Redmi  ແບຣນຍ່ອຍ ຂອງ Xiaomi ໄດ້ເປີດໂຕສະມາດໂຟນ Redmi Note ລຸ້ນທຳອິດເມື່ອປີ 2014 ໂດຍມາພ້ອມສະເປັກທີ່ໃກ້ຄຽງກັບເຮືອທຸງແຕ່ມີລາຄາຖືກຫຼາຍ ແລະໄດ້ຮັບຄວາມນິຍົມຢ່າງຫຼວງຫຼາຍລວມທັງລຸ້ນອື່ນໆທີ່ເປີດໂຕຕາມມາດ້ວຍລ້າສຸດ Xiaomi ໄດ້ເປີດເຜີຍວ່າສາມາດຈຳໜ່າຍສະມາດໂຟນ Redmi  Note ທຸກລຸ້ນລວມກັນໄດ້ຫຼາຍເຖິງ 110 ລ້ານເຄື່ອງທົ່ວໂລກແລ້ວ.

   ທັງນີ້ທາງ Redmi ໄດ້ເນັ້ນຢໍ້າຄວາມສຳເລັດຂອງສະມາດໂຟນ Redmi Note ລຸ້ນຕ່າງໆ ທີ່ວາງຈຳໜ່າຍໃນປະເທດອິນເດຍດັ່ງນີ້:

   - Redmi Note 4G ເປັນສະມາດໂຟນລຸ້ນທຳອິດຂອງປະເທດອິນເດຍທີ່ມີລາຄາຕໍ່າກວ່າ 10.000 ຣູປີອິນເດຍ.

   - Redmi Note 4 ມີຍອດຈຳໜ່າຍສູງສຸດຂອງປະເທດອິນເດຍໃນ 3 ໄຕມາດ (ຈາກທັງໝົດ 4 ໄຕມາດ) ເມື່ອປີ 2017.

   - RedmiNote5 ເປັນສະມາດໂຟນທີ່ມີຍອດຈຳໜ່າຍສູງສຸດຂອງປະເທດອິນເດຍເມື່ອປີ 2018 ໂດຍມາພ້ອມກ້ອງຄວາມລະອຽດ 48 ລ້ານພິກເຊລ.

    ໄດ້ມີການຄາດການວ່າ Redmi Note 9 Pro Max ທີ່ຫາກໍໄດ້ຮັບການເປີດໂຕໄປເມື່ອບໍ່ດົນມານີ້ຈະຊ່ວຍເຮັດໃຫ້ຍອດຈຳໜ່າຍສະມາດໂຟນ Redmi Note ເພີ່ມສູງຂຶ້ນອີກ.

แชร์