ຕາດກວາງຊີ ອີກສະຖານທີ່ທ່ອງທ່ຽວ ທີ່ໜ້າທ່ຽວທີ່ສຸດ

ເມີ່ືອເອີ່ຍເຖິງແຂວງຫຼວງພະບາງຫຼາຍໆທ່ານຄົງຈະນຶກເຖິງນະຄອນຫຼວງພະບາງເປັນອັນດັບທໍາອິດເນື່ອງຈາກວ່າແຂວງຫຼວງພະບາງແຫ່ງນີ້ເປັນແຂວງແຫ່ງສະເໜ່ທີ່ດຶງດູດນັກທ່ອງທ່ຽວເຂົ້າມາຊົມຄວາມງາມຂອງທິວທັດທໍາມະຊາດ.ແຕ່ທ່ານຮູ້ຫຼືບໍ່ວ່າໃນນັ້ນແຂວງຫຼວງພະບາງກໍ່ເປັນອີກແຂວງ ໜຶ່ງທີ່ມີສະຖານທີ່ທ່ອງທ່ຽວບໍ່ນ້ອຍໜ້າແຂວງອື່ນໆເຊັ່ນກັນແລະໃນປະຈຸບັນນີ້ແຫ່ງທ່ອງທ່ຽວທີ່ຂຶ້ນຊື່ ແລະ ທັງເປັນດິນແດນອະລິຍະທໍາຂອງແຂວງຫຼວງພະບາງໃນຕໍານານດິນແດນແຫ່ງນໍ້າຕົກຕາດກວາງຊີຊຶ່ງອຸດົມໄປດ້ວຍທໍາມະຊາດ ແລະ ທິວທັດບັນຍາກາດດີອຸດົມສົມບູນເຕັມໄປດ້ວຍສີສັນຂອງພູຜາປ່າໄມ້ຂຽວງາມອຸມທຸມ ແລະ ໃນດິນແດນແຫ່ງນີ້ ຍັງມີສະຖານທີ່ທ່ອງທ່ຽວອີກຫຼາຍຫຼາຍຄ່ອຍຜູ້ຄົນໄປສໍາຜັດ.

  ຕາດກວາງຊີຕັ້ງຢູ່ບ້ານທ່າແປ້ນຫ່າງຈາກນະຄອນຫຼວງພະບາງໄປທາງທິດຕະເວັນຕົກສຽງໃຕ້ປະມານ 32 ກິໂລແມັດເມື່ອເຖິງບ່ອນຈອດລົດຕ້ອງຍ່າງຕີນຂຶ້ນໄປອີກປະມານ 300 ແມັດຈະເຖິງຕົວນ້ຳຕົກຕາດ.ການເດີນທາງສາມາດເໝົາລົດ 3 ລໍ້ຫຼືລົດສອງແຖວຈາກໃນຕົວເມືອງຫຼືຖ້າຢາກສະດວກສະບາຍໄປກວ່ານັ້ນກໍສາມາດເຊົ່າລົດຕູ້ປັບອາກາດຊຶ່ງມີທັງແບບເຊົ່າເໝົາຄັນຫຼືຫາກເດິນທາງມານ້ອຍຄົນກໍສາມາດຊື້ປີ້ໂດຍສານລົດຕູ້ຈາກຕົວແທນບໍລິສັດທ່ອງທ່ຽວໄດ້ທຸກແຫ່ງຊຶ່ງກໍຈະຕ້ອງໄປກັບຜູ້ຮ່ວມທາງຄົນອື່ນໆທີ່ມີ ຈຸດໝາຍດຽວກັນຕະຫຼອດເສັ້ນທາງເປັນຖະໜົນປູຢາງສາມາດຊົມວິວທິວທັດໝູ່ບ້ານຊົນນະບົດຕ່າງໆໃຊ້ເວລາເດິນທາງປະມານ 45 ນາທີ ກໍຈະຮອດສະຖານທີ່ດັ່ງກ່າວ.

  ນ້ຳຕົກຕາດກວາງຊີເປັນນ້ຳຕົກຫີນປູນຂະໜາດໃຫຍ່ສູງປະມານ 80 ແມັດມີສາຍນ້ຳໄຫຼອາບມາຕາມໜ້າຜາຜ່ານໂຂດຫີນນ້ອຍໃຫຍ່ຮູບຊົງແປກຕາລົງສູ່ແອ່ງນ້ຳເບື້ອງລຸ່ມມີນ້ຳໄຫຼຕະຫຼອດປີແຕ່ໃນລະດູຮ້ອນນ້ຳຂ້ອນຂ້າງນ້ອຍສະພາບປ່າມີຄວາມຮົ່ມເຢັນດ້ານລຸ່ມມີຂົວແລະເສັ້ນທາງເດີນຊົມອ້ອມຮອບນ້ຳຕົກແລະບ່ອນນັ່ງໃຫ້ຊົມວິວທິວທັດລວມທັງມີຫ້ອງສຳລັບປ່ຽນເຄື່ອງແຕ່ງຕົວສຳລັບທ່ານທີ່ຕ້ອງການລົງຫຼິ້ນນ້ຳຕົກອີກດ້ວຍແຕ່ຫາກຕ້ອງການຄວາມງຽບສະຫງົບແລະເປັນສ່ວນຕົວສາມາດຍ່າງລັດເລາະຂຶ້ນໄປເທິງ ນ້ຳຕົກຊັ້ນເທິງເມື່ອມ່ວນຊື່ນກັບທຳມະຊາດແລະຄວາມສວຍງາມຂອງນ້ຳຕົກຕາດແລ້ວບໍລິເວນລານຈອດລົດດ້ານລຸ່ມມີຮ້ານອາຫານຕາມສັ່ງຫຼາກຫຼາຍຮ້ານໄວ້ຄອຍຖ້າບໍລິການ.

แชร์