ເຈົ້າເມືອງໄຊພູທອງ ລົງຊຸກຍູ້ການກໍ່ສ້າງທາງເບຕົງຢູ່ກ່ມບ້ານທີ 3-4

 ໃນວັນທີ 11 ກຸມພາ 2020 ນີ້, ທ່ານ ຄໍາວິໃສ ຜຸຍຍະວົງ ເຈົ້າເມືອງໄຊພູທອງ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ ເບິ່ງຂະບວນການກໍ່ສ້າງເສັ້ນທາງ ເບຕົງເສີມເຫຼັກຢູ່ 2 ກຸ່ມບ້ານຄື:ກຸ່ມບ້ານທີ 3 ບ້ານພູມມະເຈດີ ແລະ ບ້ານມ່ວງໄຂ່ ກຸ່ມບ້ານທີ່ 4 ຂອງ ເມືອງໄຊພູທອງ ແຂວງສະຫວັນນະເຂດ .

  ສໍາລັບການກໍ່ສ້າງເສັ້ນທາງຢູ່ ກຸ່ມບ້ານທີ 3 ພູມມະເຈດີ ແມ່ນໄດ້ ເລີ່ມລົງມືກໍ່ສ້າງມາແຕ່ຕົ້ນເດືອນ ກຸມພານີ້, ເສັ້ນທາງຜ່ານບ້ານແຍກໄປຫາໂຮງຮຽນ ມ/ສ ພມມູເຈດີ ມີຄວາມຍາວ 235 ແມັດ, ກວ້າງ  6 ແມັດ, ໜາ 15 ຊັງຕີແມັດ ຊຶ່ງມີມູນຄ່າກໍ່ສ້າງເສັ້ນທາງທັງໝົດ 105  ລ້ານກວ່າກີບ ໂດຍແມ່ນທຶນ ປະກອບສ່ວນຂອງພໍ່ແມ່ປະຊາຊົນ ແລະການປະກອບສ່ວນຂອງນັກ ທຸລະກິດພາຍໃນບ້ານ ໂດຍນໍາໃຊ້ ແຮງງານຂອງພໍ່ແມ່ປະຊາຊົນ 100%, ການກໍ່ສ້າງເສັ້ນທາງແມ່ນ ໄດ້ມອບໃຫ້ແຕ່ລະໜ່ວຍພາຍໃນ ບ້ານຜັນປ່ຽນກັນແຕ່ລະວັນຈົນ ກວ່າເສັ້ນທາງດັ່ງກ່າວຈະສໍາເລັດ. ການກໍ່ສ້າງເສັ້ນທາງນີ້, ສິ່ງສໍາຄັນກໍ່ເພື່ອສ້າງຄວາມສາມັກຄີຂອງປະຊາຊົນພາຍໃນບ້ານ ທັງເຮັດໃຫ້ ການສັນຈອນໄປມາຂອງປະຊາຊົນ ພາຍໃນບ້ານມີຄວາມສະດວກສະບາຍໃນການສັນຈອນໄປມາ ໃຫ້ດີຂຶ້ນ.

 ສ່ວນການກໍ່ສ້າງເສັ້ນທາງຢູ່ ກຸ່ມບ້ານທີ 4 ເຂດບ້ານມ່ວງໄຂ ຊຶ່ງກໍ່ໄດ້ກໍ່ສ້າງເສັ້ນທາງເບຕົງ ເສີມເຫຼັກເຊັ້ນດຽວກັນ ໂດຍແມ່ນ ບໍລິສັດພູທອງຈະເລີນຊັບເປັນຜູ້ ຮັບເໝົາກໍ່ສ້າງ ໄດ້ເລີ່ມລົງມືກໍ່ສ້າງ ມາແຕ່ວັນທີ 4 ກຸມພາ 2020 ເປັນ ຕົ້ນມາ, ເສັ້ນທາງດັ່ງກ່າວແມ່ນໄດ້ ກໍ່ສ້າງແຕ່ແຍກທາງບ້ານມ່ວງໄຂຫາບ້ານດອນຕູນ ຊຶ່ງມີຄວາມຍາວ 455 ແມັດ, ກວ້າງ 6 ແມັດ, ໜາ 15 ຊັງຕີແມັດ, ມີມູນຄ່າກໍ່ສ້າງທັງໝົດ 595 ລ້ານກວ່າກີບ.

 ຈາກນັ້ນ, ທ່ານເຈົ້າເມືອງໄຊ ພູທອງ ພ້ອມຄະນະກໍ່ຍັງໄດ້ໄປເບິ່ງ ການສ້ອມແປງຂົວຫ້ວຍໂດນລະຫວ່າງບ້ານພູມມະເຈດີຫາບ້ານ ໂພນທາດ ທີ່ໄດ້ຮັບຜົນກະທົບຈາກ ໄພພິບັດນໍ້າຖ້ວມເຊາະເຈື່ອນຫັກ ຊຸດລົງໃນປີ2019 ຜ່ານມາ ທີ່ໄດ້ສ້າງຄວາມເສຍຫາຍໜັກສົມຄວນເຮັດໃຫ້ເຮັດໃຫ້ການສັນຈອນໄປ ມາພົບຄວາມລໍາບາກ, ຂົວຫ້ວຍ ໂດນມີຄວາມຍາວ 20 ແມັດ, ກວ້າງ 5 ແມັດ, ມີມູນຄ່າໃນການສ້ອມ ແປງທັງໝົດ 300 ກວ່າລ້ານກີບ ໂດຍແມ່ນນໍາໃຊ້ທຶນໄຟພິບັດ ຂອງ ແຂວງ. ເຊິ່ງແມ່ນບໍລິສັດບໍລິສັດພູ ທອງຈະເລີນຊັບເປັນຜູ້ຮັບເໝົາກໍ່ ສ້າງຄາດວ່າຈະໃຫ້ສໍາເລັດໃນ ທ້າຍເດືອນເມສາປີ 2020 ນີ້.

--------

ໜັງສືພິມເສດຖະກິດ-ສັງຄົມ

แชร์