ແຂ່ງຂັນກີລາບານເຕະມິດຕະພາບ ທຫລ-ສຂ ແລະຜູ້ແທນການເງິນຈຸລະພາກ

   ເພື່ອເປັນການຂໍ່ານັບຊົມເຊີຍ ວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ກໍ່ຄືຊົມເຊີຍຜົນສໍາເລັດກອງປະຊຸມສະຫຼຸບຖອດຖອນ ບົດຮຽນການຄຸ້ມຄອງສະຖາບັນການເງິນຈຸລະພາກປະຈຳປີ 2018 ຊຶ່ງໃນທ້າຍເດືອນມັງກອນ 2019 ຜ່ານມາ; ທະນາຄານແຫ່ງ ສປປ ລາວ (ທຫລ) ໄຈັດຕັ້ງການແຂ່ງຂັນກີລາບານເຕະຟຸດຊໍຢູ່ເດີ່ນກີລາບານເຕະ“ນານາ”ທີ່ນະຄອນໄກສອນ ພົມວິຫານ ແຂວງ ສະຫວັນ ນະເຂດລະຫວ່າງຄະນະນັກກີລາສາຂາທຫລ ສະຫວັນນະເຂດ (ທຫລ-ສຂ) ແລະຄະນະນັກກີລາຜູ້ແທນ ການເງິນຈຸລະພາກ ໂດຍການເຂົ້າຮ່ວມຂອງທ່ານ ນາງ ວັດທະນາ ດາລາລອຍ ຮອງຜູ້ວ່າການ ທຫລ; ພ້ອມນີ້ກໍ່ມີ ທ່ານ ອາລຸນບຸນຍົງ ຫົວໜ້າກົມຄຸ້ມຄອງສະຖາບັນການເງິນແລະມີຄະນະນັກກີລາທັງ 2 ຝ່າຍ ເຂົ້າຮ່ວມ.

  ການແຂ່ງຂັນກີລາໃນຄັ້ງນີ້ເຖິງຈະບໍ່ໃຫຽ່ແຕ່ກໍ່ໄດ້ດໍາເນີນໄປໃນທ່າມກາງບັນຍາກາດແຫ່ງການເບີກບານມ່ວນຊື່ນຊຶ່ງການແຂ່ງຂັນສ່ວນໃຫຍ່ແມ່ນປະກອບດ້ວຍຊາວໜຸ່ມ ເປັນສ່ວນໃຫຍ່ ແລະ ຜ່ານການແຂ່ງ ຂັນປະມານ 10 ນາທີ, ສະຫາຍນວນຕາແກ້ວມະນີຊຶ່ງເປັນວ່າການຫົວໜ້າ ທຫລ ພາກໃຕ້ທີ່ແຂວງຈໍາປາ ສັກ ກໍ່ໄດ້ຍິງເຂົ້າປະຕູຂອງ ທຫລ- ສຂ ຢ່າງງົດງາມ; ແຕ່ທາງດ້ານ ທຫລ-ສຂ ກໍ່ບໍ່ນ້ອຍໜ້າເມື່ອປະຕູ ໂຕຖືກເຈາະໄປກ່ອນ; ສະນັ້ນທ່ານ  ວົງພະຈັນ ແສງສຸວັນວ່າການຫົວໜ້າ  ທຫລ-ສຂ ຈຶ່ງໄດ້ນໍາພາລູກທິມລາກບານເຂົ້າໜ້າປະຕູຂອງຄູ່ກໍລະນີ ແລະ ສາມາດຍິງໃສ່ປະຕູຢ່າງລຽນຕິດເຮັດໃຫ້ຝ່າຍຄະນະຜູ້ແທນ ຕ້ອງອອກແຮງຕ້ານຢ່າງໜັກຂຶ້ນ; ແຕ່ໃນທີ່ສຸດຜ່ານການແຂ່ງຂັນຄັ້ງ ນີ້ທາງຝ່າຍຄະນະນັກກີລາຜູ້ແທນ ການເງິນຈຸລະພາກສາມາດຊະນະ ແລະຍິງປະຕູ ທຫລ-ສຂ10 ປະຕູ ຕໍ່ 6.

  ໃນໂອກາດດັ່ງກ່າວ; ທ່ານ ອາລຸນ ບຸນຍົງ ຫົວໜ້າກົມຄຸ້ມຄອງສະຖາບັນການເງິນໃນນາມຄະນະຮັບຜິດຊອບກອງປະຊຸມວິຊາການ ການຄຸ້ມຄອງສະຖາບັນການເງິນໄດ້ໃຫ້ ຮູ້ວ່າ: ການແຂ່ງຂັນຄັ້ງນີ້; ນອກຈາກເປັນການຂໍ່ານັບຊົມເຊີຍວັນ ສ້າງຕັ້ງກອງທັບປະຊາຊົນລາວຄົບຮອບ 70 ປີ, ຊົມເຊີຍຜົນສໍາເລັດ ກອງປະຊຸມສະຫຼຸບຖອດຖອນບົດ ຮຽນການຄຸ້ມຄອງສະຖາບັນການ ເງິນຈຸລະພາກປະຈຳປີ  2018  ແລ້ວ ຍັງເປັນການຮັດແໜ້ນຄວາມສາ ມັກຄີມິດຕະພາບ, ສຸຂະພາບ ແລະ ບົນພື້ນຖານການພົບປະແລກປ່ຽນດ້ານຄວາມຮູ້-ຄວາມສາມາດໃນການຄຸ້ມຄອງສະຖາບັນການເງິນຈຸ ລະພາກ ແລະໃນຄັ້ງໜ້າພວກເຮົາຍັງຈະສືບຕໍ່ການແຂ່ງຂັນລັກສະນະດຽວກັນພາຍຫຼັງທີ່ສໍາເລັດກອງປະຊຸມວິຊາການແລ້ວ.

แชร์