ຊຸກຍູ້ 11 ບ້ານ ສ້າງຄວາມເຂັ້ມແຂງໃນການພັດທະນາຕາມທ່າແຮງ

  ເມື່ອອາທິດຜ່ານມາທ່ານ ສີສົມພາ ໄຊແກ້ວຍະວົງ ເລຂາຄະນະບໍລິຫານງານຊາວໜຸ່ມເມືອງ ທັງເປັນຫົວໜ້າເຂດຈຸດສຸມພັດທະນາທີ 3 ກະປື ໄດ້ລົງຢ້ຽມຢາມ ແລະຊຸກຍູ້ການພັດທະນາ 11 ໝູ່ບ້ານຄື: ບ້ານວາງໃໝ່, ບ້ານໃໝ່ ລິດສໍາພັນ, ບ້ານກໍາກອກ, ບ້ານ ກະປື, ບ້ານໜອງນົກ, ບ້ານແສນ, ບ້ານເກາະລະກາງ, ບ້ານເກາະຫົວ ພູ, ບ້ານຫຼີກ, ບ້ານຈະຫຼາມເກົ່າ ແລະບ້ານຈະຫຼາມໃໝ່ ເພື່ອພັດທະນາບ້ານຕາມທ່າແຮງທີ່ບົ່ມຊ້ອນ ເຂົ້າໃນການຜະລິດເປັນສິນຄ້າໃຫ້ນັບມື້ນັບເພີ່ມຂຶ້ນ.

  ໃນໂອກາດຫົວໜ້າເຂດຈຸດສຸມ ພັດທະນາທີ 3 ກະປື ໄດ້ລົງຢ້ຽມ ຢາມ ແລະຊຸກຍູ້ການພັດທະນາ11 ບ້ານທີ່ຂຶ້ນກັບຄວາມຮັບຜິດຊອບຂອງຕົນທ່ານໄດ້ໃຫ້ທິດຊີ້ນໍາຫຼາຍບັນຫາທີ່ຍັງຄົງຄ້າງຢູ່ແຕ່ລະບ້ານ ໂດຍສະເພາະການສ້າງກອງທຶນ ປກສ-ປກຊ ຂັ້ນບ້ານ, ການສ້າງ ໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນໃນແຕ່ລະປີ ລວມໄປ ເຖິງການຜະລິດສິນຄ້າອື່ນໆທີ່ບໍ່ ທັນເຂັ້ມແຂງເທົ່າທີ່ຄວນ, ເນື່ອງ ມາຈາກການປະຕິບັດຕົວຈິງຂອງອົງການປົກຄອງແຕ່ລະບ້ານ ແລະຂະແໜງການກ່ຽວຂ້ອງຂັ້ນບ້ານ ບໍ່ທັນເຂັ້ມແຂງດ້ານການຈັດຕັ້ງ ເທົ່າທີ່ຄວນ ຊຶ່ງສະແດງໃຫ້ເຫັນ ການວາງລະບຽບຫຼັກການຕ່າງໆ ຢູ່ໃນແຕ່ລະບ້ານບໍ່ທັນສອດຄ່ອງກັບລະບຽບກົດໝາຍ, ລັດຖະທຳມະນູນ ແລະນິຕິກຳຕ່າງໆທີ່ພັກລັດວາງອອກຢ່າງແທ້ຈິງ.

   ໂດຍລວມແລ້ວການປະຕິບັດ ໜ້າທີ່ການເມືອງບໍ່ໜັກແໜ້ນເຂັ້ມ ແຂງ, ບ້ານຕ້ອງເປັນເຈົ້າການຊີ້ນໍາໆພາທຸກວຽກງານທີ່ປິ່ນອ້ອມ ຂຶ້ນກັບຄວາມຮັບຜິດຊອບຂອງຕົນໃຫ້ເຂັ້ມແຂງຂຶ້ນກວ່າເກົ່າ,ໂດຍ ນໍາເອົາວຽກງານການເມືອງ ແນວ ຄິດເຂົ້າວິຊາສະເພາະ, ເຮັດວຽກເປັນໝູຄະນະ, ບຸກຄົນຮັບຜິດຊອບ ຈະແຈ້ງ, ເພີ່ມທະວີການຮ່ວມມືກັບ ຂະແໜງການກ່ຽວຂ້ອງ ເພື່ອສ້າງ ໂຄງປະກອບເສດຖະກິດຫັນໄປ ຕາມທິດອຸດສາຫະກຳ ແລະທັນສະໄໝໄປຄຽງຄູ່ກັບການປັບປຸງອຳນາດລັດໃຫ້ມີປະສິດທິພາບ, ມີຄວາມສັກສິດ, ປອດໃສ ແລະຮັບ ໃຊ້ປະຊາຊົນຢ່າງແທ້ຈິງ ໂດຍມີອົງການຈັດຕັ້ງທີ່ສົມຄູ່, ກະທັດ ຮັດສົມເຫດສົມຜົນ, ເດັດດ່ຽວ ກໍາຈັດປັດເປົ່າພະຍາດອາດຍາສິດ, ສໍ້ລາດບັງຫຼວງ ລວມໄປເຖິງປາ ກົດການຫຍໍ້ທໍ້ຕ່າງໆຢູ່ໃນຂອງກົງ ຈັກລັດ ແລະສັງຄົມຢ່າງເຂັ້ມ ງວດ.

---------

ໜັງສືພິມເສດຖະກິດ-ສັງຄົມ

• 19/03/2020