ປະທານແນວລາວສ້າງຊາດແຂວງເຊກອງເນັ້ນທ່າແຕງ ເພີ່ມບົດບາດ ເຕົ້າໂຮມສາມັກຄີ

  ໃນໂອກາດພົບປະໂອ້ລົມຕໍ່ກອງປະຊຸມທົບທວນຄືນການຈັດຕັ້ງປະຕິບັດແຜນງານໂຄງການອາຫານທ່ຽງຂອງແນວລາວສ້າງຊາດ ເມືອງທ່າແຕງ ຄັ້ງວັນທີ 13 ມີນາຜ່ານມາ ທ່ານ ນາງ ບຸນຮຽງ ບຸນຈິດ ກໍາມະການພັກແຂວງປະທານແນວລາວສ້າງຊາດແຂວງ ເຊກອງ ໄດ້ເນັ້ນໃຫ້ແນວລາວສ້າງຊາດເມືອງທ່າແຕງ ແລະແນວໂຮມບ້ານໃນທົ່ວເມືອງ, ເພີ່ມທະວີຄວາມສາມາດ, ການແບກຫາບ ພາລະບົດບາດ, ເປັນບ່ອນເຕົ້າໂຮມ ແລະເສີມຂະຫຍາຍກ້ອນກຳລັງ ຄວາມສາມັກຄີຂອງປະຊາຊົນບັນ ດາເຜົ່າ, ຊັ້ນຄົນ, ສາສະໜາ ແລະ ສ້າງກຳລັງແຮງອັນມະຫາສານ ໃຫ້ແກ່ການປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະໃໝ່.

 ຊຶ່ງພັກເຮົາຍາມໃດກໍຮູ້ດີວ່າ: ຊາດລາວປະກອບດ້ວຍຫຼາຍຊົນ ເຜົ່າທີ່ມີຈຸດພິເສດດ້ານພາສາປາກ ເວົ້າ, ຮີດຄອງປະເພນີ, ລະດັບການພັດທະນາລວມທັງດ້ານຄວາມຄິດ ແລະທັດສະນະໃນບາງ ດ້ານມີຄວາມແຕກຕ່າງກັນ, ແຕ່ ສິ່ງທີ່ຄົນລາວເຮົາມີຮ່ວມກັນນັ້ນ ຄືຈິດໃຈຮັກຊາດ, ຮັກບ້ານເກີດ ເມືອງນອນ, ຮັກວົງຄະນາຍາດ, ຢາກໃຫ້ບ້ານເມືອງມີຄວາມສະຫງົບ, ປະຊາຊົນມີຄວາມຢູ່ເຢັນ ເປັນສຸກ ແລະຈະເລີນກ້າວໜ້າຂຶ້ນເທື່ອລະກ້າວ, ດ້ວຍເຫດນີ້ສູນກາງ ແນວລາວສ້າງຊາດກໍຄືອົງການ ແນວລາວສ້າງຊາດແຕ່ລະຂັ້ນຕ້ອງ ເປີດກວ້າງ, ເຕົ້າໂຮມ ແລະສ້າງ ໂອກາດໃຫ້ຄົນລາວທຸກຄົນທີ່ຮັກຊາດ, ມີຄວາມປາຖະໜາຢາກປະກອບສ່ວນປົກປັກຮັກສາ ແລະສ້າງສາບ້ານເກີດເມືອງນອນໄປຕາມແນວທາງນະໂຍບາຍຂອງພັກ.

  ທ່ານ ນາງ ບຸນຮຽງ ບຸນຈິດ ປະທານແນວລາວສ້າງຊາດແຂວງ ເຊກອງກ່າວວ່າ: ຄະນະນໍາແນວ ລາວສ້າງຊາດນັບແຕ່ຂັ້ນເມືອງລົງ ສູ່ຮາກຖານບ້ານຕ້ອງເປັນຂົວຕໍ່ ລະຫວ່າງອົງການຈັດຕັ້ງແນວລາວສ້າງຊາດກັບສັງຄົມໃຫ້ກວ້າງຂວາງ ແລະຫຼາກຫຼາຍ, ພ້ອມທັງເຄື່ອນໄຫວຈັດຕັ້ງປະຕິບັດໜ້າທີ່ດ້ວຍຄວາມເປັນເຈົ້າການ ແລະບໍ່ ມີຄວາມອັກຄະຕິ, ມີສະຕິ ແລະ ກ້າຫານຕໍ່ສູ້ຕ້ານກັບທ່າອ່ຽງ ຫຼື ການເຄື່ອນໄຫວປໍລະປັກໃດໜຶ່ງທີ່ຫວັງທຳລາຍຄວາມສາມັກຄີປ່ອງດອງຂອງປະຊາຊົນບັນດາເຜົ່າ ແລະ ບັນດາທຸກຊັ້ນຄົນໃນທົ່ວເມືອງທ່າແຕງຢ່າງເຂັ້ມງວດ, ແນໃສ່ເຮັດໃຫ້ທຸກອົງການຈັດຕັ້ງ, ປະຊາຊົນໄດ້ມີສ່ວນຮ່ວມ, ມີການວາງແຜນ, ມີການຊຸກຍູ້ໃຫ້ເດັກນ້ອຍອາຍຸແຕ່ 6-23 ເດືອນຕ້ອງໄດ້ ຮັບອາຫານເສີມ ໂດຍຕິດພັນກັບ ທຸກກິດຈະກໍາຂອງອົງການອາຫານໂລກວາງອອກເພື່ອສ້າງຄວາມເຂັ້ມແຂງໃຫ້ອົງການຈັດຕັ້ງບ້ານ, ແນວໂຮມ ແລະໂຮງ ຮຽນປະຖົມສົມບູນໃນບ້ານເປົ້າໝາຍ 47 ບ້ານທົ່ວ ເມືອງທ່າແຕງ.

__________

ຂຽນໂດຍ: ພອນ ບຸນອຸທິດ  

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ສົນໃຈລົງໂຄສະນາໄດ້ທີ່:  021 313645, 316511

 

แชร์