ຊຽງຂວາງ ສອບເສັງຄັດເລືອກເອົາລັດຖະກອນຄູ

 ພິທີສອບເສັງຄັດເລືອກເອົາ ລັດຖະກອນຄູ ແລະບໍລິຫານຂະ ແໜງການສຶກສາ-ກີລາ ປະຈໍາປີ 2020 ຊຶ່ງຈັດໂດຍພະແນກສຶກສາ ທິການ ແລະກີລາແຂວງ (ສກຂ) ຊຽງຂວາງ ມີຂຶ້ນໃນວັນທີ 16 ມີນາ 2020 ນີ້ ທີ່ໂຮງຮຽນ ມສ ໂພນສະຫວັນ ພາຍໃຕ້ການເປັນປະທານຂອງທ່ານ ບົວລີ ພັນນາວົງ ຫົວໜ້າພະແນກ ສກຂ, ເຂົ້າຮ່ວມມີ ທ່ານ ສີຈັນ ຈິດຕະປັນຍາພະນັກ ງານກໍ່ສ້າງຮາກຖານກະຊວງສຶກສາທິການ ແລະກີລາຕາງໜ້າໃຫ້ ກະຊວງສຶກສາທິການ ແລະກີລາ, ມີຜູ້ຕາງໜ້າຈາກພະແນກພາຍໃນ ແຂວງ, ພະແນກກວດກາລັດ ແລະ ຫ້ອງການສະພາເຂດ 9 ແຂວງ ຊຽງຂວາງ, ຜູ້ຕາງໜ້າຫ້ອງການ ສຶກສາທິການ ແລະກີລາເມືອງ 7 ເມືອງທົ່ວແຂວງຕະຫຼອດຮອດຄະນະຮັບຜິດຊອບການສອບເສັງ, ກໍາມະການກວດບົດ, ກໍາມະການ ຍາມຫ້ອງສອບ ແລະນັກສຶກສາທີ່ເປັນຄູອາສາສະໝັກເຂົ້າຮ່ວມ ເກືອບ 200 ຄົນ.

  ທ່ານ ນາງ ດາວອນ ເດດລົງ ສອນ ຫົວໜ້າຂະແໜງຈັດຕັ້ງ-ພະນັກງານພະແນກ ສກຂ ໄດ້ກ່າວ ລາຍງານໃຫ້ຮູ້ເຖິງຈຸດປະສົງເປົ້າ ໝາຍຂອງການຈັດສອບເສັງຄັດ ເລືອກເອົາລັດຖະກອນຄູ ແລະບໍລິຫານຂະແໜງການສຶກສາ-ກີລາປະຈໍາປີ 2020 ຢູ່ແຂວງຊຽງ ຂວາງ ຄັ້ງນີ້ນອກຈາກເປັນການປະຕິບັດຕາມຄໍາສັ່ງແນະນໍາຂອງທ່ານລັດຖະມົນຕີກະຊວງສຶກສາ ທິການ ແລະກີລາ ສະບັບເລກທີ 272 ລົງວັນທີ 20 ກຸມພາ 2020 ນີ້ແລ້ວ, ຍັງເປັນການຄັດເລືອກ ເອົາບຸກຄະລາກອນຜູ້ທີ່ມີຄວາມຮູ້ ຄວາມສາມາດ ແລະມີຄຸນສົມບັດ ສິນທໍາປະຕິວັດ, ຮັກມັກອາຊີບທີ່ ຕົນເອງຮຽນມາເພື່ອປະກອບເຂົ້າ    ເປັນລັດຖະກອນຄູ ແລະລັດຖະກອນບໍລິຫານໃຫ້ຖືກຕ້ອງຕາມເງື່ອນໄຂມາດຖານເພື່ອຮັບໃຊ້ສັງຄົມ ແລະປະເທດຊາດ, ນອກນັ້ນຍັງ ເປັນການຈັດແບ່ງທຶນເປັນໄປດ້ວຍ ຄວາມໂປ່ງໃສບໍລິສຸດຍຸດຕິທໍາ ແລະສາມາດກວດສອບໄດ້.

 ສໍາລັບສົກປີ 2020 ນີ້ ແຂວງ ຊຽງຂວາງ ໄດ້ຮັບໂກຕາລັດຖະກອນຄູ ແລະບໍລິຫານຂະແໜງການ ສຶກສາ-ກີລາທັງໝົດ 43 ທຶນ, ໂດຍ ມີຄູອາສາທີ່ສອນມາແລ້ວເປັນ ເວລາ 6 ປີ ແລະນັກສຶກສາຄູຈົບ ໃໝ່ຈໍານວນໜຶ່ງສະໝັກເຂົ້າມາ ສອບເສັງຄັດເລືອກທັງໝົດ 190 ຄົນ, ຍິງ 114 ຄົນ, ເພາະອີງຕາມ ຄໍາແນະນໍາຂອງທ່ານລັດຖະມົນຕີ ກະຊວງສຶກສາໃຫ້ຄັດເລືອກຈາກ ຄູອາສາສະໝັກ 90% ແລະນັກ ສຶກສາຄູທີ່ຮຽນຈົບໃໝ່ 10%, ໃນນັ້ນໄດ້ແບ່ງອອກເປັນ 6 ຫ້ອງສອບ ເສັງເພື່ອສະດວກໃນການຕິດຕາມກວດການັກສອບ, ການສອບເສັງ ຄັດເລືອກຈະຈັດຢູ່ 3 ຮອບ, ຮອບ ທໍາອິດແມ່ນສອບເສັງພາກທິດສະດີ, ຮອບທີ່ສອງແມ່ນເຂົ້າສູ່ພາກ ປະຕິບັດຕົວຈິງໃຫ້ນັກສອບແຕ່ງ ບົດສອນ ແລະສອນສາທິດຕົວຈິງ ແລະຮອບທີສາມແມ່ນຮອບສໍາພາດນັກສອບ ໂດຍຈະໃຊ້ເວລາ ທັງໝົດ 3 ວັນ ຈຶ່ງສໍາເລັດ, ຫຼັງຈາກນັ້ນຄະນະຮັບຜິດຊອບຈະສັງ ລວມຜົນຂອງການສອບແລ້ວລາຍ ງານໃຫ້ກະຊວງສຶກສາທິການ ແລະ ກີລາໃນທ້າຍອາທິດນີ້ເພື່ອຕັດສິນ ຜົນຂອງການສອບເປັນທາງການ.

 ໂອກາດນີ້ທ່ານ ບົວລີ ພັນນາວົງ ໄດ້ຍົກຍ້ອງເຖິງນໍ້າໃຈຂອງຄູ ອາສາທີ່ໄດ້ສະຫຼະສິດຜົນປະໂຫຍດ ຂອງຕົນເພື່ອຜົນປະໂຫຍດຂອງປະເທດຊາດເປັນເວລາຫຼາຍປີ ໂດຍບໍ່ຫວັງຄ່າຕອບແທນ, ທ່ານຍັງໄດ້ ຮຽກຮ້ອງໃຫ້ນັກສຶກສາທຸກຄົນ ຈົ່ງມີຄວາມອຸ່ນອຽນທຸ່ນທ່ຽງ, ເຖິງ ຈະໄດ້ ຫຼື ເສຍກໍໃຫ້ສືບຕໍ່ເຮັດໜ້າທີ່ຕໍ່ໄປ, ພ້ອມທັງຮຽກຮ້ອງໃຫ້ທຸກ ຄົນຈົ່ງພ້ອມກັນເອົາໃຈໃສ່ຕໍ່ບັ້ນ ການສອບເສັງໃຫ້ມີຜົນສໍາເລັດ.

-----

ໂດຍ: ຄານສີສະຫວັນ

แชร์