື້ສ້າງຕັ້ງຂຶ້ນໃນປີ 1987 ເປັນຕົ້ນມາກໍໄດ້ໃຫ້ຄວາມເຊື່ອໝັ້ນສູງຕໍ່ແນວທາງນະໂຍບາຍຂອງພັກ ແລະ ລັດຖະບານໃນແຕ່ລະໄລຍະໂດຍໄດ້ບຸກໜ້າບືນຕົວພັດທະນາຕົນມາຢ່າງບໍ່ຢຸດຢັ້ງເປັນຕົ້ນແມ່ນການຜະລິດ ແລະ ການຈຳໜ່າຍດ້ວຍການນຳສິນຄ້າເຂົ້າ ຮ່ວມງານວາງສະແດງໃນລະດັບຕ່າງໆຢູ່ພາຍໃນ ແລະຕ່າງປະເທດອັນເຮັດໃຫ້ມີຄວາມຄຶກຄື້ນ ແລະເປັນໜ້າຕາສ້າງຊື່ສຽງທີ່ສຳຄັນແກ່ສິນຄ້າຂອງລາວ.

ສະໜັບສະໜູນໂດຍ: HONDA------------

  ຈາກຜົນງານດັ່ງກ່າວໃນຜ່ານມາຈຶ່ງໄດ້ຮັບຫຼຽນການແຮງງານພັດທະນາຊັ້ນ 1 ຈຳນວນ 1 ໜ່ວຍ, ຫຼຽນໄຊແຮງງານຊັ້ນ 3 ຈຳນວນ 1 ໜ່ວຍ ແລະໃບຍ້ອງຍໍຂັ້ນຕ່າງໆຈາກພັກ ແລະລັດຖະບານຫຼາຍໆໃບທັງນີ້ຂ້າພະເຈົ້າສາມາດເວົ້າໄດ້ວ່າພາຍໃຕ້ການການຊີ້ນຳ-ນຳ ພາຂອງພັກປະຊາຊົນປະຕິວັດລາວໄດ້ເຮັດໃຫ້ປະເທດລາວເຮົາມີໂສມໜ້າໃໝ່ ແລະມີການປ່ຽນແປງທີ່ຕັ້ງໜ້າ ແລະຮອບດ້ານບໍ່ມີຍຸກໃດສະໄໝໃດທີ່ປະເທດຊາດຈະຖືກພັດທະນາໃຫ້ຈະເລີນຮຸ່ງເຮືອງຄືແນວນີ້ຍ້ອນມີພັກນຳພາປະເທດພວກເຮົາກໍຄືທຸລະກິດຂອງຂ້າພະເຈົ້າຈື່ງມີການເຕີບໃຫຍ່ຂະຫຍາຍຕົວມາເຖິງທຸກວັນນີ້.

 ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວຄົບຮອບ 65 ປີນີ້ຂ້າພະເຈົ້າຂໍຕາງໜ້າໃຫ້ກັບສະມາຄົມເຟີນີເຈີລາວແລະໂຮງງານເຄແອນບີເຟີນິເຈີອວຍພອນໄຊອັນປະເສີດໃຫ້ແກ່ທ່ານຜູ້ນຳພັກ-ລັດ ຈົ່ງມີສຸຂະພາບເຂັ້ມແຂງສືບຕໍ່ຊີ້ນຳໆພາພັດທະນາປະເທດຊາດໃຫ້ຈະເລີນກ້າວໜ້າຕໍ່ໄປໃນອະນາຄົດ.

แชร์