ທ່າແຂກ ປະກາດ ຮັບຮອງເອົາ 4 ບ້ານໃນເທດສະບານເມືອງເປັນບ້ານເຂັ້ມແຂງ

 ວັນທີ 12 ມີນາ 2020 ນີ້ ທີ່ສະໂມສອນຫ້ອງວ່າການເມືອງ ທ່າແຂກ ໄດ້ມີພິທີປະກາດ-ຮັບ ຮອງເອົາ 4 ບ້ານຂອງເທດສະບານ ເມືອງຄື: ບ້ານທ່າແຂກກາງ,ບ້ານ ສັນຕິສຸກ, ບ້ານຈອມທອງ ແລະ ບ້ານຈອມເພັດ ເປັນບ້ານໜັກແໜ້ນເຂັ້ມແຂງ ຊຶ່ງເປັນບ້ານທີ່ 1.2.3.4 ຂອງເມືອງທ່າແຂກ ແລະແຂວງຄຳມ່ວນ ເປັນກຽດເຂົ້າ ຮ່ວມຂອງ ທ່ານ ແກ້ວລັນດອນ ຈັນທະປານີ ກຳມະການພັກແຂວງ ເລຂາພັກເມືອງ ເຈົ້າເມືອງໆທ່າແຂກ, ທ່ານ ໄພວັນ ໜູນຄຳໄຊ ຮອງຫົວ ໜ້າພະແນກພາຍໃນແຂວງ ຄຳ ມ່ວນ, ມີຄະນະບໍລິຫານງານພັກ ເມືອງ, ຫ້ອງການພາຍໃນເມືອງ ເຊບັ້ງໄຟ, ໜອງບົກ, ບົວລະພາ ແລະພໍ່ແມ່ປະຊາຊົນພາຍໃນ 4 ບ້ານເຂົ້າຮ່ວມ.

 ໃນພິທີດັ່ງກ່າວ ທ່ານ ບຸນປັນ ສີບຸນເຮືອງ ນາຍບ້ານໆທ່າແຂກ ກາງ ຕາງໜ້າໃຫ້ອຳນາດການປົກຄອງທັງ 4 ບ້ານ ຂຶ້ນຜ່ານບົດສະຫຼຸບການສ້າງບ້ານໜັກແໜ້ນເຂັ້ມ ແຂງ ຊຶ່ງບັນດາບ້ານນອນຢູ່ໃນກຸ່ມເທດສະບານເມືອງ ມີເນື້ອທີ່ທັງໝົດ 166,372 ເຮັກຕາ, ເນື້ອທີ່ດິນນາ 31 ເຮັກຕາ, ເນື້ອທີ່ດິນສວນ 6,58 ເຮັກຕາ, ເນື້ອທີ່ປຸກສ້າງ 111,526 ເຮັກຕາ ປະກອບມີ 1.320 ຫຼັງຄາເຮືອນ, ມີ 1.408 ຄອບຄົວ, ມີພົນລະເມືອງ 7.092 ຄົນ, ຍິງ 3.587 ຄົນ ເປັນບ້ານ ທີ່ມີທ່າແຮງດ້ານ ການບໍລິການ-ການທ່ອງທ່ຽວ ແລະປະຊາຊົນສ່ວນໃຫ່ຍຖືເອົາອາຊີບບໍລິການ ເປັນຕົ້ນຕໍ ໂດຍປະຕິບັດຕາມຂໍ້ຕົກ ລົງຂອງລັດຖະມົນຕີກະຊວງພາຍ ໃນສະບັບເລກທີ 969/ພນ, ລົງ ວັນ ທີ 26 ທັນວາ 2016 ວ່າດ້ວຍມາດຕະຖານໜັກແໜ້ນເຂັ້ມແຂງຜ່ານ ການຈັດຕັ້ງປະຕິບັດເຫັນໄດ້ວ່າທັງ 4 ບ້ານ ສາມາດບັນລຸເກີນກວ່າ 95% ໃນຈໍານວນເງື່ອນໄຂຕາມ 10 ມາດຕະຖານຂອງການສ້າງ ບ້ານໜັກແໜ້ນເຂັ້ມແຂງ ໂດຍອີງ ໃສ່ການປະຕິບັດຂອງອົງການຈັດ ຕັ້ງ ແລະພໍ່ແມ່ປະຊາຊົນໃນຜ່ານມາ ໄດ້ຢັ້ງຢືນໃຫ້ເຫັນຄື: ອົງການປົກ ຄອງບ້ານມີ 5 ໜ່ວຍງານຊ່ວຍວຽກບ້ານ, ມີການປະກອບບຸກຂະລາກອນຕາມລະບຽບການ, ມີລະບຽບໃນການຄຸ້ມຄອງບໍລິຫານ ບ້ານ,ມີຫ້ອງການບ້ານຖາວອນ,ມີການປະຈຳການຂອງອົງການ ປົກຄອງບ້ານປົກກະຕິ, ມີແຜນ ພັດທະນາຂອງບ້ານ, ມີລາຍຮັບ ກຸ້ມລາຍຈ່າຍບໍລິຫານປົກກະຕິ, ມີການເຜີຍແຜ່ເຊື່ອມຊຶມແນວທາງ ນະໂຍບາຍຂອງພັກກົດໝາຍ ແລະ ລະບຽບຂອງລັດ, ມີການຈົດທະບຽນການເກີດຢ່າງໜ່ອຍ 80% ແລະມີການບໍລິການທີ່ດີຂອງອົງ ການປົກຄອງບ້ານ.

 ນອກນັ້ນໃນງານດັ່ງກ່າວຍັງ ໄດ້ມອບ-ຮັບໃບຢັ້ງຢືນໃຫ້ 4 ບ້ານ ເພື່ອເປັນການສືບຕໍ່ເສີມຂະຫຍາຍ ມູນເຊື້ອພ້ອມທັງຮັກສາໄດ້ນາມມະຍົດວ່າເປັນບ້ານໜັກແໜ້ນເຂັ້ມ ແຂງ ໃນໂອກາດດັ່ງກ່າວທ່ານ ແກ້ວລັນດອນ ຈັນທະປານີ ເຈົ້າ ເມືອງທ່າແຂກ ຮຽກຮ້ອງໃຫ້ພໍ່ແມ່ ປະຊາຊົນ ແລະການຈັດຕັ້ງທຸກຂັ້ນ ພາຍໃນບ້ານຈົ່ງເຊີດຊູຄວາມເປັນ ເຈົ້າຂອງຕົນເອງ, ເຈົ້າຂອງປະເທດຊາດ ເອົາໃຈໃສ່ຈັດຕັ້ງປະຕິບັດ ຕາມທິດທາງນະໂຍບາຍຂອງ ພັກ-ລັດວາງອອກແຕ່ລະໄລຍະ, ເອົາໃຈໃສ່ສືບຕໍ່ພັດທະນາບ້ານໃຫ້ກາຍເປັນບ້ານໜັກແໜ້ນເຂັ້ມແຂງ ທີ່ອຸດົມສົມບູນ ແລະກາຍເປັນຕົວ ແບບ ຂອງບ້ານໜັກແໜ້ນເຂັ້ມແຂງ ໃຫ້ແກ່ບ້ານອື່ນໆພາຍໃນເມືອງທ່າແຂກກໍ່ຄືແຂວງຄຳມ່ວນ.

--------

ຂ່າວ: ເພັດດາລາ

แชร์