ເມືອງນາກາຍ ປະຕິບັດລວມຍອດລາຍຮັບບັນລຸໄດ້ 248 ຕື້ກີບ

 ການຈັດຕັ້ງປະຕິບັດລວມຍອດລາຍຮັບໃນ 5 ປີຜ່ານມາຂອງ ເມືອງນາກາຍ ແຂວງຄຳມ່ວນ ຕາມ 5 ແຜນງານ, 23 ໂຄງການ ແລະ ການປຸກລະດົມທຶນຈາກພາກສ່ວນ ຕ່າງໆທັງພາຍໃນ ແລະຕ່າງປະເທດ ເພື່ອປະກອບເຂົ້າໃນການພັດ ທະນາເສດຖະກິດ-ສັງຄົມຂອງ ເມືອງ ເຮັດໃຫ້ເສດຖະກິດມີການຂະຫຍາຍຕົວໃນລະດັບ 6,17% ຕໍ່ປີ, ລາຍຮັບລວມຍອດປະຕິບັດໄດ້ 248 ຕື້ກີບ, ສະເລ່ຍ 1.073 ໂດລາ ສະຫະລັດຕໍ່ຄົນຕໍ່ປີ ທຽບໃສ່ແຜນ 5 ປີ ລື່ນຄາດໝາຍ 7,3%.

 ສະຫາຍ ສົມພົງ ວັນໄພທອງ ເລຂາພັກເມືອງ ເຈົ້າເມືອງໆນາກາຍ ລາຍງານຕໍ່ກອງປະຊຸມໃຫຍ່ ຄັ້ງທີ VI ຂອງອົງຄະນະພັກເມືອງ ນາກາຍ ທີ່ໄຂຂຶ້ນໃນວັນທີ 16 ມີນາ 2020 ວ່າ:ດ້ານການລົງທຶນໃນໄລຍະ 5 ປີຜ່ານມາ ສາມາດຈັດຕັ້ງປະຕິບັດໄດ້ທັງໝົດ 128 ໂຄງການ, ລວມມູນຄ່າ 148 ຕືກີບ,ທຽບໃສ່ແຜນການລື່ນຄາດໝາຍ 24,2%. ໃນນັ້ນໂຄງການລົງທຶນຂອງລັດ 23 ໂຄງການມູນຄ່າ 120 ຕື້ກີບ, ໂຄງການຊ່ວຍເຫຼືອ ເພື່ອການພັດທະນາ 98 ໂຄງການ ມູນຄ່າ 25 ຕື້ກີບ ແລະໂຄງການ ລົງທຶນຂອງປະຊາຊົນ 7 ໂຄງ ການ ມູນຄ່າ 2,7 ຕື້ກີບ, ດ້ານການ ຜະລິດສະບຽງອາຫານໂດຍສະ ເພາະການປູກເຂົ້າ ໃນເນື້ອທີ່ທັງໝົດ 2.447 ເຮັກຕາ, ລວມຜົນຜະລິດປະຕິບັດໄດ້ 8 ພັນໂຕນ, ດ້ານ ການຜະລິດເປັນສິນຄ້າ ມີກຸ່ມການ ຜະລິດຈຳນວນ 4 ກຸ່ມຄື: ກຸ່ມຕໍ່າແຜ່ນແພ, ກຸ່ມຜະລິດຕະພັນແປຮູບ ປາ,ກຸ່ມປູກຝັງ ແລະກຸ່ມຊື້ສັດ-ຂາຍ ຊີ້ນໄດ້ເຮັດໃຫ້ຫຼາຍຄອບຄົວມີລາຍຮັບທີ່ດີຂຶ້ນ, ວຽກງານພັດທະນາຊົນນະບົດສ້າງບ້ານພັດທະນາໄດ້ 22 ບ້ານ ເທົ່າກັບ 70,96% ຂອງ ຈຳນວນບ້ານທັງໝົດ, ສ້າງຄອບ ຄົວພັດທະນາໄດ້ 5.079 ຄອບຄົວ ກວມເອົາ 86%, ປະຈຸບັນຄອບຄົວ ທຸກຍາກຍັງເຫຼືອ 275 ຄອບຄົວ ເທົ່າກັບ 5% ທຽບໃສ່ແຜນ 5 ປີ ປະຕິບັດໄດ້ 95,43%.

   ສຳລັບຄາດໝາຍສູ້ຊົນແຕ່ປີ 2020-2024 ສູ້ຊົນປະຕິບັດຕາມ 6 ແຜນງານຄື: ແຜນງານພັດທະ ນາສະບຽງອາຫານ ແລະສົ່ງເສີມ ເປັນສິນຄ້າ,ແຜນງານພັດທະນາ ພື້ນຖານໂຄງລ່າງ ແລະການສື່ ສານ, ພັດທະນາຊັບພະຍາກອນ ມະນຸດ ແລະວັດທະນະທຳສັງຄົມ, ພັດທະນາການທ່ອງທ່ຽວ ແລະບໍລິ ການ, ປົກປັກຮັກສາພັດທະນາທີ່ດິນ ແລະປ່າໄມ້ ແລະແຜນງານສ້າງ ຄວາມເຂັ້ມແຂງໃຫ້ແກ່ການນຳ ພາຂອງພັກ, ການບໍລິຫານ, ວິຊາ ການ ແລະວຽກງານປ້ອງກັນຊາດ-ປ້ອງກັນຄວາມສະຫງົບ, ປະກອບມີ 56 ໂຄງການບູລິມະສິດ ແລະ 93 ໂຄງການຍ່ອຍ, ພ້ອມທັງຊຸກຍູ້ຫົວໜ່ວຍທຸລະກິດນຳໃຊ້ເຕັກນິກວິທະຍາສາດເຂົ້າໃນການຜະລິດ, ປັບປຸງກຸ່ມການຜະລິດໃຫ້ເຂັ້ມແຂງ, ສ້າງເງື່ອນໄຂອຳນວຍຄວາມສະ ດວກເຮັດໃຫ້ເສດຖະກິດຂະຫຍາຍຕົວໃນລະດັບ 6,45% ຕໍ່ປີ, ລາຍ ຮັບລວມຍອດໃຫ້ບັນລຸ 375 ຕື້ ກີບ ສະເລ່ຍໃສ່ຫົວຄົນ 1.405 ໂດ ລາຕໍ່ຄົນຕໍ່ປີ ຫຼື ເທົ່າກັບ 12 ລ້ານ ກວ່າກີບ.

----

ໂດຍ: ກອງຄຳ  

 

แชร์